[custom_breadcrumb]

里先生 Mr. Miles | 信用卡酒店旅遊優惠碼 | 里數攻略

分享如何利用信用卡積分里遊世界，拆解信用卡魔鬼條款！

[custom_breadcrumb]

16 10 月 2025
12:15 下午

【國泰會員】會籍積分Status Points全攻略！2026過渡2027改制！一篇文睇曬現有福利要求、5大更新及銀卡金卡鑽石卡攻略

對於經常出遊的香港人來說，「國泰會員」計劃絕對唔陌生，未改名前叫馬可孛羅會(Marco Polo Club)，但係幾年前國泰rebrand咗做Cathay之後已經直接叫「國泰會員」or「Cathay Membership」。

國泰會員計劃和「亞洲萬里通」里數是不同的，國泰會員的會籍級別取決於「會籍積分Status Points」，升級後可享用排快隊/國泰機場貴賓室等專屬禮遇，而亞洲萬里通里數就係我哋平時用Asia Miles信用卡儲里數，可用於Asia Miles兌換機票、升級或生活品味獎勵等。

國泰喺今日（2025年10月15日）宣布，將於 2027年1月1日 全面更新其會員計劃，目標係令成個體驗「更順暢、更簡單、更優越」。有跟開嘅讀者都知我2024年2月萬豪Marriott Bonvoy 會籍匹配咗國泰銀卡，之後一路都有玩升國泰金卡，其實都努力緊升國泰鑽石卡Diamond，所以今次嘅改動可以話對我有直接嘅影響。我了解完成個改動，覺得整體嚟講都真係簡單咗，對我個人嚟講個改動都係好處多於壞處。

今次變動非常大，可以話係徹底改變咗大家儲會籍積分（Status Points）嘅玩法。為咗令大家更全面理解，呢篇文章會先帶大家快速回顧一下現時「國泰會員」嘅基本概念，然後再剖析即將來臨嘅重大革新。作為受到直接影響嘅其中一人，我整合咗第一手資料做個最詳盡嘅分析。無論你係準備入門嘅新手定係資深玩家，呢篇文章都絕對關你事！

基礎篇：先認識現時嘅「國泰會員」等級與福利

要明白未來嘅改變，首先要了解家陣嘅玩法。簡單嚟講，只要你申請一個Asia Miles（亞洲萬里通）戶口，你就自動免費成為最基本嘅國泰綠卡會員。之後，你就可以透過唔同途徑(主要係課金搭CX或oneworld)去賺取「會籍積分Status Points」，從而升級到更高嘅會籍級別。留意返用里數換機票係無Status Points的，但係買機後再用Asia Miles Upgrade都仲會賺到原有買機票嘅status points。

國泰會員等級(Tiers)與升級要求

2025-2026國泰會員主要分為四個等級(Tiers)，愈高級別，福利愈多。最高級嘅鑽石卡會員甚至可以享用頭等貴賓室，同埋優先兌換演唱會門票等活動。

會員等級	國泰綠卡 (Green)	國泰銀卡 (Silver)	國泰金卡 (Gold)	國泰鑽石卡 (Diamond)
升級/保級所需積分	–	300積分	600積分	1,200積分
會籍有效期	永久	12個月	12個月	12個月
核心飛行禮遇	優先網上預辦登機	享用商務貴賓室商務艙櫃位登機優先處理行李	享用國泰商務貴賓室 (可帶一位同行)	享用頭等貴賓室 (可帶兩位同行) 頭等艙櫃位登機

升級到銀卡坐國泰果陣入到國泰營運的機場貴賓室，如國泰玉衡堂The Pier//玲瓏堂 The Deck//The Wing 寰宇堂//The Bridge 逸連堂。記得信用卡入免費機場Lounge同國泰Lounge差別好大架，國泰機場貴賓室可用使用券但無得就咁用信用卡入。

詳情可以睇返：https://www.cathaypacific.com/cx/zh_HK/membership/benefits.html

點樣賺取會籍積分？

乘搭航班：最直接嘅方法，乘搭國泰航空或「寰宇一家」聯盟航空嘅航班，艙位愈高、航程愈長，賺到嘅積分就愈多。
信用卡簽賬：使用渣打國泰Mastercard作日常消費，簽賬賺會籍積分Status Points，每簽賬滿HK$100,000可獲20會籍積分。如果打算用呢個方法儲Status Points就要留意返status points入賬日期同埋每年簽賬上限。

渣打國泰萬事達卡

HK$9.6萬最低年薪要求

HK$6/里一般本地簽賬里數回贈

HK$4/里外幣簽賬里數回贈

里先生額外迎新：2025年10月1日至30日期間，迎新2揀1! 1) FanFest簽賬迎新賺高達$2,000 Apple禮品卡+28,333里數或 里數迎新賺高達41,667里數 基本迎新：現有客戶免簽賬送5,000里數！簽指定金額賺高達20,000里數！

🎁迎新禮遇

渣打信用卡全新客戶(迎新2揀1)：

渣打國泰Mastercard® 於2025年10月1日至10月30日期間，經里先生指定連結及優惠碼成功申請迎新2揀1，玩法少少複雜我盡量簡化等大家易啲明。首先第一步，你要決定揀 1)FanFest禮遇(Apple Store Gift Card +里數) 或 2)純里數迎新。

1) FanFest禮遇( Apple禮品卡 + 里數)：

全新信用卡客戶*經里先生申請渣打國泰Mastercard，成功批卡+首兩個月合資格簽賬以下金額送Apple Gift Card，唔同Tier簽賬要求都唔一樣：

渣打國泰Mastercard(綠卡)：簽賬滿HK$6,000送HK$2,000 Apple Gift Card；
渣打國泰Mastercard- 優先理財(藍卡)：簽賬滿$12,000送HK$5,000 Apple Gift Card；
渣打國泰Mastercard- 優先私人理財 (黑卡)：簽賬滿$18,000送HK$10,000 Apple Gift Card

額外簽賬里數迎新：

玩法： 全新信用卡客戶於指定消費期內簽賬滿HK$50,000，當中第HK$30,001 - HK$50,000簽賬賺到HK$1/里，合共最高額外20,000里數。(呢Part首HK$1-HK$30,000簽賬係賺唔到額外HK$1/里數嘅，只係得基本里數)
基本簽賬(HK$6/里)： HK$50,000簽賬賺8,333里數

加總以上，渣打國泰Mastercard(綠卡)迎新揀FanFest 再簽足HK$50,000你會拎到 HK$2,000 Apple Gift Card + 28,333里數。

2) 純里數迎新：

全新信用卡客戶*揀里數迎新玩法相對易明，簡單講就係賺基本迎新里數+額外迎新里數，唯一要留意嘅係要簽足HK$50,000，以渣打國泰Mastercard(綠卡)為例：

額外里數迎新： 成功批卡後首兩個月簽HK$50,000，當中HK$30,001 - HK$50,000簽賬賺HK$1＝1里數，合共最高賺額外20,000里。(呢Part首HK$1-HK$30,000簽賬係賺唔到額外HK$1/里數嘅，只係得基本里數)
迎新里數： 成功批卡後首兩個月簽賬滿HK$40,000賺20,000里
基本簽賬(HK$6/里)： 餘下HK$10,000簽賬賺1,667里數

加總以上，迎新合資格簽賬滿HK$50,000你會拎到高達41,667里數。 ^全新渣打信用卡客戶需於2025年10月1至10月30日期間成功申請，並於2025年11月20日前成功批核。 - Apple禮品卡：成功申請後，合資格客戶將會喺2026年2月28日至4月30日或之前由國泰經email分批送出。

申請連結：MrMiles.hk/cathay-card-apply

(全新渣打信用卡客戶*入到去可以揀返FanFest禮遇 或者里數迎新，如果用iPhone/Mac的話會有Adblock，請你改返啲Setting再申請：MrMiles.hk/adblock/)

渣打信用卡現有客戶：

免簽賬迎新：開卡送5,000里數
額外里數迎新(HK$3/里)： 成功批卡後首兩個月簽HK$50,000，當中HK$30,001 - HK$50,000簽賬賺額外6,667里數(呢Part首HK$1-HK$30,000簽賬係賺唔到額外里數嘅，只係得迎新里數)
基本簽賬(HK$6/里)： 首HK$50,000簽賬賺8,333里數

加總以上，賺高達20,000里數。

✅優點

首年免年費
簽賬都可以儲會籍！合資格簽賬滿HK$500,000可賺高達100馬可孛羅會會籍積分 (以簽賬賺取，以前只能夠用飛行嚟賺取)
食肆、酒店及海外簽賬HK$4 = 1里！勁抵無上限賺里數食飯卡！(2024年6月8日起)
國泰、香港快運合資格簽賬HK$3＝1里
換里數免手續費
每月簽賬積分自動兌換去AM戶口，免除信用卡積分換里數啱晒唔想煩嘅里友
一樣食到渣打信用卡優惠及Mastercard優惠

❎缺點

網上ebanking繳費無積分

好，有咗呢啲基本概念之後，我哋就可以正式進入戲肉——睇下2027年嘅大革新，會點樣顛覆我哋上面所講嘅一切！

革新篇：國泰會員計劃2027年5大核心更新

睇完基礎，而家就嚟睇下由2027年1月1日開始，國泰會員計劃會有咩變化。先嚟一個懶人包表格，用60秒掌握核心變動：

變更重點	現行制度 (至2026年底)	新制度 (2027年1月1日起)	最大好處
1. 升級積分不清零	每次升級後，會籍積分即時重設為零(reset)，例如夠300分升銀會先清零再儲600分升金	升級後積分繼續累積，不清零，例如夠600分升金會累計，再儲600分夠1,200升鑽	因為不清零(reset)所以變相需要升到金或鑽石卡嘅Status Points係少咗
2. 統一會籍年度	每位會員嘅會籍年度由入會日期決定，各有不同	所有會員統一為每曆年1月1日至12月31日	計日子容易咗，唔使再記錯到期日
3. 積分續存 (Rollover)	當年搭多咗飛機，儲多咗嘅積分無用，浪費咗	金卡或以上會員，超出保級門檻嘅積分可續存至下年度。(綠卡/銀卡無得Rollover)	當年搭多咗飛機就幫到下年保級，升級有優勢
4. 新增「鑽石行政卡」	鑽石卡 (1,200分) 已是公開資料上最高級別	新增「鑽石行政卡 (Diamond Exec)」，需2,400分。	提供專屬客戶經理等更個人化嘅頂級服務。
5. 鑽石會籍可儲備(Reserve)	會籍每年都要重新努力保級，無任何Lifetime概念	鑽石卡會員 (需持滿5年) 每賺6,000分，即可儲起一年鑽石會籍，隨時啟用	我個人認為係加入了Lifetime概念，雖然不是真Lifetime但今日飛多咗起碼叫儲起咗

官網詳情：https://www.cathaypacific.com/cx/zh_HK/membership/programme-update/smoother-simpler-better-programme-2027.html

變革深度拆解：對你嘅國泰會員影響有幾大？

睇完懶人包，相信大家已經有個初步概念。而家就等我哋逐點深入分析，睇下呢啲變更喺實際操作上點樣影響你嘅飛行大計。

1. 升級之路暢通無阻：會籍積分不再「一鋪清袋」！

呢個絕對係今次最令人興奮嘅改動！以往大家最痛恨嘅，莫過於辛辛苦苦儲夠分升級（例如由綠卡升銀卡要300分），積分就即刻「歸零」，要由0分開始再儲600分上金卡。

新制下： 假設你係綠卡會員，喺同一曆年內：

你賺咗300分 -> 成功升級銀卡，戶口結餘 300分 (不清零！)
你再賺多300分 -> 戶口累計有 600分 -> 即時升級金卡！

呢個改動大大鼓勵咗會員喺同一年內積極衝刺，由綠卡直升金卡、甚至鑽石卡都唔再係夢想。對於商務旅客或者該年度有大量飛行計劃嘅朋友嚟講，絕對係一大福音。

2. 統一會籍年度：不再有混亂個人週期

以往每個人嘅會籍年度都唔同，要成日計住自己幾時到期，非常麻煩，有讀者嚟問我問題時我都要追問返佢問題先搭到咀。

新制下： 由2027年起，所有人嘅Status Points都係以曆年 1月1日至12月31日 累積咗幾多分，用嚟決定你下一個年度（即翌年1月1日至12月31日）嘅會籍級別。咁樣做令到目標清晰咗，方便大家規劃全年行程。而理論上可享受的會籍週期都長咗，以我嘅實際情況：

本身金卡會籍到2026年2月
我現在計劃最多的飛機安排係2026年1月及2月搭
假設我係1-2月已經累積到1,200 Status Points，升做Diamond
那我的Diamond會籍年度會去到2027年12月31日！(下一年嘅會籍級別會以上一年的Status Points嚟決定)

3. 積分續存 (Rollover)：飛多咗可以跌落下年度

呢個係金卡或以上會員嘅專屬福利(綠卡及銀卡無)。好多時為咗保級，我哋可能會儲多過門檻少少，例如金卡會員（保級需600分）最終儲咗800分，多出嚟嘅200分以往就浪費咗。

新制下： 呢位金卡會員可以用600分保級，然後將多出嘅200分續存至下一個年度，作為下年嘅「起動積分」，而上限就係升級需要積分的50%

金卡： 最多可續存300分
鑽石卡： 最多可續存600分
鑽石行政卡： 最多可續存1,200分

呢個設計都真係人性化，令高階會員更有動力去儲分，因為多出嚟嘅努力會直接回報喺下一個年度。

4. 鑽石之上再創高峰：「鑽石行政卡」登場

以往只有沒有官方公告的級別Diamond Plus (by invitation only)，國泰推出咗全新嘅「鑽石行政卡 Diamond Exec」，門檻係每年2,400會籍積分。其尊貴禮遇包括：

專屬客戶關係經理RM： 提供一對一個人化服務，處理航班同訂位需求。(以往一直都有，只係俾啲2024年賺取了2,800 status points的DM)
升艙憑證： 4張單程升艙券，最高可升至頭等艙。
金卡提名權： 可以提名一位親友成為金卡會員。

呢個級別明顯係為咗鎖定消費力最強嘅一群人，提供真正嘅VIP服務。而凡事都有兩面，新增咗一級代表住本身的Diamond member嘅含金量低咗，本身出嚟行DM就已經係最高級，現在多了個Diamond Exec係上面。不過都真係一山還有一山高，國泰係官方FAQ到有提到仲有鑽石尊尚卡(Diamond Plus，鑽石尊尚卡僅限獲邀會員)，所以都真係要追就幾時都有得追。

5. 「鑽石會籍儲備」Diamond Membership Reserve：忠誠度嘅終極獎賞

呢個做法都幾有創意，本身國泰會員沒有像其他航空公司會員計劃的”Lifetime membership”，變相好多識玩嘅常旅客FFP都會留啲status points放係其他有lifetime嘅航空會籍，而呢個正正係最高階member嘅pain points，而係新嘅制度下就加入咗有少少Lifetime概念嘅Diamond Membership Reserve的長期會員獎勵計劃，專為持有鑽石卡會籍滿5年或以上嘅超級國泰Fans而設。

玩法： 當你符合資格後，每累積滿 6,000會籍積分，就可以得到一年嘅鑽石會籍「儲備」起嚟。呢個儲備冇使用期限，亦冇儲存上限。

換言之，如果你喺某幾年飛得特別多，或者年輕時狂出差狂飛，你可以儲定幾個「鑽石年資」，喺之後可能因工作或家庭轉變而飛得少嘅年份，拎出嚟用，確保可以一直享受鑽石卡嘅待遇。

里先生點睇？2026年「過渡期」攻略與注意事項

新制要到2027年先正式實行，咁中間嘅2026年點算？呢一年非常關鍵，可以話係一個「黃金機會窗」，部署得好嘅話可以贏在起跑線！

2026年嘅遊戲規則：

會籍升級/保級： 依然沿用舊制度。即係話，你喺2026年內升級（例如銀卡上金卡），你嘅會籍有效期最遲到2026年12月31日。
決定2027年等級： 國泰會回看你整個2026年（1月1日至12月31日）累積嘅總積分，嚟決定你2027年全年嘅會籍級別，所以2026年賺嘅分同時係為咗2027年嘅全年會籍做準備
積分續存福利Rollover即時適用： 如果你喺2026年儲多咗分，呢啲多出嘅積分可以直接續存到2027年！

里先生的國泰鑽石卡攻略：

全力衝刺2026年1-2月： 由於2026年嘅積分有「一分兩用」嘅效果（既可決定當年升級，總分又決定2027年等級），我個原會籍年度到2月28日，我會集中安排係呢兩個月飛到上鑽石。
有渣打國泰Mastercard的話，2025年10-12月嘅消費刷卡賺取Status Points會係2026年3月入賬，可以提早幫到2026及2027年保級，每簽賬滿HK$100,000可獲20會籍積分。如果打算用呢個方法儲Status Points就要留意返status points入賬日期同埋每年簽賬上限。