搭國泰被要求downgrade，第一次體驗同大家分享下。航程時間1小時嘅航班，本身個booking係官網俾錢book嘅Business class，早咗三個鐘到機場checkin個地勤小姐就同我講話轉咗機型為32Q(單走道細機)問我會唔會考慮轉落Econ，會有兩個補償措施：
- 成行Econ block咗佢隔離唔會有人
- 公司會有退錢HK$2,100做補償
短途機我對坐唔坐Business class冇乜大感覺，因為今年會保Diamond，所以我關注嘅只係會籍積分賺幾多。
最後我accept咗，唔知點解個地勤小姐超級驚訝同埋開心，我覺得係good deal嚟但係唔明白地勤小姐點解好驚訝我會肯接受咁，佢話因為機型轉得好急同埋要搵幾個客落去Econ。
去到閘口嘅時候就會有職員同我做埋個退款手續，因為我係官網用渣打國泰卡book，原路退返去信用卡實測五日之後就正式收到錢。
總括嚟講，我覺得今次係幾好嘅體驗嚟，成個程序好smooth好快手，國泰係做得幾好。
我Share完自己今次國泰Downgrade體驗之後，都收到唔少讀者分享自己遇過嘅類似情況。以下就整理咗幾個比較常見嘅問題，等大家下次如果遇到類似情況，或者被問會唔會接受Downgrade時，起碼都大概知道會發生咩事同可以點處理。
1.國泰Business Class被Downgrade後，會籍積分會唔會減少？
答：唔會，會籍積分會按返原有booking class俾分，情況同平時grade一樣都只會俾返原有積分。
2.喺國泰用現金買機票 VS 里數換機票，被downgrade賠償上有無分別？
答：我今次用錢買所以國泰直接將補償金額退返去我信用卡，有讀者分享用里數換機票嘅話就會退返里數同一次升艙pass，所以應該視乎你用咩買就會退返相應嘅賠償。
3.國泰Downgrade後幾耐會收到退款？
答：我今次經國泰官網買票並以渣打國泰卡付款所以係退返落信用卡，實測約5日收到
4.國泰Business Class被Downgrade到Economy後，飛機餐會跟邊個客艙？
答：飛機餐都會跟返Econ，酒水都跟Econ。
其他讀者對於被downgrade有咩睇法？
有啲讀者覺得補償算合理，亦有人會更加著重原本買咗咩Cabin同最終安排值唔值得接受。以下就整理咗部分讀者嘅實際分享，俾大家參考下遇到國泰Downgrade時應該點樣做決定。
有讀者覺得短途機而其他服務無影響嘅話都會accept downgrade
亦有讀者討論係咪可以先bargain 一下先再決定接唔接受downgrade
加入里先生已驗證內容為 Google 首選來源，減低出錯率！
