【富融銀行 Fusion Bank】虛擬銀行 股東包括騰訊、港交所

 fusion-bank-富融銀行-虛擬銀行

【富融銀行 Fusion Bank】虛擬銀行 股東包括騰訊、港交所

相信有留意金融科技嘅朋友都知近排愈嚟愈多虛擬銀行開業,而今次介紹嘅富融銀行(Fusion Bank)雖然未正式面世,但有騰訊、港交所等等作為大股東嘅富融銀行仍然被受關注,以下就簡介少少Fusion Bank嘅背景同資料啦!

其他虛擬銀行包括MOX銀行ZA BankWeLab Banklivi銀行天星銀行螞蟻銀行平安壹通賬銀行,想知多啲嘅可以click埋連結睇返相關文章!

富融銀行 Fusion Bank

富融銀行由騰訊、中國工商銀行、港交所,仲有新世界發展執行副主席鄭志剛以個人身份出資設立。Fusion Bank其實一開始喺叫貽豐(Infinium),之後先正式改名做富融銀行,公司解釋話呢個名嘅意思喺「融通全球,造富於人」,而英文Fusion就喺意味住富融會結合各個股東嘅專長,大力推動金融科技發展。

而之前富融銀行行政總裁岑志豪接受訪問個陣都透露少少將來發展嘅方向同產品,例如自訂定存到期日、「以歌代息」等等。一般銀行定存年期多數都喺3、6、12個月,如果可以自訂到期日,就可以更加有彈性啦!而以歌代息嘅概念就喺整一個基金出嚟,投資唔喺賺錢,而喺賺歌,當然呢啲都喺一啲好初步嘅諗法,之後會推出啲咩產品就要等官方發布消息啦!

提一提大家,富融銀行亦都喺受金管局監管,而且亦都喺存款保障計劃成員銀行之一,所以如果將來倒閉,客戶都會有最高50萬港元保障賠償嘅。

另外因為騰訊喺股東之一,岑志豪都有表示將來富融銀行有機會會同WeChat Pay合作,推出一系列嘅服務,而而家睇返資料,富融銀行暫時仲未開設官網,所以相關資訊都唔多,睇嚟都要再等下消息啦。

Source:https://hk.appledaily.com/finance/20190818/7POFCDKGGDHD4G4OURYW7KCSUA/

你可能有興趣的文章...

Leave a Reply

Your email address will not be published. Required fields are marked *