北海道溫泉酒店 2026 終極指南！想搵有天然溫泉嘅札幌酒店推介、定山溪私人風呂、定係登別「三大蟹」任食酒店？本文精選 14 間必住推介，包括新開幕鶴雅系列、頂絕景酒店，以及設有巨型水上樂園嘅親子首選。內附詳細交通、房價比較、溫泉地區分析，搵出最適合你嘅北海道度假提案！除咗溫泉，如果你想規劃埋滑雪行程，我哋亦整理咗靠近雪場嘅北海道滑雪酒店；至於帶住小朋友嘅家長，文內更有設有巨型水上樂園、大人細路都鍾意嘅北海道親子酒店精選！
北海道溫泉酒店推介｜快速索引
北海道四大溫泉區分析
| 溫泉地區 | 交通時間 | 價錢範圍 | 適合對象 | 泉質特色 |
|---|---|---|---|---|
| 札幌市區 | 約 40 分鐘 | HK$800 – HK$3,500 | 自由行新手、家庭客、長輩 | 天然碳酸鹽泉 |
| 定山溪 | 約 60 分鐘 | HK$1,200 – HK$5,500 | 情侶、夫婦、追求度假感者 | 鈉氯化物泉 |
| 登別 | 約 60 分鐘 | HK$1,500 – HK$3,500 | 吃貨、海鮮迷、資深溫泉迷 | 硫磺泉、食鹽泉 |
| 洞爺湖 | 約 2 小時 | HK$2,200 – HK$8,000 | 慶祝紀念日、重視儀式感旅客 | 清澈溫和泉質 |
📍 札幌市區：市中心心水之選
對於追求行程效率嘅旅客嚟講，札幌市區係完美落腳點。新千歲機場搭 JR 40 分鐘就到。最大優勢在於地理位置，去狸小路行到手軟，返酒店即刻有得浸天然溫泉。雖然市中心客房空間相對較細，但性價比極高且享有便利嘅生活機能，對於預算型旅人、自由行新手或帶著長輩不便長途跋涉嘅家庭嚟講係最佳選擇。
-
交通： 新千歲機場乘 JR 快速列車至札幌站（約 40 分鐘）。
-
泉水特色： 部分係於都市大樓中開採出嘅天然碳酸鹽泉，能舒緩神經痛及肌肉疲勞。
📍 定山溪：札幌後花園度假體驗
如果你渴望遠離塵囂，又唔想旅途太過轉折，被譽為「札幌後花園」嘅定山溪就係首選。多數高質量旅館（如翠山亭系列）均提供札幌市區接駁車，交通配套非常完善。推介選擇房內自帶私人風呂嘅房型，私隱度爆燈，最啱情侶、兩公婆嚟嘆「一泊二食」。到秋天仲有滿山紅葉，可以一邊浸浴一邊欣賞，也或者漫步於著名嘅定山溪二見吊橋都非常唔錯。對於想喺緊湊行程中抽一兩日享受高品質度假嘅人嚟講，定山溪嘅氛圍絕對唔會令你失望。
-
交通： 札幌站/地鐵真駒內站乘酒店接駁車或「定山溪線」巴士（約 60 分鐘）。
-
泉水特色： 泉質多為鈉氯化物泉，保溫效果極佳，浸完後皮膚滑溜且身體持久溫暖。
📍 登別：感受地獄之火
登別係北海道最負盛名嘅溫泉聖地，從機場乘搭巴士約一小時即可到達。呢度最震撼嘅莫過於壯闊嘅「地獄谷」奇觀，空氣中瀰漫住濃厚嘅硫磺味。登別嘅溫泉酒店多以「大規模」見稱，擁有佔地萬呎、包含多種不同泉質嘅大浴場，一次過滿足多個願望。晚餐方面，各大酒店都會以豐盛「三大蟹」自助餐招徠，係吃貨嘅天堂，係老牌溫泉迷同埋鍾意食海鮮嘅朋友必去聖地。雖然團客較多，但只要揀啱浸浴時段（如深夜或清晨）都係可佞好好享受寧靜嘅絕景。
-
交通： 機場乘搭高速巴士「登別溫泉號」直達（約 60 分鐘）。
-
泉水特色： 以多樣化泉質聞名（如硫磺泉、食鹽泉），對皮膚病及血液循環有顯著幫助。
📍 洞爺湖：頂級無邊際湖景
呢度主打奢華度假感，溫泉同湖景連成一線，景觀震撼。無論係想影相打卡，定係想慶祝周年紀念，洞爺湖嘅頂級酒店（如乃之風）絕對唔會失禮。洞爺湖非常適合重視儀式感嘅旅客，夏季有壯麗煙花匯演，冬日則有絕美嘅湖面雪景。由於吸引到唔少國際頂尖酒店進駐，餐飲同服務水準皆屬頂級，特別適合想享受星級酒店設施、或是偏好歐風度假感嘅旅客。
-
交通： 札幌站乘接駁巴士或搭乘 JR 特急北斗號至洞爺站（約 2 小時）。
-
泉水特色： 泉質清澈溫和，以促進健康及緩解關節痠痛著稱，且景觀視角極佳。
北海道溫泉酒店比較表一覽
| 酒店名稱 | 地區 | 最抵價錢 | 特色 | 預訂網址 |
|---|---|---|---|---|
| 北海道札幌大通柔婕閣酒店 | 札幌市區 | HK$800起 | 市中心天然溫泉 | Agoda／Trip.com／Expedia |
| 札幌由緣温泉日式旅館 | 札幌市區 | HK$1,000起 | 禪意設計溫泉 | Agoda／Trip.com／Expedia |
| SONEKA | 札幌市區 | HK$1,800起 | 房內私人桑拿 | Agoda／Trip.com／Expedia |
| 定山溪翠山亭俱樂部 | 定山溪 | HK$3,500起 | 全房私人溫泉 | Agoda／Trip.com／Expedia |
| 定山溪豪景酒店 | 定山溪 | HK$1,200起 | 巨型水上樂園 | Agoda／Trip.com／Expedia |
| 章月度假酒店 | 定山溪 | HK$2,200起 | 全房面溪谷景 | Agoda／Trip.com／Expedia |
| 廚翠山溫泉旅館 | 定山溪 | HK$3,000起 | 主打高質料理 | Agoda／Trip.com／Expedia |
| 登別第一瀧本館 | 登別溫泉 | HK$1,800起 | 地獄谷大浴場 | Agoda／Trip.com／Expedia |
| 登別馬可波羅酒店 | 登別溫泉 | HK$1,500起 | 多款蟹任食 | Agoda／Trip.com／Expedia |
| 登別格蘭大酒店 | 登別溫泉 | HK$1,600起 | 羅馬風浴場 | Agoda／Trip.com／Expedia |
| 望樓 NOGUCHI 洞爺 | 洞爺湖 | HK$4,500起 | 全房湖景風呂 | Agoda／Trip.com／Expedia |
| 洞爺湖景乃之風度假酒店 | 洞爺湖 | HK$2,200起 | 無邊際露天池 | Agoda／Trip.com／Expedia |
| 洞爺湖鶴雅度假村 洸之謌 | 洞爺湖 | HK$3,500起 | 23年新開設施 | Agoda／Trip.com／Expedia |
| 洞爺溫莎度假酒店 | 洞爺湖 | HK$2,500起 | 山頂360度絕景 | Agoda／Trip.com／Expedia |
📍 札幌市區 (Sapporo City)
1. 北海道札幌大通柔婕閣酒店 (La’gent Stay Sapporo Odori)
呢間 La’gent Stay 喺札幌大通區好受歡迎，雖然喺市中心，但竟然有埋天然溫泉大浴場，行完街返嚟浸返下真係好爽。酒店裝修走現代和風路線，有幾層仲係特別設計嘅「和室」或者帶有小廚房嘅房型，好啱家庭客或者住多幾日嘅朋友。地點方面簡直無得輸，落樓下行兩步就係狸小路商店街。
- 交通：從地鐵「大通站」步行約 5 分鐘
- 價錢範圍：約 HK$800 – HK$1,500 起
- 里先生短評：性價比極高！市中心有溫泉加埋超方便地點，已經贏咗大半。唯旺季大浴場人多，建議揀宵夜時段浸。
- ⭐ 綜合評分： Google 4.3/5 | Agoda 8.8/10 | Trip.com 4.5/5
| ✅ 優點 | ❎ 缺點 |
|
|
即睇北海道札幌大通柔婕閣酒店優惠：
Agoda／Trip.com／Expedia
2. 札幌由緣温泉日式旅館 (Onsen Ryokan Yuen Sapporo)
「由緣」將傳統日式旅館嘅靈魂搬咗入市中心，全木質調裝修加埋禪意設計，Chill 到一個點。最正係天然溫泉連埋露天風呂，浸完仲有免費雪條食，細節位攞滿分。雖然間房唔算大，但裝修精緻影相一流。如果你想喺市區都享受到溫泉旅館嘅 Feel，呢間絕對係首選。
- 交通：從 JR「札幌站」步行約 10-12 分鐘
- 價錢範圍：約 HK$1,000 – HK$2,200 起
- 里先生短評：私心推介！雖然離車站要行段路，但嗰份寧靜同日式氛圍係其他市中心酒店俾唔到嘅。早餐日式便當亦好精緻。
- ⭐ 綜合評分： Google 4.4/5 | Agoda 9.0/10 | Trip.com 9.1/10
| ✅ 優點 | ❎ 缺點 |
|
|
即睇札幌由緣温泉日式旅館優惠：
Agoda／Trip.com／Expedia
3. SONEKA
想試下有個性、有設計感嘅私房旅館，SONEKA 絕對驚艷。全酒店只有幾間房，私隱度極高，主打「城市中嘅隱世感」。房型設計非常有型，甚至有埋私人 Sauna 或者特大浸浴缸，對於唔想去大浴場同人迫嘅朋友係完美選擇。每樣嘢都好精緻，係一間好適合情侶慢活嘅精品旅館。
- 交通：從地鐵「中島公園站」步行約 8 分鐘
- 價錢範圍：約 HK$1,800 – HK$3,500 起
- 里先生短評：走高質私房路線，房內私人桑拿係一大亮點。雖然房價較貴且周邊生活機能冇咁強，但勝在夠靜夠型。
- ⭐ 綜合評分： Google 4.8/5 | Agoda 9.2/10 | Trip.com 4.9/5
| ✅ 優點 | ❎ 缺點 |
|
|
即睇SONEKA優惠：
Agoda／Trip.com／Expedia
📍 定山溪溫泉 (Jozankei Onsen)
4. 定山溪翠山亭俱樂部 (Jozankei Suizantei Club)
追求極致安靜同奢華嘅話，呢間「翠山亭俱樂部」真係冇得輸。全館得 14 間房，而且全部房型都自帶私人溫泉！酒店行「大人的隱居」風格，唔招待小朋友，所以成間酒店都係靜悄悄，最啱二人世界或者徹底放空。晚餐嘅懷石料理直情係 VIP 等級。
- 交通：札幌站提供預約制接駁巴士
- 價錢範圍：約 HK$3,500 – HK$5,500 起 (含早晚餐)
- 里先生短評：定山溪貴族級選擇。房內有溫泉可以全日唔出房，留意係「Adults Only」，帶小朋友就唔好揀呢間。
- ⭐ 綜合評分： Google 4.5/5 | Agoda 8.9/10 | Trip.com 4.6/5
| ✅ 優點 | ❎ 缺點 |
|
|
即睇定山溪翠山亭俱樂部優惠：
Agoda／Trip.com／Expedia
5. 定山溪豪景酒店 (Jozankei View Hotel)
呢間係定山溪嘅經典老牌，規模大到好似座城咁。帶小朋友出發嘅話，呢間基本上係必去，因為佢個超巨型室內水上樂園「Joyful」真係好出名，滑水梯同浪池足夠玩足全日。雖然裝修比較有年代感，唔係行精緻路線，但勝在設施夠齊，係熱鬧合家歡嘅首選。
- 交通：提供由札幌市中心出發嘅免費接駁巴士 (需預約)
- 價錢範圍：約 HK$1,200 – HK$2,500 起 (含早晚餐)
- 里先生短評：走平民合家歡路線，水上樂園係最大賣點。雖然房內較舊，但包兩餐兼有嘢玩，性價比好抵。
- ⭐ 綜合評分： Google 3.9/5 | Agoda 8.1/10 | Trip.com 4.1/5
| ✅ 優點 | ❎ 缺點 |
|
|
即睇定山溪豪景酒店優惠：
Agoda／Trip.com／Expedia
6. 章月度假酒店 (Shogetsu Grand Hotel)
章月係好多人心目中嘅定山溪首選，最大賣點係所有房間都面向溪谷，保證見到無敵景觀。最出名係個「蜜糖 Lounge」，提供廿幾款蜂蜜同茶飲，浸完溫泉喺度食件蜂蜜甜品真係好寫意。雖然唔係摩登設計，但維護得好好，服務到位。
- 交通：從札幌站坐巴士於「定山溪神社前」落車步行 1 分鐘
- 價錢範圍：約 HK$2,200 – HK$3,800 起 (含早晚餐)
- 里先生短評：景觀無敵，尤其紅葉季喺房望出去好似幅畫。蜜糖 Lounge 好有特色，雖然房價唔平，但質素對得住個價。
- ⭐ 綜合評分： Google 4.3/5 | Agoda 8.9/10 | Trip.com 4.5/5
| ✅ 優點 | ❎ 缺點 |
|
|
即睇章月度假酒店優惠：
Agoda／Trip.com／Expedia
7. 廚翠山溫泉旅館 (Kuriya Suizantei)
呢間係專為「吃貨」而設嘅精品旅館，主打「料理長嘅廚房」。全館得 14 間房，極之安靜私隱。餐飲體驗唔係大路嘢，而係藝術品一樣嘅創作料理。房間基本自帶私人風呂，係追求生活質素港客嘅心水之選。
- 交通：札幌站提供預約制接駁巴士
- 價錢範圍：約 HK$3,000 – HK$5,000 起 (含高級早晚餐)
- 里先生短評：專門為識食之人而設。雖然設施未必多，但餐飲質素絕對驚艷。建議留多啲時間喺酒店慢嘆，唔好趕行程。
- ⭐ 綜合評分： Google 4.4/5 | Agoda 9.1/10 | Trip.com 4.7/5
| ✅ 優點 | ❎ 缺點 |
|
|
即睇廚翠山溫泉旅館優惠：
Agoda／Trip.com／Expedia
📍 登別溫泉 (Noboribetsu Onsen)
8. 登別第一瀧本館 (Dai-ichi Takimokan)
登別最具代表性嘅地標級名店。佢最勁嘅地方係嗰個過萬呎嘅大浴場，入面有成 7 種唔同溫泉水質，24 小時開放。最正係可以一邊浸浴一邊望住對面嘅「地獄谷」景觀，震撼感十足。雖然酒店有歷史，但部分房型已翻新成現代和風。
- 交通：從 JR「登別站」坐巴士約 15 分鐘
- 價錢範圍：約 HK$1,800 – HK$3,500 起 (含早晚餐)
- 里先生短評：登別溫泉界嘅經典！雖然人流真係好旺，但望住地獄谷浸浴真係值回票價。酒店就喺地獄谷入口隔離，去景點極方便。
- ⭐ 綜合評分： Google 4.3/5 | Agoda 8.8/10 | Trip.com 4.6/5
| ✅ 優點 | ❎ 缺點 |
|
|
即睇登別第一瀧本館優惠：
Agoda／Trip.com／Expedia
9. 登別馬可波羅酒店 (Hotel Mahoroba)
馬可波羅係登別另一間性價比極高嘅大型酒店。受歡迎原因有二：第一係溫泉，有成 31 款浴池；第二係自助晚餐，以「三大蟹」任食做賣點，對蟹控嚟講簡直係天堂。雖然房間較傳統，但空間十足，且位於溫泉街中心，行街好方便。
- 交通：從「登別溫泉」站落車步行約 3 分鐘
- 價錢範圍：約 HK$1,500 – HK$2,800 起 (含早晚餐)
- 里先生短評：蟹控同溫泉迷必住！溫泉種類係登別最多。雖然團體客多，但自助餐補貨快，唔驚食唔到蟹。
- ⭐ 綜合評分： Google 4.1/5 | Agoda 8.4/10 | Trip.com 4.3/5
| ✅ 優點 | ❎ 缺點 |
|
|
即睇登別馬可波羅酒店優惠：
Agoda／Trip.com／Expedia
10. 登別格蘭大酒店 (Noboribetsu Grand Hotel)
呢間酒店有「登別迎賓館」之稱，連日本皇室都住過。最出名係極具特色嘅圓頂羅馬風大浴場，設計充滿異國情調。除咗羅馬浴場，露天庭園溫泉亦好有氛圍。雖然係老牌旅館，但維護得唔錯，服務質素有保證，係大器、穩重嘅日式體驗。
- 交通：從「登別溫泉」巴士總站落車行 1 分鐘
- 價錢範圍：約 HK$1,600 – HK$3,000 起 (含早晚餐)
- 里先生短評：皇室級數享受。雖然部分房型略顯「成熟」，但大器氣場係其他酒店模仿唔到。大浴場個羅馬圓頂天花真係好型。
- ⭐ 綜合評分： Google 4.2/5 | Agoda 8.7/10 | Trip.com 4.4/5
| ✅ 優點 | ❎ 缺點 |
|
|
即睇登別格蘭大酒店優惠：
Agoda／Trip.com／Expedia
📍 洞爺湖溫泉 (Lake Toya)
11. 望樓 NOGUCHI 洞爺 (Boro Noguchi Toya)
望樓 NOGUCHI 絕對係天花板級。全館套房設計，面積 500 呎起跳，最癲係每間房都有大浴缸望住洞爺湖，私隱度高到爆。裝修走極簡摩登路線，完全冇傳統溫泉旅館嘅陳舊感，配埋管家式服務，係慶祝紀念日嘅不二之選。
- 交通：從 JR「洞爺站」坐的士約 15 分鐘
- 價錢範圍：約 HK$4,500 – HK$8,000 起 (含高級早晚餐)
- 里先生短評：極致奢華代表！全房型自帶湖景溫泉，基本上唔使去公共大浴場。雖然價錢貴，但嗰種低調奢華嘅氛圍，絕對值得一生人住一次。
- ⭐ 綜合評分： Google 4.4/5 | Agoda 9.1/10 | Trip.com 4.7/5
| ✅ 優點 | ❎ 缺點 |
|
|
即睇望樓 NOGUCHI 洞爺優惠：
Agoda／Trip.com／Expedia
12. 洞爺湖景乃之風度假酒店 (The Lake view TOYA Nonokaze Resort)
乃之風（Nonokaze）真係出晒名，直情係好多港客首選。最大賣點係個「天空露天風呂」，浸浴時池水同湖水連成一線，震撼感十足。全館房型面朝湖景，設計現代摩登。自助餐分區極細緻，更有專屬寵物樓層，配套非常全面。
- 交通：札幌站提供免費接駁巴士 (需提前預約)
- 價錢範圍：約 HK$2,200 – HK$4,500 起 (含早晚餐)
- 里先生短評：全能型選手，景觀、嘢食同設施都係一流。雖然人流較多，但空間夠大。無邊際溫泉真係要去親身體驗。
- ⭐ 綜合評分： Google 4.4/5 | Agoda 9.1/10 | Trip.com 4.7/5
| ✅ 優點 | ❎ 缺點 |
|
|
即睇洞爺湖景乃之風度假酒店優惠：
Agoda／Trip.com／Expedia
13. 洞爺湖鶴雅度假村 洸之謌 (Lake Toya Tsuruga Resort Hikari no Uta)
2023 年開幕新酒店，係鶴雅集團最新力作。大堂以「光」為主題，中庭花園設有大火爐，冬天睇住雪景圍爐飲嘢真係 Chill 到極點。房型多自帶私人風呂，行精緻日式路線。雖然唔係正正喺湖邊，但山湖景觀反而多咗份寧靜感。
- 交通：酒店提供預約制接駁巴士往返 JR 洞爺站
- 價錢範圍：約 HK$3,500 – HK$6,000 起 (含高級早晚餐)
- 里先生短評：鶴雅出品必屬佳品，硬件同服務都係頂尖。嘢食質素極高，無論自助餐定料理都唔令人失望。房價較貴，適合純度假嘅人。
- ⭐ 綜合評分： Google 4.5/5 | Agoda 9.0/10 | Trip.com 4.7/5
| ✅ 優點 | ❎ 缺點 |
|
|
即睇洞爺湖鶴雅度假村 洸之謌優惠：
Agoda／Trip.com／Expedia
14. 洞爺溫莎度假酒店 & Spa (The Windsor Hotel TOYA – IHG Hotels & Resorts)
溫莎酒店起喺山頂可以 360 度俯瞰洞爺湖景加內浦灣海景。曾作為 G8 峰會場地接待元首，服務水準同格局極大器。雖然裝修風格有歲月痕跡，但維護得極好，依然散發經典貴氣。內有米芝蓮級餐廳，係追求大器渡假感嘅首選。
- 交通：從 JR「洞爺站」坐免費接駁巴士約 30-40 分鐘
- 價錢範圍：約 HK$2,500 – HK$6,000 起 (含早晚餐)
- 里先生短評：景觀係全洞爺湖最高級別，有種「大地在我腳下」嘅感覺。地點雖然偏遠，但追求極致寧靜嘅話，呢度係首選。
- ⭐ 綜合評分： Google 4.4/5 | Agoda 8.7/10 | Trip.com 4.5/5
| ✅ 優點 | ❎ 缺點 |
|
|
即睇洞爺溫莎度假酒店 & Spa優惠：
Agoda／Trip.com／Expedia
北海道溫泉酒店常見問題
去北海道浸溫泉，揀邊區酒店最好？
去北海道浸溫泉，揀邊區主要都係睇你行程點行！想方便行街就揀 札幌市區（如 La’gent Stay）；想近近地感受山林氣息就去 定山溪，離札幌先一小時車程。如果你係溫泉愛好者，登別 啲泉質係最勁嘅；想睇住個湖放空，咁就一定要揀 洞爺湖 嘅無邊際風呂啦。
如果想私人風呂，點揀好？係咪一定好貴？
如果想私人風呂，唔一定好貴！雖然好多帶私人風呂嘅房（好似 望樓 NOGUCHI）都偏貴，但你可以揀一啲房內有私人桑拿或者大型浴缸嘅精品旅館（好似 SONEKA），或者搵啲有「貸切風呂」（租用式私人溫泉）嘅酒店，咁就唔使加咁多錢都享受到私隱。
帶住小朋友去北海道溫泉酒店，有咩要注意？
帶住小朋友去北海道溫泉酒店，最緊要睇清楚酒店係咪 Adults Only！好似 定山溪翠山亭俱樂部 係唔招待細路嘅。親子遊我最推介 定山溪豪景酒店，佢有個超大室內水上樂園，小朋友玩滑水梯都玩到斷氣，大人就可以安靜浸下溫泉。
北海道溫泉酒店提供嘅接駁巴士係咪一定要預約？
北海道溫泉酒店絕大部分接駁巴士都一定要預約！尤其係好似 乃之風 或者 溫莎酒店 呢類熱門名店，接駁車好快爆滿。建議你一訂完房，就即刻去官網或者發 Email 預約定位置，如果唔係到時自己坐的士或者搭巴士轉車都幾貴同幾麻煩。
去登別浸溫泉，點樣可以避開旅行團人潮？
登別大型酒店（好似 第一瀧本館）人流真係幾旺。想浸得 Chill 啲，建議避開 17:00-19:00 呢段高峰期。最好揀食完晚飯、大約 22:00 之後嘅「宵夜時段」，或者朝早 06:00 左右去浸，嗰陣通常最少人，望住地獄谷個景都寧靜啲。
