住宿實測！

🎯 食迎新 ‧ 留條款 ‧ 賺 FPS

經里先生申請，FPS直派現金回贈

名古屋酒店要點揀？揀名古屋酒店最緊要係跟行程劃分區域！今次整理 20 間名古屋住宿，由名古屋站直通、榮商圈步行即達各大百貨，到金山站搭名鐵 24 分鐘直達機場，以及伏見區靜謐平價住宿都全面涵蓋。無論你想搵 HK$500 起抵住商旅、50㎡起超大空間親子套房，定係高空大浴場星級酒店，內文均附有精準交通動線、實測優缺點與評價，幫你快速搵到最合適嘅名古屋酒店。

名古屋酒店推介｜快速索引

TL;DR 重點摘要｜2分鐘懶人包
名古屋 4 大住宿地區分析
名古屋酒店里先生精選 Top 10 推介
名古屋車站周邊住宿：新手必住
名古屋榮商圈住宿：購物與夜生活
名古屋伏見住宿：文青特色酒店
名古屋金山住宿：CP值之選
名古屋酒店常見問題

TL;DR 重點摘要｜2分鐘懶人包

預訂名古屋酒店不知從何入手？里先生為大家整理咗四大熱門住宿區域，一次過睇晒唔同預算同需求嘅心水名單。以下為大家精選出幾間必住推薦，幫你快速鎖定目標！

名古屋站直通首選：名古屋萬豪Associa酒店、名古屋JR門樓酒店，落車即到，落雨無憂。
奢華景觀獨特：名古屋塔酒店、名古屋TIAD傲途格精選酒店，50㎡超大空間極致享樂。
高CP值平價商旅：名古屋京阪酒店、名古屋榮androoms酒店、名古屋金山 Comfort 酒店，每晚 HK$500 起。
親子多人家居首選：GOLD STAY 名古屋大須，40㎡起連獨立廚房與洗脫烘洗衣機。
機場往返最快：名古屋金山皇冠假日酒店，搭名鐵特急 24 分鐘直達機場。

💡 里先生建議：第一次去名古屋、行李多或帶老人家同小朋友，強烈建議揀「名古屋站」直通酒店；如果想兼顧機場往返又想慳預算，「金山站」係極高性價比嘅隱藏玩法！

名古屋 4 大住宿地區分析

1. 名古屋酒店名站周邊：新手必住交通樞紐

名古屋核心交通樞紐，JR、新幹線、名鐵及近鐵交匯。酒店大多與車站或地下街直通，免受風吹雨打，樓下即是 Bic Camera、JR Central Towers 等大型商場，生活與購物機能極強。

適合對象：首次訪日新手、帶長輩或小朋友的親子家庭、攜帶大件行李箱，以及計劃轉乘新幹線或高速巴士前往高山、白川鄉等近郊景點的旅客。
平均房價：約 HK $550 – HK$ 3,200／晚（平價商旅約 HK $550 起；車站直通星級酒店約 HK$ 1,200 – HK$3,200）。

2. 名古屋酒店榮商圈：購物與夜生活

名古屋最熱鬧的購物與夜生活中心，各大百貨公司與潮流品牌林立。區內擁有地標電視塔與久屋大通公園的綠意景致，美食與居酒屋選擇極多，夜晚氛圍熱鬧。

適合對象：購物狂、潮流文青、喜愛夜生活與宵夜美食、年輕情侶或朋友同行。
平均房價：約 HK $500 – HK$ 4,800／晚（平價設計商旅約 HK $500 – HK$ 1,100；奢華精品/地標改建酒店約 HK $2,500 – HK$ 4,800）。

3. 名古屋酒店伏見：寧靜文青特色

介乎名古屋站與榮站之間（搭地鐵僅需 1 站），環境相較鬧區沉穩寧靜。區內聚集不少文青特色酒店、歷史老牌名店及公寓式住宿，文教與生活氣息濃厚。

適合對象：偏好安靜住宿環境、文青獨旅者、長住或追求大空間套房的親子家庭。
平均房價：約 HK $550 – HK$ 2,800／晚（設計風格商旅約 HK $550 – HK$ 1,000；四/五星連鎖酒店約 HK $1,000 – HK$ 2,800）。

4. 名古屋酒店金山：CP值之選

JR、名鐵與地下鐵三鐵共構的交通次樞紐。搭乘名鐵特急（μ-SKY）僅需 24 分鐘直達中部國際機場，房價普遍比名站便宜，且周邊平價美食與便利店密集。

適合對象：早去晚飛/注重機場往返便利度的旅客、預算有限的小資族、獨旅背包客。
平均房價：約 HK $500 – HK$ 1,800／晚（平價連鎖商旅約 HK $500 – HK$ 1,100；四星高空酒店約 HK $900 – HK$ 1,800）。

名古屋酒店里先生精選 Top 10 推介

酒店名稱	住宿地區	酒店特色	參考房價	預訂網址
名古屋萬豪Associa酒店	名古屋車站周邊	車站直通；高空景觀	約 HK$1,800 起	Agoda / Trip.com / Expedia
名古屋JR門樓酒店	名古屋車站周邊	挑高天花；車站直通	約 HK$1,200 起	Agoda / Trip.com / Expedia
名古屋站前大和 Roynet 酒店	名古屋車站周邊	連通超商；高性價比	約 HK$550 起	Agoda / Trip.com / Expedia
名古屋塔酒店	名古屋榮商圈	電視塔內特色住宿	約 HK$2,500 起	Agoda / Trip.com / Expedia
名古屋京阪酒店	名古屋榮商圈	平價高性價比商旅	約 HK$500 起	Agoda / Trip.com / Expedia
名古屋榮androoms酒店	名古屋榮商圈	日系木質；頂樓桑拿	約 HK$650 起	Agoda / Trip.com / Expedia
名古屋希爾頓酒店	名古屋伏見	免費接駁；親子友善	約 HK$1,500 起	Agoda / Trip.com / Expedia
名古屋燈光圖書酒店	名古屋伏見	全天書店文青住宿	約 HK$550 起	Agoda / Trip.com / Expedia
名古屋金山皇冠假日酒店	名古屋金山	直通車站；高空夜景	約 HK$900 起	Agoda / Trip.com / Expedia
名古屋金山 Comfort 酒店	名古屋金山	免費早餐；高性價比	約 HK$500 起	Agoda / Trip.com / Expedia

名古屋車站周邊住宿：

1. 名古屋萬豪Associa酒店 (Nagoya Marriott Associa Hotel)

名古屋萬豪Associa酒店坐落於 JR 中央塔樓高層，落車後由廣小路口搭專用升降機直達 15 樓大堂，全程唔使行出戶外。客房設於 20 至 49 樓高層，景觀開揚，基礎雙人房已有 25㎡以上，特別適合大行李或帶小朋友出行嘅親子遊客。館內設有 8 間餐廳與室內泳池，亦有健身房、三溫暖、雙行政酒廊（於 15 樓與 36 樓）。另外，15 樓 Pergola 餐廳早餐由 06:30 開始供應，方便搭乘早班新幹線。位置方便加上萬豪酒店星級服務，但房價同時亦相對較高。

🚊 交通： JR 名古屋站廣小路口／櫻通口直達升降機升至 15 樓大堂
💰 參考房價： 約 HK$1,800–3,200／晚
🏆 里先生短評： 呢間酒店主打車站直通零距離，雖然房價偏貴且設施微有歲月感，但勝在極度方便同空間夠大。
⭐ 綜合評分：Google 4.4｜Agoda 8.9｜Trip.com 4.5

優點	缺點
車站直通免受風吹雨打	繁忙時段升降機等候時間較長
高層景觀開揚，房間空間充足	基礎房型設計帶有些許歲月痕跡

即睇名古屋萬豪Associa酒店優惠！→
Agoda／Trip.com／Expedia

2. 名古屋王子大酒店天空塔 (Nagoya Prince Hotel Sky Tower)

名古屋王子大酒店天空塔全數客房安置於 32 至 36 樓高空，所有房型配置超大落地玻璃窗，無遮擋俯瞰名古屋港與市區景色。最細房型都有 32.8㎡，空間十分寬敞，浴室硬件有升級，配備咗 Hansgrohe 微氣泡花灑。提供免費行李寄送至大樓 1 樓服務，方便退房後前往機場。距離最近嘅車站係 JR 名古屋站，不過要行10–12分鐘，拖住大行李嘅話會唔太方便，強烈建議喺名古屋站轉乘青波線搭一個站，喺「笹島演奏廳站」落車，出閘後經天橋即可直達酒店。

🚊 交通： 青波線（あおなみ線）「笹島演奏廳站」直通，或 JR 名古屋站太閣通口步行 12 分鐘
💰 參考房價： 約 HK$1,400–2,600／晚
🏆 里先生短評： 酒店由 32.8㎡起嘅大房同埋 32–36 樓靚景。最大缺點係離 JR 主站有啲遠，拖篋建議轉搭一個站青波線直通酒店避開行遠路。
⭐ 綜合評分：Google 4.3｜Agoda 8.8｜Trip.com 4.5

優點	缺點
高空景觀開揚，夜景極佳	離 JR 名古屋站主體需步行約 10–12 分鐘
房間基本面積大，行李輕鬆展開	周邊晚間餐飲選擇相對較少

即睇名古屋王子大酒店天空塔優惠！→
Agoda／Trip.com／Expedia

3. 三井花園酒店名古屋普米爾 (Mitsui Garden Hotel Nagoya Premier)

三井花園酒店名古屋普米爾 18 樓大堂及日式大浴場都係以「雲海」為主題。全館客房分佈於 19 至 25 樓，面積 18.5㎡–60㎡，全房型都位於高層，保證所有房型都睇得到名古屋市區夜景。由 JR 名古屋站經 Sunroad 地下街可直達大樓，落雨都完全唔影響出行，不過里先生實際行過地下街，發現分支較多，初次前往要留心路標去啱出口。如果預算充足推介大家訂埋酒店早餐，主打即做嘅法式吐司，同埋加入愛知縣赤味噌嘅鄉土料理，網上評價都唔錯。

🚊 交通： JR 名古屋站（經 Sunroad 地下街直通大樓入口）步行 5 分鐘
💰 參考房價： 約 HK$1,100–2,000／晚
🏆 里先生短評： 酒店勝在地下街直通免受雨淋，加上 18 樓有市區少見嘅高空大浴場。雖然基礎房型空間略為偏緊，但地理位置同早餐水準相當對得住房價。
⭐ 綜合評分：Google 4.3｜Agoda 8.8｜Trip.com 4.5

優點	缺點
18 樓大浴場環境優雅放鬆	基礎雙人房型面積 18.5㎡稍小
地下通道直通車站，下雨不愁	初次由地下街前往路線較複雜

即睇三井花園酒店名古屋普米爾優惠！→
Agoda／Trip.com／Expedia

4. 名古屋JR門樓酒店 (Nagoya JR Gate Tower Hotel)

擁有挑高 2.8 米天花板嘅名古屋JR門樓酒店，再配合埋大型落地玻璃窗，視覺空間感比一般日本市區商旅開揚得多。大堂位於 JR Gate Tower 15 樓，樓下就係 Bic Camera、Uniqlo 與餐廳街，轉乘新幹線或近鐵都極為方便。酒店有自助洗衣機服務，客房內有專屬平板電腦，可即時查看館內運轉狀態，唔驚要白行一趟。仲有 24 小時免費開放的健身房位於高樓層，憑客房房卡即可免費進入。

🚊 交通： JR 名古屋站（櫻通口直達升降機升至 15 樓大堂）
💰 參考房價： 約 HK$1,200–2,100／晚
🏆 里先生短評：酒店 2.8 米高天花完全冇壓迫感，加上車站直通同樓下極強嘅購物機能。雖然過路要喺 15 樓轉升降機，但整體實用度同性價比極高。
⭐ 綜合評分：Google 4.4｜Agoda 9.0｜Trip.com 4.6

優點	缺點
JR 站直通，樓下即是大型商場	價格於同區中階酒店中偏高
房間天花板高，採光與景觀極佳	館內未設有大浴場設施

即睇名古屋JR門樓酒店優惠！→
Agoda／Trip.com／Expedia

5. 名古屋站前大和 Roynet 酒店 (Daiwa Roynet Hotel Nagoya Ekimae)

名古屋站前大和 Roynet 酒店2026 年 5 月完成全面翻新重開，客房硬件與公共空間顯著新淨咗唔少。酒店 1 樓直接連通 7-Eleven 便利店，唔使離開酒店就買到宵夜。房間面積由 18㎡起，睇落唔算大，設計中規中矩，但空間實用度唔錯，配置寬大書枱同 Simmons 雙人床。由 JR 名古屋站櫻通口沿地面行約 5 分鐘就到；或可經地下街行至 S6 出口，上樓梯 1 分鐘即達。不過S6 出口只有樓梯，推重行李或帶嬰兒車者，建議改行附近設有升降機嘅地下街出口再過馬路。

🚊 交通： JR 名古屋站（櫻通口）步行 5 分鐘，或地下街 S6 出口步行 1 分鐘
💰 參考房價： 約 HK$550–1,000／晚
🏆 里先生短評：雖然 18㎡基礎房空間算係啱啱好，但一晚最平都只係 $500幾價位極親民，加上地下街出口 1 分鐘直達同 1 樓有 7-Eleven，屬於高 CP 值嘅平實之選。
⭐ 綜合評分：Google 4.1｜Agoda 8.5｜Trip.com 4.3

優點	缺點
18㎡起步空間，行李箱開合無壓力	裝潢屬傳統商旅風格，較少設計特色
樓下直接連通 7-Eleven 超商	離新幹線太閣通口需走一段路

即睇名古屋站前大和 Roynet 酒店優惠！→
Agoda／Trip.com／Expedia

名古屋榮商圈住宿：

6. 名古屋塔酒店 (The Tower Hotel Nagoya)

名古屋塔酒店係由日本國家有形文化財「名古屋電視塔」（MIRAI TOWER）內部結構改建而成，坐落於久屋大通公園正中心。客房面積由 24㎡–80㎡不等，最大特色係房內直接穿插住電視塔嘅原始巨型鋼骨結構，設計感極強。房內配有東海地區職人手工製造嘅陶瓷茶具與藍芽音響。入住可獲贈專屬門票，喺電視塔非營業時段（深夜或清晨）登頂展望台，無其他遊客打擾下俯瞰久屋大通公園同榮區天際線夜景。酒店餐廳「Glycine」仲獲選為米其林指南推薦餐廳之一，早餐與晚餐水準皆極高。

🚊 交通： 地下鐵東山線／名城線「榮站」4 號出口步行 3 分鐘
💰 參考房價： 約 HK$2,500–4,500／晚
🏆 里先生短評：由於全館得 15 間房極難搶。由有形文化財電視塔改建，深夜包場睇展望台夜景極具儀式感。雖然房價偏貴且鋼骨結構略微影響房內動線，但體驗與打卡價值無可替代。
⭐ 綜合評分：Google 4.7｜Agoda 9.4｜Trip.com 4.8

優點	缺點
電視塔內住宿體驗絕無僅有	房間數量極少，熱門季節極難預訂
專享夜間與清晨免費展望台觀景	部分房型內有鋼樑橫跨，需留意

即睇名古屋塔酒店優惠！→
Agoda／Trip.com／Expedia

7. 名古屋TIAD傲途格精選酒店 (TIAD, Autograph Collection)

TIAD傲途格精選酒店全房型 50㎡起步並設有私人陽台，直接面對久屋大通公園綠意，房內配有 Dyson Supersonic 吹風機、客製化洗沐用品、獨立衣帽間。作為萬豪集團旗下嘅奢華精品品牌，酒店配備 18.5 米室內溫水泳池、日式風格大浴場與高階 SPA，溫水泳池旁設有日式熱水池與桑拿烤箱，住客可免費使用。酒店定位比較高，房價亦較高。用里先生之前住過嘅東京mesm Autograph Collection係同一個系列～

🚊 交通： 地下鐵名城線「矢場町站」1 號出口步行 1 分鐘（設有升降機）
💰 參考房價： 約 HK$2,800–4,800／晚
🏆 里先生短評： 2023 年 7 月開幕嘅萬豪旗下奢華酒店。全房 50㎡起仲連私人陽台，加上室內泳池同大浴場，硬件水準極高。預算充足、追求奢華空間感嘅旅客相當值得考慮。
⭐ 綜合評分：Google 4.6｜Agoda 9.2｜Trip.com 4.7

優點	缺點
房間極為寬敞，私人陽台面對綠蔭	房價門檻較高
泳池與大浴場設施維護優良	附近夜間無大型便利商店直接連通

即睇名古屋TIAD傲途格精選酒店優惠！→
Agoda／Trip.com／Expedia

8. 名古屋東急酒店 (Nagoya Tokyu Hotel)

名古屋東急酒店位處榮商圈核心，步行即可到達名古屋三越、LACHIC 同 Oasis 21等各大百貨公司同地下街，自駕嘅話酒店有專屬停車場提供高達 300 個車位，係名古屋市區少數對自駕遊極之友善嘅老牌大酒店。酒店採用歐式宮廷大理石與水晶燈飾設計，基礎雙人房面積約 20㎡–28㎡，空間算係中規中矩。雖然客房維護得尚算乾淨，但由於酒店1987年就落成年代較早，傢俬與裝修帶有歲月感，插電位亦相對偏少。

🚊 交通： 地下鐵東山線／名城線「榮站」12 號出口步行 5 分鐘
💰 參考房價： 約 HK$900–1,800／晚
🏆 里先生短評： 雖然房間設計微有年代感，但勝喺有 300 個車位大型停車場同室內泳池，每晚九百起嘅價位相當平實，好適合自駕遊或重視購物便利度嘅旅客。
⭐ 綜合評分：Google 4.1｜Agoda 8.6｜Trip.com 4.3

優點	缺點
位於榮購物區，逛街買嘢極方便	地鐵站出口無直接連通升降機
房間隔音良好，不受外圍噪音影響	客房插座數量相較新酒店略少

即睇名古屋東急酒店優惠！→
Agoda／Trip.com／Expedia

9. 名古屋京阪酒店 (Hotel Keihan Nagoya)

名古屋京阪酒店鄰近久屋大通站同電視塔，主打每晚 HK$500 起嘅平民價位、齊全嘅大堂備品吧，以及能喺房內電視追睇串流平台嘅新穎設備，係名古屋榮區周邊高 CP 值嘅平實商務宿選。房間面積15㎡–25㎡，空間相對緊迫，二人入住建議直接考慮 18㎡以上嘅房型會較為舒服，而房內電視可以連到Netflix、Disney+等。大堂設有 Amenity Bar，提供各式日式入浴劑、保養品（洗面乳、化妝水、乳液）、茶包與剃鬚刀等，住客可以按需要免費自取。

🚊 交通： 地下鐵櫻通線／名城線「久屋大通站」4B 出口步行 3 分鐘
💰 參考房價：約 HK$500–900／晚
🏆 里先生短評： 2020 年開幕嘅新淨平價商務酒店。每晚五百蚊起+大堂可以免費拎入浴劑。雖然 15㎡基礎房空間偏窄，但位置鄰近電視塔同 Central Park 地下街，性價比極高。
⭐ 綜合評分：Google 4.3｜Agoda 8.8｜Trip.com 4.5

優點	缺點
清潔度極高，大堂備品吧選項豐富	基礎雙人房 15㎡空間較緊湊
房內電視可直接串流觀看影音平台	館內未配備大浴場設施

即睇名古屋京阪酒店優惠！→
Agoda／Trip.com／Expedia

10. 名古屋榮androoms酒店 (Hotel androoms Nagoya Sakae)

名古屋榮androoms酒店主打日系木質風格，受年輕旅客歡迎。頂樓設有男女分時段芬蘭式桑拿房，配備冰水池同露天休息區，採取男女分時段輪替使用，而且名額有限，記得入住就先喺大堂預約。酒店1 樓 RBL Cafe 仲提供「Breakfast Delivery」直接將早餐送到房門口，可以食完先再慢慢化妝準備，唔使趕住出門食早餐。但房間最大只有 18㎡，屬於極簡日式木質風格，空間感較細，平鋪一個 29 吋大行李箱後幾乎冇咩位走動。

🚊 交通： 地下鐵櫻通線／名城線「久屋大通站」2 號出口步行 5 分鐘
💰 參考房價： 約 HK$650–1,100／晚
🏆 里先生短評：文青風格商旅，頂樓桑拿房同送到房門口嘅早餐係大賣點。雖然最大 18㎡嘅房間空間偏窄、平鋪大篋比較逼，但每晚六百蚊起，適合行李唔多嘅年輕旅客或獨旅客。
⭐ 綜合評分：Google 4.2｜Agoda 8.7｜Trip.com 4.4

優點	缺點
頂樓桑拿設施體驗優秀	房間面積 13–16㎡較為精緊
提供免費送早餐至房門服務	退房時間為上午 10:00，時間偏早

即睇名古屋榮androoms酒店優惠！→
Agoda／Trip.com／Expedia

11. 名古屋榮弗爾札酒店 (Hotel Forza Nagoya Sakae)

名古屋榮伏爾札酒店2021 年開幕，坐落於榮商圈與矢場町之間，樓下步行 1–3 分鐘即達松坂屋、名古屋 PARCO等。全館客房均配備 Doctor Air 按摩槍、按摩墊或按摩椅，配合市區商旅少見嘅乾濕分離獨立浴室。每晚約 HK$600 起，非常適合行完街隻腳超攰需要休息嘅購物狂旅客。每間客房都有配置 iPad 智慧控制端，除咗用嚟操控房內嘅電器、查詢館內設施，更可以查詢到附近景點。

🚊 交通： 地下鐵名城線「矢場町站」5 號出口步行約 5 分鐘，或「榮站」16 號出口步行約 6 分鐘。留意 5 號出口主要是純樓梯，若推著重行李，建議改由 4 號出口或松坂屋連通升降機上地面。
💰 參考房價： 約 HK$600–1,100／晚
🏆 里先生短評：放鬆系商旅，每間房都有 Doctor Air 按摩裝備同乾濕分離浴室，行完街返房按摩極之舒服。雖然 18㎡基礎房放咗按摩裝備後空間偏緊，但位處 PARCO 同松坂屋隔離，極度方便。
⭐ 綜合評分：Google 4.3｜Agoda 8.8｜Trip.com 4.5

優點	缺點
房內配置按摩槍或按摩椅，實用度高	距離最近地鐵出口步行需約 5–6 分鐘
衛浴乾濕分離，空間比一般商旅大	無館內公共大浴場

即睇名古屋榮弗爾札酒店優惠！→
Agoda／Trip.com／Expedia

名古屋伏見住宿：

12. 名古屋希爾頓酒店 (Hilton Nagoya)

名古屋希爾頓酒店位處伏見站旁，1989 年開幕並持續維護翻新，最大賣點係提供往返 JR 名古屋站（太閣通口）嘅免費接駁車、設有室內泳池與戶外網球場，以及 12 歲以下小童不加床免費入住政策，適合家庭同商務旅客。客房數量多，客房採用日式障子門元素，面積 30㎡起，里先生實際入住過2次（名古屋Hilton入住報告），整體唔算驚喜，房間有少許年代感。提提大家，Amex酒店優惠呢間Hilton都係List內，有AE白金卡就記得register咗先入住，里先生就免費upgrade升到住executive room！

🚊 交通：地下鐵東山線／鶴舞線「伏見站」7 號出口步行約 3 分鐘（7 號出口主要為樓梯，有行李建議改用 10 號升降機出口）。酒店提供免費接駁車往返 JR 名古屋站太閣通口，住客出入主站唔使自己拖住大篋搭地鐵。
💰 參考房價： 約 HK$1,500–2,800／晚
🏆 里先生短評： 老牌國際連鎖酒店，房間 30㎡起跳帶有些許年代感。雖然整體冇特別驚喜，但有車站免費接駁車、泳池、網球場，加上AE 白金卡易升級，係家庭客同 Hilton/AE 會員嘅實用選擇。【名古屋希爾頓酒店住宿報告】
⭐ 綜合評分：Google 4.2｜Agoda 8.5｜Trip.com 4.4

優點	缺點
提供往返名古屋站的免費接駁車	建築年歲較長，部分設施具年代感
兒童住宿政策友善，休閒設施齊備	距離熱鬧的榮購物區有 1 站距離

即睇名古屋希爾頓酒店優惠！→
Agoda／Trip.com／Expedia

13. 名古屋觀光酒店 (Nagoya Kanko Hotel)

名古屋觀光酒店自 1936 年開業，係全名古屋歷史最悠久嘅老牌地標酒店。坐落於伏見站附近，主打傳統日式細緻款待服務同寧靜環境，非常適合帶長輩同行。客房由最細嘅 24㎡到 100㎡嘅大套房都有，歷經多次翻新，保留經典木作質感之餘，亦導入現代衛浴設備。另外部分基礎房型嘅插座數量較少，建議攜帶多頭充電器。里先生推介大家可以去試試 1 樓甜點店「Le Sud」嘅招牌忌廉蛋糕，係當地著名嘅手信之一。

🚊 交通： 地下鐵東山線／鶴舞線「伏見站」8 號出口步行 2 分鐘
💰 參考房價： 約 HK$1,000–2,000／晚
🏆 里先生短評：伏見站行 2 分鐘即達、服務充滿傳統日式溫度。雖然房間設計偏向沉穩古雅，但保養得宜，好適合家族旅遊或自駕遊旅客。
⭐ 綜合評分：Google 4.3｜Agoda 8.8｜Trip.com 4.5

優點	缺點
服務團隊極具禮貌，伏見站步行 2 分鐘	建築外觀保留古樸感，不如新酒店前衛
提供多達 250 個免費住客車位	基礎房型電視尺寸稍小

即睇名古屋觀光酒店優惠！→
Agoda／Trip.com／Expedia

14. 名古屋琴弦酒店 (The Strings Hotel Nagoya)

名古屋琴弦酒店坐落於笹島演奏廳區，以中庭歐式莊園與哥德式教堂為核心設計，部分客房窗外可以直接睇到教堂景致。大部分房內配置 Simmons 床褥同 Hansgrohe 微氣泡花灑，沖涼水壓充足，不過最細房型得 18㎡，唔建議帶大件行李時入住，二人同行且多行李就強烈建議直接訂 25㎡以上房型。。雖然離車站有一小段距離（步行約 12–15 分鐘），但提供班次頻密嘅免費穿梭巴士往返名古屋站。

🚊 交通： JR 名古屋站（太閣通口）搭免費專屬穿梭巴士約 10 分鐘，或「笹島演奏廳站」步行 5 分鐘
💰 參考房價： 約 HK$1,100–2,200／晚
🏆 里先生短評： 主打歐式教堂庭園景觀。雖然離 JR 主站偏遠、18㎡基礎房空間偏逼，但有班次密集嘅免費接駁車補救，整體環境寧靜，適合追求獨特景觀嘅旅客。
⭐ 綜合評分：Google 4.2｜Agoda 8.6｜Trip.com 4.4

優點	缺點
歐式教堂庭園景觀極為精緻	步行前往 JR 名古屋站需約 12–15 分鐘
免費接駁車班次密集	標準雙人房面積 18㎡稍顯緊湊

即睇名古屋琴弦酒店優惠！→
Agoda／Trip.com／Expedia

15. 名古屋日航尚格酒店 (Nikko Style Nagoya)

名古屋日航尚格酒店坐落於伏見站與 JR 名古屋站之間，主打音樂同咖啡文化，大堂特別設有專屬 DJ 櫃檯，並聯乘名古屋在地名店 TRUNK COFFEE 採用特調專屬豆，帶有清爽果香，味道豐富有層次。全館房型由 30㎡起，平鋪兩個 28 吋大行李箱都冇問題，床墊採用 Simmons 床褥，浴室為獨立乾濕分離格局且附設深泡浴。不過酒店夾喺名古屋站同伏見站正中間，由 JR 名古屋站「櫻通口」步行要 10 分鐘；由地下鐵「伏見站」10 號出口步行約 7 分鐘，兩邊都唔算好近。

🚊 交通： JR 名古屋站（櫻通口）步行 10 分鐘，或地下鐵伏見站 10 號出口步行 7 分鐘
💰 參考房價：約 HK$950–1,700／晚
🏆 里先生短評： 全房型 30㎡起步具空間感，加上 DJ 音樂氛圍與 TRUNK COFFEE 手沖咖啡，整體質感出眾。雖然位置夾喺兩站中間要行 7–10 分鐘，但居住品質同房間面積相當對得住房價。
⭐ 綜合評分：Google 4.5｜Agoda 9.1｜Trip.com 4.6

優點	缺點
客房 30㎡起步，行李箱輕鬆展開	距離 JR 名古屋站步行需 10 分鐘
乾濕分離浴室，備品品質高	館內未配備大浴場設施

即睇名古屋日航尚格酒店優惠！→
Agoda／Trip.com／Expedia

16. 名古屋燈光圖書酒店 (LAMP LIGHT BOOKS HOTEL nagoya)

名古屋燈光圖書酒店主打「可以住嘅書店」概念。 1 樓為 24 小時營業嘅精選書店cafe，陳列超過 3,000 本書籍，住客每日可免費借閱 3 本書返房睇。客房採用沉穩暗色調，配備調光閱讀燈同專屬梳發角落，加埋強化隔音工程，非常適合獨旅或鍾意安靜閱讀嘅文青旅客。不過房間面積精小（13㎡–18㎡），無大空間，亦冇大型書枱，買宵夜返房食或用手提電腦工作會較為不便。

🚊 交通： 地下鐵東山線／鶴舞線「伏見站」10 號出口步行 3 分鐘
💰 參考房價： 約 HK$550–950／晚
🏆 里先生短評： 因為做咗加強隔音工程，就算位於伏見市區，室內依然相當安靜，睡眠品質唔錯。雖然 13㎡–18㎡房型空間精小、但勝在房價平（最平 HK$550／晚），適合獨旅或偏好安靜嘅旅客。
⭐ 綜合評分：Google 4.3｜Agoda 8.8｜Trip.com 4.4

優點	缺點
24 小時書店氛圍沉靜放鬆	客房面積較小，未設有大型書桌
可免費借閱書籍至房內閱讀	無專屬停車場與大浴場

即睇名古屋燈光圖書酒店優惠！→
Agoda／Trip.com／Expedia

17. GOLD STAY 名古屋大須 (GOLD STAY Nagoya Osu)

GOLD STAY 名古屋大須坐落於大須商圈周邊。全館客房由 40㎡起跳，配置多床位組合，可供 4 至 6 人同住。房內設有獨立廚房與洗脫烘洗衣機，係專為親子家庭與多人團體而設嘅酒店式公寓。酒店仲同東山動植物園、名古屋港水族館合作，推出專屬動物主題房，加入彩繪牆面與海洋/陸地動物公仔佈置，最受小朋友歡迎。要留意嘅係，酒店採用公寓式營運，冇提供每日全面房務清潔（僅每日更換毛巾與清理垃圾），追求每日鋪床服務嘅人就需要留意啦～

🚊 交通： 地下鐵名城線／鶴舞線「上前津站」6 號出口步行約 5 分鐘；或地下鐵鶴舞線「大須觀音站」2 號出口步行約 6 分鐘。留意上前津站 6 號出口主要係樓梯，推大型行李或嬰兒車者，建議改用 10 號出口升降機上地面再行過去。
💰 參考房價： 約 HK$1,300–2,400／晚
🏆 里先生短評：全房型 40㎡起步，有獨立廚房、洗脫烘洗衣機同浴室乾燥機，加上行去大須商店街好近。雖然冇每日整房服務，但對一家大細或朋友包房嚟講實用度極高。
⭐ 綜合評分：Google 4.7｜Agoda 9.2｜Trip.com 4.7

優點	缺點
40㎡大空間，多件大行李完全無阻	無館內餐廳與每日例行全面清掃
房內設洗脫烘洗衣機與浴室乾燥	距離名古屋站需搭乘地下鐵轉乘

即睇GOLD STAY 名古屋大須優惠！→
Agoda／Trip.com／Expedia

名古屋金山住宿：

18. 名古屋金山皇冠假日酒店 (ANA Crowne Plaza Hotel Grand Court Nagoya)

名古屋全日空皇冠假日酒店直通 JR / 名鐵 / 地下鐵「金山站」，由南口出站行 1 分鐘就到，坐名鐵特急（μ-SKY）約 24 分鐘直達中部國際機場，往返機場或轉乘各大鐵路線都極之方便。作為IHG洲際酒店旗下嘅老牌酒店，建築結構及窗戶隔音效果都做得唔錯，就算鄰緊多條繁忙嘅鐵路，房內依然相當寧靜。酒店1999年開業，雖然維護保養得宜，但客房裝修風格與部分傢俬帶有些許傳統商務嘅年代感。

🚊 交通： JR／名鐵／地下鐵「金山站」南口步行 1 分鐘
💰 參考房價： 約 HK$900–1,800／晚
🏆 里先生短評：全館客房均喺 16 樓以上高空。最大賣點係車站直通，搭名鐵特急 24 分鐘直達機場。雖然房間裝修微有年代感，但勝喺隔音好、空間大且交通極之方便，好適合離境前夕或帶重行李嘅旅客。
⭐ 綜合評分：Google 4.3｜Agoda 8.8｜Trip.com 4.5

優點	缺點
名鐵出站 1 分鐘即達	房價門檻為三間中最高
客房於 16 樓以上，高空夜景佳	裝潢略有歲月感

即睇名古屋金山皇冠假日酒店優惠！→
Agoda／Trip.com／Expedia

19. 名古屋金山酒店 (Nagoya Kanayama Hotel)

前往名古屋金山酒店可以由金山站北口行過去，只需 2 分鐘。館內設有日式大浴場，行完一日街返酒店浸缸放鬆非常舒服。酒店特別規劃女性專用樓層，進入大浴場必須使用專屬安全鎖匙卡，獨行女生入住亦相當安心。客房面積由 14㎡至 16㎡不等，屬於標準嘅日本連鎖商務酒店格局。空間相對細小，想打開一個 28 吋大行李箱就建議將行李半開靠牆擺放。酒店周邊居酒屋、燒肉店同便利店（FamilyMart、Lawson）林立，深夜搵食選擇極多。

🚊 交通： JR／名鐵／地下鐵「金山站」北口步行 2 分鐘
💰 參考房價： 約 HK$600–1,100／晚
🏆 里先生短評：雖然 14–16㎡房間空間偏窄，部分低樓層房喺深夜可能偶爾聽到街上居酒屋客人嘅聲音，但每晚只係六百蚊起又有大浴場浸，CP 值極高。
⭐ 綜合評分：Google 4.2｜Agoda 8.8｜Trip.com 4.4

優點	缺點
館內設有大浴場	前往名鐵/JR 閘口需稍微多走 1-2 分鐘
酒店周邊美食餐廳林立	周邊夜間較為繁華，人流較多

即睇名古屋金山酒店優惠！→
Agoda／Trip.com／Expedia

20. 名古屋金山 Comfort 酒店 (Comfort Hotel Nagoya Kanayama)

名古屋金山 Comfort 酒店交通方便，過條馬路就到 JR / 名鐵 / 地下鐵「金山站」東口。酒店為所有住客提供免費自助早餐，但選擇比較少，喺尖峰時段取餐區較為擠迫。大堂設有 Comfort Library Cafe 提供免費咖啡軟飲同閱讀工作空間，提供免費特濃咖啡、檸檬水、茶包同電源插座，非常適合攜帶手提電腦工作或坐下休息，係金山站周邊極具功能性、適合預算有限旅客嘅高 CP 值平價之選。

🚊 交通： JR／名鐵／地下鐵「金山站」東口步行 1 分鐘
💰 參考房價： 約 HK$500–900／晚
🏆 里先生短評：2021 年開幕嘅平價連鎖酒店，金山站東口過馬路即到。每晚五百蚊起包免費早餐，大堂仲有免費咖啡同 Working Space。雖然 15㎡基礎房空間偏緊，但整體上夠實惠，非常適合預算型旅客同獨旅。
⭐ 綜合評分：Google 4.3｜Agoda 8.9｜Trip.com 4.6