PayMe優惠合集︱滙豐信用卡7月起增值無回贈！非滙豐信用卡增值要收1.2%手續費！最新必睇優惠合集！PayMe而家同愈嚟愈多商戶合作，推出嘅優惠好多都好貼地，總有一個啱你用啊！而且用法都好簡單，基本上都係簽滿指定金額，就有即時扣減折扣，或者優惠券俾你下次用！另外不時仲有快閃優惠券俾你搶啊！快啲睇吓有咩著數啦！
唔想用信用卡增值PayMe時被收手續費就要有張滙豐信用卡喇，得返HSBC增值PayMe無手續費，或者用銀行戶口增值都係免費，但就無得賺積分里數。不過仲可以每月打爆增值上限HK$3,000嚟滿足EveryMile信用卡每年簽賬HK$80,000嘅豁免年費要求 + 入lounge之後60日內要簽夠$4,000嘅要求。 滙豐EveryMile信用卡免費機場貴賓候機室服務
如果想賺少少都可以用渣打Simply Cash卡，減返手續費都有0.3%回贈；或者用Citi Cash Back都可以用嚟食迎新㗎。
PayMe信用卡chok里數積分回贈賺機票教學 | 信用卡積分比較表2025
PayMe信用卡chok積分里數回贈logic: 「信用卡→PayMe戶口→任何銀行戶口→信用卡」就係咁簡單，信用卡增值至PayMe係當作日常簽賬有積分而唔係現金透支，完全無需手續費利息
(2025年7月起HSBC信用卡增值無得賺獎賞錢RC)
(2024年8月19日起除了HSBC信用卡，其他信用卡增值要收1.2%手續費。)
越來越多人PayMe P2P電子錢包過數，除左方便日常生活食飯AA收錢之餘仲可以用PayMe 儲信用卡積分換飛行里數或現金回贈。善用payme儲分是合法的。未識PayMe點用呢篇文章就快速話你知。
成個玩法係每月一次禁幾個制用爆增值上限$3,000 Top-up(真係禁幾個制，以下有圖解！→橙色框) 以下為你一一拆解點樣用Payme chok積分，係解釋點玩之前首先睇以下常用里數信用卡積分表格！如果想睇點轉換PayMe信用卡請到→PayMe轉換信用卡圖解
除咗PayMe，Wechat Pay同支付寶HK都可以chok里數，如果PayMe已經再滿足唔到你就快D玩呢其他電子錢包啦！
- 支付寶HK信用卡 chok積分圖解教學
- Wechat Pay信用卡 chok積分圖解教學
- O!ePay八達通 chok積分圖解教學
PayMe信用卡里數回贈比較表
- AM – 每幾多$簽賬有1 Asia Miles 亞洲萬里通 (“-“代表無分)
- AV – 每幾多$簽賬有1 Avios 英航里數 (“-“代表無分)
- 回贈 – 現金回贈信用卡回贈%
- Fee – 積分換飛行里數手續費
- 年費 – 相關信用卡嘅年費(免代表最少免首年，其後打電話能waive)
- 申請網址/詳情/年薪請按入信用卡名稱
| 信用卡 | AM | AV | 回贈 | Fee | 年費 |
|---|---|---|---|---|---|
| 渣打國泰卡 | 6 | - | - | No | 免 |
| Simply Cash | - | - | 1.5% | NA | 免 |
| Citi Prestige | 6 | 6 | - | No | $3800 |
| Citi PM | 8 | 8 | - | No | 免 |
| Citi Rewards | 15 | 15 | 0.4% | Y | 免 |
| Citi八達通 | - | - | 0.5% | NA | 免 |
| Citi Cash Back | - | - | 1.0% | NA | 免 |
| DBS Black | 6 | 6 | - | No | 免 |
| DBS Eminent | - | - | 1.0% | NA | 免 |
| DBS Compass Visa | - | - | 0.4% | NA | 免 |
| 大新ONE+ | - | - | 0.5% | NA | 免 |
| 東亞Flyer | 8 | - | - | No | 免1年 |
| HSBC卡 | - | - | - | No | 免 |
| 恒生信用卡 | - | - | - | NA | 免 |
| 安信Earnmore | - | - | - | NA | 免 |
| 安信Wewa | - | - | - | NA | 免 |
| AE Explorer | - | - | - | No | 免1年 |
| AE白金信用卡 | - | - | - | Y | $2200 |
| AE白金卡 | - | - | - | Y | $9500 |
就咁睇上面個表你可能未係好明白，以下有例子再解釋你知！想chok現金回贈用Citi Cash Back食迎新賺或渣打Simply Cash Visa。安信果張Earnmore就玩唔到PayMe，要玩就玩O!ePay八達通App啦。
PayMe 信用卡chok里數小結
善用電子錢包PayMe月頭增值，即使用唔晒就過返自己戶口其實好安全，最正係Citi，PayMe/WeChat Pay/支付寶HK都計welcome offer，今期首推Citi Cash Back食迎新。如果用渣打Simply Cash卡就有1.5%回贈，有里數之後再睇→ Asia Miles換機票攻略啦！
Payme 信用卡chok積分及登記圖解教學
- 首先你要有個App，用手機download PayMe個App先
再跟住以下步驟，基本上分為3個部份
- 登記成為PayMe用戶(每張身份證一個) →灰色框
- 按上面Payme有積分/里數表格，登記你心水嘅信用卡*(要影身份証，因為係HSBC而唔係大陸野，放膽去吧！:P )，同埋任意一個你的銀行戶口→紫色框
- 用登記左嘅信用卡增值(滙豐信用卡每月上限$3,000，其他信用卡每月上限$1,000)同埋你要登記你過走自己錢嘅銀行戶口(無錯，啫係Pay me, pay myself 🙂 →橙色框
- 跟住以下橙色框圖做應該無問題架喇！有問題歡迎係下面留言或去里先生Facebook求救啦！(建議適當使用PayMe，食飯夾完錢有凸咪隨時過返去自己戶口)
*記得「每張信用卡只能與一個PayMe賬戶相關聯。即使已從PayMe賬戶移除您的信用卡，該信用卡亦只能在您之前新增的PayMe賬戶使用。」
PayMe條款細則→ 官網連結
【PayMe繳費】以PayMe掃描QR Code即可繳交電費、水費、指定政府及公用事務賬單
等咗咗耐PayMe終於推出咗繳費功能！不過唔可以直接用信用卡俾錢嚟賺積分但係叫做方便咗多咗個繳費途徑咁，用到信用卡繳費的話有回贈就會著數啲。只要打開PayMe Scan返個QR Code就可以即時繳交電費、水費等政府及公用事務賬單。新功能目前支援水務署、香港電燈有限公司及稅務局等賬單(詳見下文)。留意呢個功能需要PayMe用戶更新至最新版本，繳費前記得更新咗先啦！
PayMe繳費詳情
- 只需於主頁向左掃或點按「付款」按鈕打開掃描器
- 掃描政府及公用事業賬單上的 QR 碼，然後照常授權付款即可
- 適用賬單：
- 水務署
- 香港電燈有限公司
- 政府一般繳款單
- 稅務局：利得稅、薪俸稅、個人入息課稅、商業登記費、分行登記費、印花稅、法庭費用、儲稅券、物業稅及判定債項利息
- 差餉物業估價署
PayMe信用卡即日起以滙豐信用卡增值提升至HK$3,000
如果係PayMe加入返HSBC信用卡作增值，個增值額上限可以提升至HK$3,000喇！
PayMe信用卡FAQs
PayMe信用卡增值邊張卡最抵？
- 唔想用信用卡增值PayMe時被收手續費就要有張滙豐信用卡喇，得返HSBC增值PayMe無手續費，或者用銀行戶口增值都係免費，但就無得賺積分里數。如果想賺少少都可以用渣打Simply Cash卡，減返手續費都有0.3%回贈；或者用Citi Cash Back都可以用嚟食迎新㗎。
信用卡迎新可以PayMe達到簽賬要求嗎？
- 大部份信用卡都唔得，但係Citibank信用卡現時可以。
PayMe信用卡最新繳費功能點用㗎？
- 只需於主頁向左掃或點按「付款」按鈕打開掃描器，再掃描政府及公用事業賬單上的 QR 碼，然後照常授權付款即可。
PayMe繳費功能通用於邊啲類型嘅賬單？
- PayMe嘅繳費功能適用於水務署、香港電燈有限公司、政府一般繳款單、稅務局：利得稅、薪俸稅、個人入息課稅、商業登記費、分行登記費、印花稅、法庭費用、儲稅券、物業稅及判定債項利息、差餉物業估價署。
481 thoughts on “【PayMe信用卡攻略】優惠合集及免手續費增值方法｜Chok里數積分回贈賺機票教學 | 信用卡積分比較表2025”
新人一問，，，打算我和阿媽各開一個電子支付acc,然後申請兩張卡，一張chok現金，一張chok里數。
請問推介邊兩張玩最正？！ 或者你建議分別申請兩張卡來chok現金？！定好似我而家咁最好？！
感謝里先生！！！
里數：DBS black
現金回贈：渣打simply cash
渣打Visa白金卡 網上簽賬$15/里可以計payme 嗎?
本地簽賬／網上簽賬／分期簽賬 0.4%現金回贈、$15/里
呢張卡無乜用…無解唔用渣打asia miles?
現在是渣打am迎新內第二個月，第一個月玩payme用渣打am信用卡增值到payme成功，第二個月賬單沒有顯示這筆款項里數@但係奇怪地o e pay有顯示$6里，咁曾計$6里會否變迎新$4里？
Payme同八達通都唔計welcome offer
咁 Payme 計唔計 渣打am 既簽帳 ? 可不可以chok 到里數??
唔計
想問citi premium visa可唔可以賺到積分/有現金回贈？
可以賺到積分
👋🏻hello
想問wewa card chok到payme嗎？
Payme加唔到銀聯
里生先, 想問 PAYME 用A 身份證, 但LINK去 B的信用卡及銀行, 咁樣得唔得 ?
而B信用卡及銀行 是未係 payme 其他AC 用過的, 麻煩哂 !!
可以
但從此B張卡就唔可以用係其他payme account
咁B銀行戶口 仲可唔可以用係其他payme account ??
同時 或 先刪去原有AC, 再轉其他人度 ??
麻煩哂!!
每張卡加過落一個戶口以後只能用係果個戶口
原戶口解綁咗都無用
了解, 姐係 戶口/信用卡, 用過就唔可以再轉,
請問恆生enjoy卡係咪payme冇積分（cash dollar）？
係啊，按條款係無
我啱啱申請左張中銀萬事達白金卡，係咪即係中銀icard呢？隻卡係灰色的。另外我想問我啱啱用果張中銀卡過2000蚊到payme再到中銀賬戶，點解只1000積呢？吾係1蚊1分咩？另外我想問你話信用卡增值上限係2000蚊，甘點解d例子係過5000蚊落payme嘅？吾係超過2000蚊要比手續費咩？
中銀卡有幾多分我唔係好清楚
係啊首$2000免費，我未update晒篇文
你好，請問建行eye是否6=1am? 用附屬卡增值payme同樣可賺am?
不是
建行eye只有$15/里
渣打simply card 頭2年豁免年費，之後 要比年費$2000， 除非有渣打出糧戶口或者premium account 先會豁免。
你邊到睇免頭2年？唔係免1年咩
之後有premium account係免到
里先生你好, 請問 DBS AE 呢張卡呢, 玩 payme/alipay/wechatpay/O!ePay 果D, chock 唔chock 到 DBS dollar 架?
AE加唔到入電子錢包
我Payme用緊渣打simply cash主卡，家人Payme帳戶可唔可以用simply cash附屬卡賺回贈？因為渣打附屬卡係同一卡號，thx
不可，就係因為同一卡號加唔到入兩個Payme
Comments are closed.