好多香港人仲未知深圳買嘢可以退稅！除咗買名牌同電子產品，原來連大家平時行開嘅 MUJI、UNIQLO、lululemon 一樣退得，參與商戶夠廣泛。

而家深圳退稅可以喺6個口岸（羅湖、福田、深圳灣、文錦渡、深圳寶安國際機場或蛇口碼頭）辦理，而最正就係羅湖口岸及寶安國際機場有中國銀行首推嘅「離境退稅自助服務機」，完成海關嘅文件同退稅品檢查後，喺部自助退稅機掃瞄退稅單及旅行證件（回鄉卡），再簡單幾個步驟就可以輕鬆退稅，3分鐘搞掂！而家退稅可以直接退到信用卡添，記得帶實體卡呀！

下文同大家分享最新嘅深圳退稅2026攻略，仲會教你點樣用中銀信用卡賺盡高達 14% 北上簽賬回贈！有興趣可以睇埋最新嘅 BoC Pay+ 北上消費優惠，掃碼俾錢隨時再減多筆！

快啲分享畀你身邊準備北上嘅朋友知道！記得提佢哋要帶定張中銀信用卡，用指定手機簽賬賺回贈，再用實體卡退埋稅！

更多中銀信用卡優惠：中銀信用卡優惠合集、中銀信用卡比較、中銀Cheers Card、中銀Bliss Card、中銀Chill Card、中銀Sogo信用卡、中銀Go卡、中銀淘寶卡、中銀香港航空Visa卡

【深圳離境退稅2026】退稅基本步

• 合資格旅客（在中國境內連續居住不超過183天的港澳台同胞和外國人）
• 同一日喺同一指定退稅店買滿¥200
• 購物後90天內離境
• 商品尚未啟用/消費，並由本人隨身攜帶/隨行托運

【深圳離境退稅2026】退稅步驟

1. 喺商戶消費時主動向商戶拎 1)電子發票及 2)境外旅客購物離境退稅申請單。絕大部份商品增值稅發票稅率為13%，實退增值稅率9%（即係購買嘅商品有約91折）。
2. 去羅湖口岸3樓離境退稅點（寶安國際機場出境大廳都有，但香港人應該少啲機會用），就會見到「離境退稅自助服務機」。
3. 完成海關嘅檢查程序後，根據自助退稅機指示掃描退稅單及證件，然後選擇退稅方式（支援退稅至實體信用卡、數字人民幣硬錢包及第三方支付平台等）。相比人工櫃檯辦理，自助退稅過程只需大概3分鐘完成！
4. 確認後，稅款到賬處理時間係根據所選擇嘅退稅方式而定。

 💡里先生溫馨提示：
如果你揀退落信用卡，一定要帶實體卡插機，淨係記得個卡號或者用 Apple Pay 係唔得㗎！同埋記住，單據上嘅名要同你張回鄉證、信用卡名完全一致，如果唔係部機會彈回頭！

【深圳離境退稅2026】里先生退稅實戰小tips

• 金光華廣場、KK ONE、南山京基百納廣場、太陽百貨、福田星河COCO Park等好多商場都有可退稅商戶

• 唔係所有商品都符合退稅資格，同埋唔係間間舖面都有明顯嘅退稅商戶標示，買嘢前記得主動開聲問店員可唔可以辦理退稅

• 店員辦理退稅文件需時，記得預留時間
• 離開商店前記得check清楚退稅單上嘅資料係咪正確，例如商品資料、證件號碼等（唔好搞錯數字「0」同字母「O」），去到關口先發現錯咗就退唔到㗎喇！
• 各個退稅點開放時間不同，如羅湖口岸暫時所見係周一至周日9am-9pm，記得check清楚

【深圳離境退稅2026】中銀信用卡簽賬攻略 – 賺高達14%回贈

準備北上 shopping 嘅朋友，退稅固然要搞，仲要記得帶定張實體中銀信用卡上去賺到盡！

1. 中銀信用卡狂賞飛 – 內地簽賬高達6%現金回贈：

推廣期內憑任何中銀信用卡喺內地實體店累積簽賬滿HK$5,000，可享高達6%現金回贈 。呢個優惠門檻比上年低，唔限任何單一簽賬金額，只要係用你合資格嘅中銀信用卡簽賬都一齊計到！即日至4月30日登記，推廣期至6月30日。

2. 中銀 Go 卡 – 內地簽賬高達8%現金回贈：

即日至6月30日，憑中銀Go卡喺內地以指定手機簽賬（包括 BoC Pay+、雲閃付 APP 之二維碼、Apple Pay、Samsung Pay 及 Huawei Pay），即享高達20X積分，相等於8%現金回贈，記得要登記（ www.bochk.com/s/a/gompq126 ）！

用中銀 Go 卡喺美團、大眾點評、滴滴出行等指定 Go 商戶簽賬仲享高達5%回贈！更可一卡接通灣區交通，由深圳/廣州地鐵、廣深城際和諧號、通行港珠澳大橋到指定高鐵同巴士等通通都得！官網詳情：www.bochk.com/s/a/gocard

記得留意埋用中銀銀聯雙幣卡可以盡享「旅遊狂賞 北上 Go」內地商戶優惠，食買玩及酒店住宿有高達¥400立減優惠（ www.bochk.com/s/a/nbgo ）！

以上所有優惠受有關條款及細則約束。
儲值支付工具牌照編號：SVFB072
提示：借定唔借？還得到先好借！

【深圳離境退稅2026】常見問題 FAQs