第一次去東京自由行，住上野定新宿比較好？

第一次去建議揀上野！因為由成田機場搭 Skyliner 直達最簡單，上野車站無新宿咁似迷宮，治安相對簡單，附近有阿美橫丁同上野動物園，非常適合新手適應日本節奏。

如果行程打算去河口湖睇富士山，應該住邊區？

建議住新宿！因為新宿站南口有全東京最大嘅巴士總站 (Busta Shinjuku)，有直達高速巴士前往河口湖；搭 JR 亦有特急富士回遊直達，比喺上野出發慳時間又慳力好多。

帶住長輩同小朋友去東京，上野定新宿方便？

絕對係上野。上野酒店空間一般較大，而且有唔少家庭式公寓酒店（如設有廚房/洗衣機）。加上上野恩賜公園一帶環境清幽，長輩行得舒服，又唔洗喺新宿站同人逼。

24 7 月 2026
10:57 上午

美食全方位對比（附10秒必睇懶人包）

去東京必睇懶人包2026 ︱上野 vs 新宿住邊好？每次去東京自由行，最多人糾結一定係揀住宿區！到底住交通方便嘅上野好，定係行街食宵夜一流嘅新宿好？里先生為大家做咗全方位區域對比，包含機場交通(成田/羽田機場)、房價、美食及近郊行程(富士山/輕井澤)分析，附必睇10秒懶人包！幫你快速決定最適合你嘅住宿地點！另外可以睇埋新宿酒店推薦／上野酒店推薦！

里先生都知道每個人對東京酒店嘅需求唔一樣，新手同老手嘅選擇都大不同，可以睇返：

留意本文所列房價為預估平均房價，實際請以訂房頁面顯示為準。

上野 vs 新宿︱10秒懶人包 (首選必睇)

好多讀者問里先生第一次去東京應該住邊，如果唔想睇長文，直接跟住以下嘅懶人包揀就實無死：

搭 Skyliner 41分鐘直達成田機場 ➔ 選上野
打算搭高速巴士去富士山 / 玩河口湖、箱根 ➔ 選新宿
預算有限，想住大啲嘅房間，帶住長輩/小朋友 ➔ 選上野
半夜想行街食宵夜（Donki、歌舞伎町、24小時拉麵） ➔ 選新宿

里先生一句總結： 追求「機場直達、高 CP 值、家庭遊」揀上野；追求「繁華夜生活、購物狂、多近郊行程」揀新宿！

上野 vs 新宿︱住宿條件一覽

對比項目	上野 (Ueno)	新宿 (Shinjuku)	勝者
成田機場交通	京成 Skyliner 直達 (約41分鐘)	N'EX 直達 (約70分鐘)	上野
羽田機場交通	單軌電車轉乘 (約35分鐘)	利木津巴士直達 (約45分鐘)	新宿
參考平均房價	約 HK$700 – $1,500 /晚	約 HK$1,000 – $2,500+ /晚	上野
購物與夜生活	阿美橫丁、多慶屋（大多約22:00收舖）	伊勢丹、Lumine、不夜城歌舞伎町	新宿
周邊郊區行程	前往日光、輕井澤 (搭新幹線極方便)	前往河口湖、箱根 (高速巴士總站/小田急)	平手
適合客群	親子客、帶長輩、慳家朋友、首次遊日	年輕人、購物狂、夜生活、去富士山	–

上野 vs 新宿︱交通便利度比拼：機場往返與近郊一日遊

上野交通優勢：成田機場最強地點

對於大部分搭廉航去成田機場嘅香港人嚟講，上野絕對係首選。搭乘 京成電鐵 Skyliner 可以喺 41 分鐘內免轉車直達上野，而且車廂有大型行李架，買到一袋二袋都唔怕。如果你嘅行程打算買 JR Pass 去 輕井澤、草津溫泉或日光，上野站作為新幹線大站，出發極之方便！

新宿交通優勢：關西與富士山轉乘樞紐

新宿雖然去成田機場較遠（搭 N'EX 需時超過一小時），但係如果飛羽田機場，就有 利木津巴士直達 多間大型酒店樓下，免卻搬行李之苦。另外，如果你嘅行程重點係 富士山 (河口湖) 或箱根，新宿有全東京最大嘅長途巴士總站 (Busta Shinjuku) 以及小田急線，絕對係最佳中轉站！

上野 vs 新宿︱住宿CP值比拼

上野：平價商務酒店集中地，房間相對實用

上野區嘅住宿以中價位商務酒店為主。同等價錢喺上野通常可以住到稍微大少少（約 15-18 平方米）嘅房型，勉強可以打開兩個大喼。呢區亦有唔少適合家庭嘅公寓式酒店（如 Mimaru），對於追求 CP 值嘅旅客嚟講非常吸引。

新宿：寸金尺土，高價位與奢華酒店選區

新宿作為東京核心商業及娛樂區，可謂「寸金尺土」。平價房型通常極度細小（約 11-13 平方米），打開行李箱後基本上無路行。不過，如果你 budget 充足，新宿有齊各大國際五星級品牌及高級設計酒店，奢華體驗絕對贏上野一條街。

上野 vs 新宿︱生活機能：晚餐與宵夜去邊食？

上野：充滿下町風情，適合早睡早起嘅朋友

上野有充滿地道風情嘅「阿美橫丁」，買平價藥妝、食街邊居酒屋一流。附近仲有業務超市同多慶屋，買手信好抵。但缺點係夜晚 10 點後大部分舖頭都會閂門，區內會變得比較靜，適合行完一日想返酒店大休息嘅早睡早起族。

新宿：24小時購物天堂與宵夜聖地

如果你鐘意出夜街，新宿絕對係你嘅天堂！24 小時營業嘅激安之殿堂 Donki、深夜拉麵、燒肉店比比皆是。Lumine、伊勢丹等大型百貨密集，行街買衫買到凌晨都無問題。不過人流極多，帶住細路仔行街就要拖實啦。

里先生私房實住心得：兩區致命地雷點注意！

里先生住過晒兩區無數咁多間酒店，總結咗幾個大家訂房前一定要知嘅「地雷位」，免得中伏：

新宿致命痛點 ── 「新宿車站迷宮」：新宿站被譽為全球最複雜車站之一，出口極多。每日行到攰，或者拎住大件行李喺地下街搵出口，真係少啲體力都唔得。建議預訂新宿酒店時，一定要揀 「新宿站南口」或「西口」直達／地面步行 5 分鐘內 嘅酒店，盡量避開歌舞伎町深處，因為深夜會較嘈雜～
上野致命痛點 ── 「阿美橫丁周邊治安與鶯谷方向」：上野整體好安全，但入夜後阿美橫丁一帶會比較多居酒屋客，帶住小朋友盡量避免深夜喺嗰帶流連。另外，上野站往「鶯谷站」方向（北口一帶）有部分風俗店，訂房時建議首選 「上野廣小路」、「御徒町」或「上野公園」周邊 會比較清靜舒服！

最抵預訂酒店信用卡－現金／里數回贈

回贈類別	酒店信用卡	回贈
✈️ 里數回贈	滙豐Everymile信用卡 Agoda全年85折優惠	$2 / 里
美國運通Explorer信用卡*	AE優惠5倍積分($3.6/里)
渣打國泰 Mastercard*	$6 / 里
💰 現金回贈	恒生MMPOWER卡*	該月簽賬滿HK$5,000，享5%回贈
HSBC Visa Signature*	最紅自主獎賞－選擇「賞品味」，回贈高達 2.4%「獎賞錢」
Mox 信用卡 Trip.com全年92折優惠	無上限2％回贈
💳 通用回贈	滙豐Red信用卡*	4%獎賞錢回贈（4%現金回贈或HK$2.5/ 里回贈）
中銀Bliss信用卡永安旅遊指定機票酒店85折	10倍積分（$1.5/里或4%現金回贈）

🌟 里先生東京酒店精選－主題分類
東京全方位酒店合集	東京新開幕酒店	東京親子家庭酒店	東京市內溫泉酒店
東京近郊溫泉酒店	東京賞櫻酒店	東京公寓式酒店
📍 里先生東京酒店精選－區域分類
東京新宿酒店	東京上野酒店	東京車站酒店	東京池袋酒店
東京淺草酒店	東京銀座酒店	東京澀谷酒店	東京秋葉原酒店
東京迪士尼酒店	東京輕井澤酒店	東京河口湖酒店
🖋️ 里先生東京酒店精選－其他分類
東京住新宿vs上野比較	羽田／成田機場過夜攻略