曼谷 Hyatt Regency Bangkok︱泰國酒店 最新圖文入住報告 位置方便食物高質 仲有露天靚景Lounge！
之前講完Hyatt Place Bangkok，快快手同大家睇埋Hyatt Regency Bangkok咩樣。因為仲有住2晚送3000分優惠我又差十晚八晚就升Globalist咁就有得揀都想住優先住咗Hyatt先。
呢間課金入住的話都貴，要6500泰銖以上一晚，用積分就正常8000 Hyatt分嚟換（買分約值HK$1,200 )。因為我本身未到Globalist今次就用咗啲Club券落個booking，所以有包埋早餐同Lounge。
我個人覺得呢間好值得住，非會員揀新酒店的話呢間幾好，樓下就有間Let’s relax同埋酒店係連住BTS，如果覺得樓下雜嘅話可以唔到地面都搭到車。係會員嘅話用下啲Lounge券又或者Globalist直接有埋Lounge用都幾爽。個人去曼谷比較鐘意多啲時間留酒店，有lounge飲下嘢到時到候再出去晚餐咁夠了，相信呢間Hyatt Regency滿足到我呢類鐘意Hea多啲酒店嘅人的需求
曼谷 Hyatt Place Bangkok︱房間
房間好新同夠大，無要求嘅情況下酒店仲自動安排咗頂層28樓俾我，呢間酒店好新淨而且有浴缸，浴室半開放式嘅設計，床就好似加左咗（應由2張Twin合併咗）。Hyatt Regency好多嘢都好唯獨佢嘅沐浴備品我真係唔太喜歡
曼谷 Hyatt Place Bangkok︱餐飲－早餐
有買/換到Club的話早餐可以揀係lounge或者樓下食，我去咗樓下食我覺得幾好，有原隻椰皇飲，生果有芒果拎，鮮榨果汁同埋和牛河粉（啲牛都嫩，真材實料幾好食）。另外有到佢間佢間天台酒吧睇睇，環境正不過會嘈啲，就算唔住呢間酒店都值得嚟飲下嘢。
曼谷 Hyatt Place Bangkok︱設施
酒店gym同泳池都正，行到落去就會想用下。個Regency Club係27樓，睇得出酒店幾重視呢一環，Club放靚位之餘地方夠大仲要有埋露天area有靚景睇。本身有Happy Hour但我無乜時間只能等下次再到訪。
