2026年Mastercard最新推出嘅World Legend級別，持卡人可享機場專屬dining club禮遇。香港Mastercard機場貴賓室lounge Taste by Priceless Hong Kong喺5月9日正式開幕！位置喺41號閘口，Kyra Lounge嘅隔離。持World Legend級別嘅Mastercard信用卡可以免費帶3個同行親友入得，香港目前得HSBC Privé一張World Legend。而World Elite / World Mastercard都可以付費進入。

呢類唔係航空公司開嘅Lounge叫做「Independent Lounge」，一般都會好似環亞或者Kyra Lounge嗰啲咁會同銀行或者Priority Pass合作。

其他免費入機場貴賓室信用卡：免費入機場貴賓室信用卡、免費機場外賣攻略

Mastercard Lounge 位置、地圖及營業時間

Taste by Priceless Hong Kong

位置：一號客運大樓離港層，靠近 41 號閘口 (Kyra Lounge隔離，on the mezzanine level adjacent to the Kyra Lounge)
營業時間：06:00 – 23:59
特色：有A La Carte同Tasting Menu提供

官網：https://www.priceless.com/travel/product/230449/taste-by-priceless-hong-kong-terms-and-conditions

點樣免費入 Mastercard Lounge？

持World Legend級別嘅Mastercard信用卡可以免費入到，香港目前得HSBC Privé一張World Legend；而World Elite / World Mastercard都可以付費進入。雖然Priority Pass個app有show到呢個lounge，但係睇返Mastercard官網條款就無講過話priority pass可以入，但係有World Mastercard就可以俾錢入。里小編實測時問咗職員，拎Mastercard+有Priority Pass但唔係World Legend級別的話都係要俾錢先入得。

官網上係咁寫：Access is only available to eligible World Legend cardholders and up to 3 eligible guests on an unlimited basis.
Other Mastercard cardholders, including World Elite and World cardholders may be able to gain access for an additional fee, specific to each Dining Club location on a space available basis.

Mastercard Lounge收費比較

官網寫8月31日前World Elite/World級別嘅Mastercard入去俾HK$550，但自費實測咗真實收費係HK$575。

信用卡	Mastercard級別	收費
HSBC Privé	World Legend	免費帶3個人其後每人收費：$700
Citi Prestige	World Elite	每人收費：$575(8月31日前) $700(9月1日起)
HSBC Red	World	每人收費：$575(8月31日前) $700(9月1日起)
Citi PremierMiles	World	每人收費：$575(8月31日前) $700(9月1日起)
Citi Rewards	World	每人收費：$575(8月31日前) $700(9月1日起)
Citi Cash Back	World	每人收費：$575(8月31日前) $700(9月1日起)
恒生 MMPOWER	World	每人收費：$575(8月31日前) $700(9月1日起)
渣打國泰	World	每人收費：$575(8月31日前) $700(9月1日起)
建行(亞洲) TRAVO	World	每人收費：$575(8月31日前) $700(9月1日起)
中銀 Chill	World	每人收費：$575(8月31日前) $700(9月1日起)

Mastercard Lounge 環境及裝潢

睇返外媒(The Milelion)嘅相感覺都幾現代時尚。用色都配合返Mastercard嘅標誌性顏色，風格上同其他機場lounge做咗個明顯分別。仲要一提Mastercard Lounge無得沖涼的，要Shower的話要去返AE Lounge或者環亞機場貴賓室喇。

Mastercard Lounge 食物/飲品

Mastercard Lounge自費實測

里小編自費入Taste by Priceless Hong Kong實測！本身入開Plaza Premium Lounge自己拎魚蛋粉，第一次做高級大人咁好服務真係有啲唔慣haha。

講返正題先，呢度有2款Menu提供，想彈性啲有a la carte Menu “Cove”；想試真啲有Tasting Menu “Counter”。今次小編試咗佢個Tasting Menu，真心唔錯！有齊前菜、湯品、main、甜品，全部都好精緻而且食落味道係有層次的。特別在食甜品前有份”Prosecco Cloud”去refresh咗個味蕾先，酸酸甜甜好有空氣感。可能小編食得太開心chef醒多款甜品俾我試，本身以為白朱好甜但切開入面原來係好香濃嘅黑朱，有驚喜！最正係幾款甜品都唔太甜！反而試咗幾款cocktail都偏甜，如果有機會再去都係揀返紅白酒穩陣啲。

呢餐飯成程係你面前整，上菜前又會介紹用咗咩食材同處理手法，整體體驗都十分良好。雖然冇World Legend級別嘅Mastercard，但小編拎住張HSBC Red課金都入到，8月31日前用HK$575就可以買個體驗都值嘅！