【香港泰航貴賓室】AE CX Elite/AE白金卡可以入嘅隱藏版Lounge！
【香港泰航商務艙貴賓室】AE CX Elite/AE白金卡可以入嘅隱藏版Lounge！
獨家搶先報導！相信唔少朋友都知40號閘嘅環亞貴賓室正在裝修，而新開咗間35號閘環亞貴賓室(稍後再寫返你睇)可以過去使用。到2020年剛剛先有機會去體驗一下，點知今次有開心大發現，今次被告知因為40號閘嘅環亞貴賓室正在裝潢嘅關係，同樣由Plaza Premium Group管理嘅泰航商務艙貴賓室就開放咗俾適用信用卡持有人進入，當中包括最多人有嘅AE CX Elite/AE白金卡可以進入(其他可入環亞機場貴賓信用卡理論上都入得)！
泰航商務艙貴賓室好鬼正！會坐得舒服過PPL同埋入面嘅食物好有驚喜！Plaza Premium Lounge招牌魚旦粉有啦，啤酒紅白酒都有得任你飲！最正係甜品居然有迷利版芒果糯米飯，椰子雪榚同埋韓國密瓜味雪條啊！！！趁呢加有呢個短期「優惠」，絕對值得入去Thai Airways Royal Orchid Business Lounge到玩下！當然，你問我肯加錢的話一定係Plaza Premium First嘅experience係最好架喇，不過呢加用信用卡又唔洗加錢就入到business class lounge都係正！
P.S.用信用卡入泰航商務艙貴賓室都可以儲埋Arrture分，記得同職員講要儲分啊！夠1,500分換入Plaza Premium First體驗下！真係超推薦！
泰航商務艙貴賓室地點：都係40號閘附近上一層，原PPL附近
40號閘環亞機場貴賓室裝潢緊
佢有介紹返你去其他環亞，但無寫到隱藏版泰航貴賓室都可以入！
地點：40號閘附近上一層，原PPL附近
泰航商務貴賓室：坐廉航入到嗎？
今次我搭廉航咋，不過用信用卡都入到泰航商務貴賓室！！(記得呢個係短期安排嚟，Gate 40 PPL裝潢完就會完)
Thai Airways Business Class Lounge: 食物一覽
係芒果糯米飯同椰子雪榚啊！
仲有密瓜雪條
水果/甜品
Thai Airways Royal Orchid Business Lounge環境
環境算係唔錯，開揚位可睇到飛機，淋浴間係toilet，只有一個。
如果當PPL玩法 你咪 AE細頭白金卡主附各帶2位朋友？
係
但呢加唔知仲入唔入到
如果有一位同行朋友沒有可以入lounge 信用卡，請問泰航lounge收費會係多少
咁無得入啦
知唔知可以用到幾時呀？
Gate 35裝修完
請問文章說40號個PPL裝修緊，先分流過來，咁PPL方面有沒有講大約可以用到幾時? 因為我一月底要飛，所以問下一月底仲有沒有得入，謝謝!
職員都唔知幾時裝修完喎
里先生, 請問原本的貴賓室幾時裝修完?(e.g. 二月尾)?
我問過，但staff都唔知
本身另外有張Priority Pass Card，可否用1個Priority Pass的Quota俾同行沒有入貴賓室信用卡的朋友入去?
泰航lounge? 唔肯定priority pass得唔得
請問AE CX ELITE 附屬咭持卡人入唔入到？
一樣玩法，入到
只係本身裝修緊所以分流去呢到，你當佢PPL咁就ok