2026-Debit-Card比較-免入息-學生-海外提款-信用卡近年扣賬卡（Debit Card）係香港愈來愈普及，尤其係 Citi Plus、HSBC One 同 Mox 鬥得難分難解！Debit Card 最大賣點係「無入息證明」都申請到，而且去外國旅行 ATM 撳錢分分鐘抵過外幣信用卡！如果你一直都申請信用卡被拒批，建議你可以先揀張Debit Card嚟用先，之後有糧單或者TU改善咗再申請信用卡。

里先生根據 2026 年最新數據，同大家比較各大銀行 Debit Card 嘅外幣提款手續費及簽賬回贈，當中更加入最新嘅東亞 (BEA) 及 中信 (CITIC) 扣賬卡資料，助你揀選最適合的一張！

【30秒懶人包】2026 Debit Card 邊張好？(里先生短評)

好多讀者問「恒生扣賬卡好唔好？」或者「邊張 Debit Card 旅行最好用？」，與其睇長文，不如直接睇里先生短評：

  • 👑 旅行提款首選 (0手續費)：Citi Plus / HSBC Mastercard Debit。呢兩張卡支援多種貨幣戶口，睇返里先生外幣兌換攻略預先唱定錢，去到當地 ATM 撳錢係免手續費！
  • 💰 本地簽賬回贈王：Mox Bank。雖然佢條款成日改，但如果你肯放錢入 Mox 活期，佢個無上限 CashBack 依然係 Debit Card 界最強之一。
  • 🏦 學生/無入息之選：恒生多貨幣 Mastercard。學生戶口易開，配合恒生大學聯營卡一齊申請，適合新手。

旅行精選：推薦用邊張 Debit Card 去日本/海外撳錢？

去旅行最驚撳錢收手續費，要在日本 7-11 做到0 手續費提款，你要有適當的戶口。現時主流銀行都出咗 Debit Card 方便大家：

2026 精選扣賬卡點評：詳細功能比較

1. Citibank 萬事達卡扣賬卡

里先生點評：性價比極高，Global Wallet 功能令你直接用外幣戶口餘額消費/提款，避開匯率差價。

  • 外幣提款：Citi 或 Mastercard 網絡 ATM 免手續費 (12 種貨幣)。
  • 簽賬回贈：本地消費約 0.5% – 1% (視乎推廣)。
  • 優點：真．0 成本外幣提款，旅行必備。

2. 滙豐 Mastercard 扣賬卡 (HSBC One/Premier)

里先生點評：全港最多人用，匯率靚 (Spot rate)，HSBC One 門檻低。

  • 外幣提款：全球滙豐 ATM 免費。其他網絡每次 HK$40 (Premier 豁免)。
  • 簽賬回贈：0.4% 現金回贈 (有時有額外 5% 旅遊回贈推廣)。
  • 優點：配合 HSBC App 唱錢極方便，匯率通常靚過找換店。

3. 恒生多貨幣 Mastercard 扣賬卡

里先生點評：很多讀者搜「恒生扣賬卡好唔好」，其實佢同 HSBC 功能好似，如果你本身用開恒生出糧，這張卡是不錯的副卡。

  • 外幣提款：Mastercard 網絡免手續費 (12 種貨幣)。用海外HSBC機撳錢的話免手續費
  • 簽賬回贈：0.5% 形式回贈 (視乎理財戶口級別)。

4. 渣打多貨幣萬事達卡扣賬卡

注意：主要只限 Priority Banking 或以上客戶。

  • 外幣提款：11 種貨幣戶口提款免外幣交易費。
  • 簽賬回贈：0.5% – 1% (視乎存款額)。

5. 其他潛力股：Mox、中信、東亞 (GSC 熱搜)

  • Mox Bank：Mox Card 既係信用卡又係扣賬卡 (Flip 功能)。外幣簽賬收 1.95% 但回贈可高達 2%，適合唔介意手續費只求方便嘅人。
  • 中信銀行(國際)多幣扣賬卡 (CITIC)：「CITICdiamond」客戶專享，支援貨幣多，在國內提款有優勢。
  • 東亞銀行 (BEA) Mastercard Debit：主要配合 SupremeGold 戶口，功能較基本，但近年 App 體驗有改善，適合東亞舊客直接申請。
  • 星展銀聯鑽石扣賬卡：少數嘅銀聯 Debit Card，去內地消費或提款比較方便。
  • 中銀萬事達卡扣賬卡：主要賣點係國內消費支援度高。

Debit Card 終極比較列表 (2026版)

Round 1: 海外提款手續費 (旅行必睇)

去旅行最驚撳錢收手續費，更多詳細教學可參考：【日本撳錢攻略】外幣提款免手續費教學

銀行/卡種 海外提款手續費政策
Citi Plus / Citigold 全免 (Citi 或 Mastercard 網絡)
前提：戶口要有足夠外幣餘額
HSBC Debit Mastercard 全免 (全球 HSBC ATM)
Premier 客戶於非 HSBC 網絡亦全免
One 客戶於非 HSBC 網絡收 HK$40
恒生多貨幣卡 全免 (全球 HSBC ATM)
前提：戶口要有足夠外幣餘額
渣打多貨幣卡 全免 (渣打或 Mastercard 網絡)
只限理財戶口客戶
DBS 銀聯扣賬卡 全免 (銀聯網絡)
留意銀聯匯率通常無 Mastercard 咁靚
Mox Bank 每次 HK$30 + 1.95% 匯率手續費 (唔太建議用嚟提款)

註：即使香港銀行免手續費，日本/泰國當地 ATM 機主仍可能收取「當地台機費」(Access Fee)，唯獨 HSBC/Citi 在日本 7-11 ATM 實測可豁免。

Round 2: 簽賬回贈比拼

銀行/卡種 一般回贈 特色/備註
Mox Bank 0.5% – 2% 視乎存款任務，回贈最強但條款常變
Citi Plus 0.5% 勝在穩定，無腦刷
HSBC Debit 0.4% 雖然回贈率低，但勝在夠多商戶優惠
中銀 Mastercard 0.5% 國內消費有優勢

外幣 ATM 提款 3 大伏位

即使你有張 0 手續費嘅卡，都要識用先得！詳細操作教學請看 海外 ATM 提款教學。

  1. 一定要開「海外提款」功能：好多人去到日本先發現撳唔到錢，因為無喺 App 開通海外提款及設定限額。
  2. 小心 DCC (動態貨幣轉換)：無論撳錢定簽賬，如果部機問你「用港幣 (HKD) 結算」定「當地貨幣 (JPY/TWD/GBP) 結算」，一定要揀當地貨幣！揀港幣會被收 4-5% 隱藏匯率差價。
  3. 分清「戶口連結」：如果你張卡連結咗多個戶口，確保留意預設扣賬戶口係「外幣戶口」定「港幣戶口」，避免因為唔夠外幣而自動用港幣戶口 (含手續費) 結算。

Debit Card 常見問題FAQ

2026年去旅行海外提款用邊張Debit Card最抵？

Citi Plus扣賬卡及HSBC One Mastercard Debit Card是2026年旅行提款的首選。用戶只需在App內預先兌換外幣，憑卡在海外指定ATM（如日本7-11 Seven Bank）提款即可獲豁免手續費。

恒生多貨幣Mastercard扣賬卡好唔好？

恒生多貨幣Mastercard扣賬卡適合本身使用恒生出糧的用戶申請。此卡支援12種貨幣直接扣賬，且在全球HSBC ATM網絡提款均免手續費，功能與HSBC One扣賬卡相若，是極佳的副卡選擇。

申請Debit Card扣賬卡需要提供入息證明嗎？

申請Debit Card扣賬卡通常不需要提供任何入息證明。只要申請人年滿指定歲數（如11或18歲）並成功開設相關銀行戶口，學生、家庭主婦或無固定收入人士均可即時獲批發卡。

Mox Bank扣賬卡有甚麼簽賬回贈優勢？

Mox Bank扣賬卡提供無上限CashBack現金回贈，是本地消費的強項。雖然回贈比率會隨存款任務變動，但用戶一般在本地簽賬及海外消費均可享有0.5的現金回贈，適合追求現金流的用戶。

在海外ATM使用扣賬卡提款有甚麼手續費陷阱？

旅客在海外ATM提款時應提防「DCC動態貨幣轉換」陷阱。里先生建議用戶務必在ATM介面選擇「當地貨幣」結算，並留意部分獨立ATM機主（如日本Lawson）可能會收取額外的台機費 (Access Fee)。