20190529 insurance post 2026

【信用卡交保險費攻略】比較2026繳交保費信用卡積分/里數/現金回贈教學。交保險信用卡都算係幾要動腦嘅支出嚟，因為好多銀行都唔當保險係一般簽賬，所以交保險無基本回贈。係信用卡支付的層面無去分人壽/儲蓄/危疾/醫療保險，只要入落保險都當保險類別，例如旅遊保險及汽車保險都要買下(包括去買HoldCover保險)，又或是想交扣稅年金信用卡積分以下都可作參考。

有3大類最常見既交保費方式分別係：

  1. 直接對保險公司：親身及保險公司App繳費 (一般有儲蓄保險成份單想咁交都會有手續費)，基本回贈無每月回贈上限
  2. 自動轉賬繳費
  3. 經銀行Payment gateway：網上銀行以信用卡繳費(ebanking bill payment)，有每月回贈上限的

不過值得留意既係並非所有保險公司都接受所有方法，而唔同繳款方法用唔同卡回贈率都唔同，同一張卡用唔同方式繳費所賺到既回贈率都未必一樣，所以交費前最緊要了解邊張卡交保險係必定無分同埋要比較交保險費信用卡。同信用卡交水電煤一樣，一般最多積分嘅交費方法次序為

  1. 親身繳費
  2. 自動轉賬繳費
  3. 網上銀行以信用卡繳費
  4. 無得用信用卡繳交

之前收集過大家既→交保費經驗問卷，今日就集思廣益總結返唔同嘅意見同埋里先生對信用卡條款嘅理解寫返個信用卡交保險積分攻略。個Survey見到最多人係用網上銀行以信用卡繳款，積分唔多但起碼用啱銀行的話會有分先。

從問卷中得出保險公司接受繳交保費之方式

可直接對保險公司，接受親身繳交保險費或App內繳費之公司 (請以保險公司所述為準，詳情請向你的Agent查詢保險繳費方法)

  • Prudential 英國保誠保險
  • AIA (只接受建行信用卡，如無建行用其他信用卡自動轉賬好啲)
  • YF Life (前稱Mass Mutual 美國萬通) (第一次親身以信用卡繳交，住後無法以信用卡繳交)
  • 太平洋人壽
  • 泰禾 (2019年4月後已不接受)

接受以自動轉賬繳交保險費之公司 (請以保險公司所述為準，詳情請向你的Agent查詢保險繳費方法)

  • AIA
  • Prudential 英國保誠保險
  • FT Life 富通
  • AIG

接受以網上銀行繳交保險費之公司 (請以保險公司所述為準，詳情請向你的Agent查詢保險繳費方法)

  • 要買旅遊保或汽車保可去HoldCover買保險有優惠碼，同埋可以用信用卡俾錢
  • AIA
  • Prudential 英國保誠保險
  • Manulife
  • AXA
  • Sunlife永明
  • MSIG
  • YF Life (前稱Mass Mutual 美國萬通) (於150份問卷中只有1位朋友回答可網上交，我不肯定)

1. 直對保險公司：親身或App內以信用卡繳費

條款已列明交保費無回贈的信用卡

如果要交保險就有幾間銀行條款已經寫咗唔計保險，記得唔好用

可以交保險費食迎新的信用卡

用AE信用卡或HSBC信用卡交保險係計埋迎新！一次性大額咁交保險費食迎新就啱晒！

交保險/交年金有回贈的信用卡

市面上交保險而有積分或回贈的信用卡唔多，有幾點可以睇睇：

以上為我的舊有實測，你俾錢前最好睇睇條款上有無變動啊！

如信用卡交保險有手續費，咁抵唔抵？

要睇個手續費有幾多，而HSBC信用卡有個地方幾好，就係當面簽賬/保險公司網站或App到交保險的話都會計入：

  • 迎新合資格簽賬
  • 優惠活動如HSBC最紅冬日賞或HSBC最紅大折日額外6%RC
  • 基本回贈0.4%
  • 問題係好多時要簽賬保險的話保險公司會另外加收手續費（非online banking bill payment，唔同嘢嚟，bill payment食唔到promotion）

有讀者就問我收3.5%手續費抵唔抵簽，如果你都有同樣疑問可參考下，未必完全一樣但個思考邏輯都是差唔多。我咁答：

如現有卡唔係開新卡要3.5%手續費計落無咩so，我咁計：

  • 簽$10000本地當中$5000有6%啫係$300RC，當你只簽呢份保險的話都係食HSBC最紅大折日回3%+1%基本，只係啱啱夠cover手續費
  • 本地簽到上$35000的話啫係一共回$700RC，實際為2%，基本0.4%加埋共2.4%
  • 所以無論你要現金回贈定里數都係無咩著數。或者可以開張新卡當食多份舊客迎新咁就舒服啲。唔怕麻煩嘅可以咁做。
信用卡
Credit_card		信用卡回贈
Rebate_rate_mile
HSBC EveryMile$12.5/里 或 0.4%回贈
HSBC Red$25/里 或 0.4%回贈
HSBC白金卡$25/里 或 0.4%回贈
HSBC Premier$25/里 或 0.4%回贈
AE Explorer$6/里
AE白金卡$9/里
AE白金信用卡$6/里
大新BA$6/Avios
大新ANA$8/里
AE Blue Cash1.2%
大新One+1%
Citic Motion無
東亞Flyer無
DBS Black無
DBS Eminent無
DBS Compass Visa
無
渣打AM
無
渣打Simply Cash無

親身交保費最重要就係記得問清楚保險經紀會唔會外加手續費，無既話都係一個唔錯既選擇。

E-banking 網上繳費

如果真係做唔到自動轉賬或親身交嘅話先考慮用e-banking，因為有積分或者回贈嘅信用卡選擇唔多，加上回贈率會無咁抵。

信用卡_
credit_card		信用卡回贈
HSBC EveryMile$12.5/里 或 0.4%回贈
HSBC白金卡$25/里 或 0.4%回贈
HSBC Red$25/里 或 0.4%回贈
HSBC Premier$25/里 或 0.4%回贈
中銀信用卡$15/里 或 0.4%回贈
建行Eye$15/里 或 0.4%回贈
恒生MMPOWER無
恒生Travel+無
恒生enJoy無
渣打AM
無
渣打Simply Cash無
DBS Black無
DBS Eminent無
DBS Compass Visa無

仲可以用eBanking網上銀行繳費而有積分/回贈嘅銀行已經唔多，可以用滙豐EveryMile/滙豐Red卡/滙豐白金卡或以上級別嘅卡(包括HSBC Visa Signature/HSBC Premier/HSBC Advance/HSBC白金卡)或中銀信用卡。但留意呢幾間銀行嘅卡交費積分/回贈都有上限，如下:

  • HSBC信用卡：網上繳費有0.4%「獎賞錢」回贈。每月結單首$10,000繳費先有回贈 (Tips: 同一個月要交$20,000費用，假設於23號月結單截數，可以22號交$10,000，再於24號交$10,000咁就可以變相有$20,000網上交費有積分)
  • 中銀信用卡：每交HK$1 即賺1積分，每個月首$10,000繳費先有回贈。
    • 用e-banking嚟交稅、卡數、償還保險公司保單貸款等都係無積分的，官網條款：按此
  • 建行信用卡：信用卡於「網上銀行」或「手機銀行」繳交水費、電費、煤氣費、保險費、學費、管理費、差餉等費用，每交 HK$1 即賺1積分。視乎你有幾多Credit Limit，每一個信用卡會籍年度，繳交保險公司保費及網上繳費交易所累積的積分上限，合共為現有信用卡帳戶獲批核之最新信用額之12倍 (如果你張卡有$5萬 credit limit，啫係你每年度有$60萬網上繳費有積分，可參考卡面expiry date計返你個年度幾時到幾時，要準確就打去hotline問)
    • 用e-banking嚟交稅、卡數、償還保險公司保單貸款等都係無積分的，官網條款：按此

信用卡交保費常見問題 FAQS

2026年推薦哪張信用卡交保險費以賺取最高回贈或里數？

里先生推薦使用滙豐EveryMile信用卡或美國運通Explorer信用卡繳交保險費。滙豐EveryMile信用卡(HK$12.5/里)及美國運通Explorer信用卡(HK$6/里)在親身或App內繳費時均可賺取里數，並計入迎新合資格簽賬。若配合滙豐最紅大折日等推廣，回贈率可進一步提升。

透過網上銀行(e-banking)繳付保費有積分回贈嗎？

透過網上銀行繳費的回贈選擇較少，主要為滙豐信用卡及中銀信用卡。滙豐信用卡網上繳費提供0.4%「獎賞錢」回贈，但僅限每月結單的首HK10,000繳費金額；中銀信用卡則提供每繳付HK1賺取1積分，同樣設有每月首HK$10,000的繳費回贈上限。

哪些銀行信用卡交保險費不會獲得任何回贈？

根據銀行條款，渣打信用卡（包括渣打國泰卡、Simply Cash）、DBS信用卡（如DBS Black World Mastercard）、Citi信用卡及Mox信用卡繳交保險費均被列為不合資格簽賬，因此不會獲得任何積分、里數或現金回贈，持卡人應避免使用這些卡種繳費。

如果保險公司收取信用卡手續費，還值得用信用卡繳費嗎？

若保險公司收取如3.5回贈的推廣活動，則在扣除手續費後，用信用卡繳費仍然可能會有收益。

「直接對保險公司繳費」與「網上銀行繳費」有什麼分別？

直接對保險公司繳費是指親身、透過自動轉賬或在保險公司App內以信用卡付款，通常被視為一般零售簽賬，回贈較高且無上限。網上銀行繳費則是透過銀行的「繳費服務 (Bill Payment)」功能付款，這類交易的回贈率通常較低，且大多數銀行會設有每月積分回贈上限。