AlipayHK信用卡積分回贈2026完全攻略

AlipayHK 信用卡轉賬全面收取手續費，只得渣打A.point 卡有每月 HK$1,000 免手續費轉賬上限，靠轉賬 0 成本賺信用卡積分基本上無得玩。你可能會問咁AlipayHK信用卡綁卡仲有無得玩？

里先生嘅答案係：視乎你點用。個人認為AlipayHK 綁卡依然實用，例如揀自動繳費賺到信用卡積分包括交水電煤、差餉、政府費用、管理費、學費、收費電視等，以及直接綁信用卡賺回贈 / 積分 / 里數/A.Point 積分。A.Point 積分係AlipayHK嘅積分計劃，賺到嘅分可以換Citi積分或者零售、餐飲及跨境禮券。

另外，北上消費的話，直接用 AlipayHK 掃碼消費亦非常方便，唔需要身上拎太多現金，仲有好多大陸商場優惠及免費領取大陸電話卡等。

TL;DR｜AlipayHK 4大要點

【支付寶香港使用場景】

  • ✅ 於香港日常消費(零售、搭車)：直接手機QR Code俾錢 、綁定中銀淘寶卡，淘寶消費免手續費！
  • ✅ 信用卡繳費：交水電煤揀自動付款免手續費兼賺信用卡積分回贈
  • ✅ 北上消費：完成中級以上認證可以喺喺大陸消費付款，北上唔洗帶現金，要搭車記得開埋跨境乘車碼
  • ❌ 信用卡轉賬： 現時得渣打A.Point卡每月首$1,000轉賬免手續費，其他Visa/Mastercard都有手續費唔抵

AlipayHK支付寶香港 ｜快速索引

AlipayHK同Alipay支付寶互通？

AliPayHK支付寶香港同AliPay係兩個唔同系統，唔可以互通

  • AliPayHK支付寶香港：主要用港幣結算，完成中級或以上認證可進行跨境付款
  • AliPay支付寶：用人民幣結算

AlipayHK信用卡｜轉賬、淘寶、繳費手續費

轉賬增值手續費

銀行 每月免費限額 超出後手續費
渣打A.Point Card、
銀聯信用卡
  • 未認證用戶：免手續費限額 HK$500
  • 中級認證：免手續費限額 HK$1,000
  • 高級認證：免手續費限額 HK$1,000
 1.5%
中銀、渣打或恒生Visa/
Mastercard信用卡		 – 1.5%
其他Visa/Mastercard信用卡 – 4%

淘寶手續費

支付方法 手續費
中銀淘寶信用卡 0%
中銀信用卡 1.2%
恒生信用卡 1.3%
其他信用卡 1.5%
銀行戶口及餘額付款 1%

繳費手續費

里先生Tips：用AliPayHK直接繳費得渣打A.Point卡免手續費，其他信用卡一律收2.5%回贈，想用其他信用卡繳費免手續費就記得set自動付款功能。

繳費事項 信用卡 費用
合資格繳費 渣打A. Point Card 免手續費
電費、煤氣費、石油氣費、物業管理費、學校賬單、租金（房屋協會轄下出租屋邨適用）*
 中銀信用卡、恒生信用卡、渣打信用卡 每筆交易1.5%手續費
其他信用卡Visa/MasterCard 每筆交易2.5%手續費
政府賬單（包括稅務局、水費及差餉地租等）*
 中銀信用卡、恒生信用卡、渣打信用卡 每筆交易1.5%手續費
其他信用卡Visa/MasterCard 每筆交易2.5%手續費

*此收費不包括自動繳費服務，只適用於單次繳費用戶。

AlipayHK 繳費賺信用卡回贈攻略（水電煤 / 差餉 / 管理費）

AlipayHK 繳費分為直接繳費同自動付款兩種方式，回贈差別極大：

繳費方式 手續費 信用卡回贈
Set 自動付款（中電 / 港燈等） ✅ 免費 推薦
直接繳費（水費 / 差餉） ❌ 2.5% 有

Alipay HK 可以交到嘅生活費用算多，有水電煤、差餉、石油氣費、管理費、電話費、寬頻、指定收費電視、指定機構學費、政府賬單同指定迷你倉等等。用渣打A.Point Card 直接繳費免手續費，其他信用卡要set自動付款，否則收2.5%手續費，(適用於用信用卡交水電煤、差餉、石油氣費、管理費同政府賬單)。

邊張信用卡AliPayHK繳費賺回贈最抵？

渣打Simply Cash算係最抵！set自動付款有1.5%回贈。你可以set自動付款交中電、港燈電費，如果你哋用嘅手提電話公司/屋苑管理公司都可以set埋自動付款就用埋。其他卡嘅分/回贈可以睇下面支付寶HK 信用卡 積分/里數/現金回贈列表 Alipay HK

  • 步驟1:去首頁→繳費服務
  • 步驟2: 選擇繳費類別(如首次使用，要先連給賬單)
    • 中電/港燈: 可以set自動付款
    • 水費/差餉: 掃QR code 直接繳費 (收2.5%手續費)***
    • 煤氣: 賬單直接繳費 (收2.5%手續費)***
    • 管理費: 部分商戶可以set自動付款***
    • 電話費：賬單直接繳費
    • 收費電視：指定商戶賬單直接繳費
  • set自動付款 (商戶列表→選擇服務類別→選擇商戶e.g.港燈→輸入賬單號碼及賬戶註冊姓名，連給賬單後，啟動自動付款)

***想睇埋其他電子錢包(Wechap Pay/雲閃付App)繳費更多賺積分/回贈嘅攻略，可以睇呢度→【信用卡繳費】積分攻略教學

AlipayHK繳費設定步驟一
AlipayHK繳費設定步驟二

邊張信用卡綁定AlipayHK 回贈最多？

支付寶Alipay信用卡記得主要分為兩大類交易：

  1. 付款：付款包括去食飯俾錢及信用卡繳費，每個月免手續費上限係HK$3,000。多數銀行都會俾分，所以如果轉到用Alipay繳費的話用Alipay一般的積分或回贈會多啲
  2. 轉賬：銀行未必俾分，穩陣的話Citi同DBS都係長期有俾分。除咗渣打A.Point卡、銀聯信用卡有每月HK$1,000免手續費轉賬限額之外，中銀、恒生、渣打Visa/Mastercard 收1.5%手續費，其他銀行信用卡要俾4%手續費

以下為各銀行 Visa / Master 信用卡用 AlipayHK 的積分回贈（以實測為準，如有最新情況歡迎留言）：

Credit_Cards
信用卡		CashAM
渣打Cathay-6
轉賬無
付款有
Simply Cash1.5%
轉賬無
付款有		-
Citi Prestige-6
Citi PM-8
Citi Rewards-15
Citi Cash Back1%-
Citi 八達通0.5%-
DBS Black-6
DBS Eminent1%-
DBS Compass Visa0.4%-
東亞Flyer-5
(不穩定)
AE Explorer--
AE白金卡--
AE白金信用卡--
HSBC卡--
恒生enJoy0.5%-
恒生MMPOWER0.4%-
恒生Travel+卡0.4%-

 

AlipayHK 信用卡｜跨境消費攻略

只要完成中級或以上認證就可以綁定信用卡用 AlipayHK 北上消費，唔需要預先兌換人民幣現金。提埋你，如果想係大陸搭車記得係App內開返跨境乘車碼^。

  • AlipayHK App → 設定 → 綁定 Visa / Master 信用卡
  • 大陸商戶掃碼* → 自動以信用卡結算（以銀行外幣匯率計算）
  • 建議用有內地簽賬回贈的信用卡 → 詳見 內地信用卡比較

另外 AlipayHK 喺大陸有不少優惠，例如免費領取 大陸電話卡及大陸商場優惠等。

*內地大部分實體商戶如店有「支付寶」或「Alipay+」Logo都接受AlipayHK付款，俾錢前可以向職員查詢。

^跨境乘車碼目前覆蓋深圳、廣州、佛山、中山、東莞、上海等地

AlipayHK跨境消費收唔收手續費？

  • 中銀信用卡、恒生信用卡及渣打信用卡嘅Visa &Mastercard 或渣打A.Point卡免手續費
  • 其他Visa/Mastercard，首HK$3,000簽賬免手續費，其後簽賬2.5%手續費

AlipayHK可以轉賬俾支付寶嗎？

  • AlipayHK係唔支援同支付寶直接進行互相轉賬,

AlipayHK 點樣開戶？

  • 首先Download App → iPhone / Android
  • 登入 AlipayHK，如果已有淘寶 account 可以用返嚟，記得個支付密碼
  • 未有淘寶 account 就用「其他登入方式」→「註冊」再按以下圖解一步步做
  • （重要！）一定要記得你個支付密碼

AlipayHK支付寶HK開戶步驟
AlipayHK支付寶HK註冊步驟
AlipayHK支付寶HK申請教學

AlipayHK 身份認證教學

里先生提提你：轉賬需要中級或高級實名認證，未認證戶口係唔可以轉錢去銀行戶口同埋有使用限制，所以想賺信用卡積分或者現金回贈就記得做齊身份認證。

  1. 去「我的」→「身份認證」
  2. 需要 upload 身份證，轉去銀行戶口要對名，注意選擇新 / 舊智能身份證
  3. 身份證用電話相機拍攝都可以
  4. 約七個工作天完成認證

AlipayHK支付寶HK身份認證步驟

AlipayHK身份認證教學未完成AliPayHK認證有咩使用限制？

未完成認證用戶會受到以下限制，但使用連結信用卡進行付款就無影響：

  • 用餘額喺淘寶購物（天貓香港除外）
  • 轉賬及派利是
  • 跨境付款及匯款

AlipayHK 點綁定信用卡？

  • AlipayHK 上限可以加入 5 張信用卡（編輯移除後可再加）

  • 去AlipayHK app「我的」→「信用卡管理」→ 加入信用卡（Visa / Master）

  • 付款方式： 喺商戶消費時，出示付款碼或Scan QR code，再喺付款頁面揀返已綁定嘅信用卡

AlipayHK支付寶HK加入信用卡教學

AlipayHK A.Point積分係咩？可以點用？

A.Point 係AlipayHK嘅積分獎賞計劃，用以下方式消費每$1賺1 A.Point，即時入賬，每月賺到A.Point 有效期為12個月，積分可以兌換Citi信用卡積分、零售、餐飲禮券。

  • AlipayHK餘額
  • 銀行賬戶
  • 中銀信用卡、渣打 A. Point Card、恒生信用卡、存款寶

AlipayHK信用卡 常見問題 FAQ

AlipayHK 信用卡轉賬要手續費嗎？

AlipayHK 規定自 2024 年 3 月 1 日起，用戶使用中銀、恆生或渣打信用卡轉賬享有每月 HK$1,000 的免費額度。用戶如果使用其他銀行信用卡進行轉賬，AlipayHK 將會收取 4% 的手續費。

邊張信用卡綁 AlipayHK 回贈最多？

渣打 Simply Cash 信用卡是用戶綁定 AlipayHK 賺取現金回贈最高的選擇。用戶透過 AlipayHK 設定自動付款繳費，渣打 Simply Cash 信用卡提供 1.5% 現金回贈。

AlipayHK 繳費有冇手續費？

AlipayHK 繳費手續費取決於用戶的付款方式。用戶如果設定自動付款繳交中電、港燈或部分管理費，AlipayHK 豁免手續費。用戶若以直接掃描二維碼或賬單方式繳交水費、差餉或煤氣費，AlipayHK 則會收取 2.5% 手續費。

AlipayHK 信用卡付款每月上限係幾多？

AlipayHK 用戶每月使用信用卡付款的免手續費上限為 HK$3,000。此限額適用於繳費與一般消費交易，超出此上限的金額將會根據個別交易類型被收取相應的手續費。

Simply Cash 綁 AlipayHK 有冇回贈

打 Simply Cash 信用卡綁定 AlipayHK 繳費享有回贈。用戶透過 AlipayHK 設定自動付款繳費，渣打 Simply Cash 信用卡會發放 1.5% 現金回贈。不過，用戶進行信用卡轉賬則無法獲得任何回贈。

Citi 信用卡 AlipayHK 轉賬有冇積分？

Citi PM 信用卡與 Citi Prestige 信用卡屬於市面上少數能夠穩定賺取 AlipayHK 轉賬積分的信用卡。然而，用戶需注意現時轉賬會被收取 4% 手續費，持有 Citi 信用卡的用戶應自行計算積分價值是否能抵銷手續費成本。

HSBC 信用卡 AlipayHK 有冇回贈？

HSBC 信用卡目前不提供任何 AlipayHK 的交易回贈。用戶無論是透過 AlipayHK 進行付款還是進行轉賬交易，HSBC 信用卡皆無法賺取任何獎賞或積分。

AlipayHK 可以入增值幾多錢？

AlipayHK 的賬戶增值上限是根據用戶的實名認證級別而有所差異。用戶如果需要查詢確切的增值限額，應以 AlipayHK 應用程式內最新顯示的個人限額為準。

AlipayHK支付寶香港 ｜快速索引