支付寶HK 信用卡 積分/里數/現金回贈一表睇晒(附Alipay 繳費/轉帳(非增值)/提現兌現儲分攻略+教學)
Alipay HK除左可以用嚟消費付款，轉賬，仲可以要嚟交水電煤、差餉、政府費用、管理費、學費、收費電視等等呢啲日常生活費用，而且仲可以綁定信用卡賺回贈/積分/里數添架！而家仲有Ant Bank PayLater，繳費服務都可以有3個月免息分期同埋高達2%回贈！
其實唔計唔覺，個個月交管理費可能1千起跳，電話費+寬頻+收費電視又幾百，隔2,3個月交水電煤同差餉又可能要幾千，計返條數全年隨時幾萬蚊。所以有得用信用卡交嚟賺回贈，大家真係盡量用啦，年尾計下應該都慳返唔少架！如果未有支付寶HK，記得領取迎新都要小心選唔係會浪費咗，詳情→支付寶HK優惠/Alipay HK迎新解說。
叫得大家用，里先生當然要同大家分享下用Alipay HK綁定Visa/Master信用卡繳費(支付寶HK暫時不能綁定銀聯卡/AE卡)，恆常地賺回贈/積分/里數嘅攻略啦！如果想睇埋其他電子錢包繳費儲回贈，詳情→【信用卡繳費】攻略教學
支付寶HK賺回贈/積分/里數攻略+教學快速索引(按入向下彈)
- 支付寶HK繳費賺回贈
- 支付寶HK信用卡積分表格
- 支付寶HK收款/付款/轉帳 掃一掃QR code
- 支付寶HK轉帳至銀行戶口
- 支付寶HK申請開戶 (戶口申請/操作問題可以睇呢部份)
- 支付寶HK身份認證
- 支付寶HK加入信用卡
chok分以外:最新折扣/優惠→ Alipay HK支付寶HK優惠
支付寶HK 繳費(水電煤/差餉/管理費/電話費等)賺回贈 步驟及圖解
Alipay HK 可以交到嘅生活費用算多，有水電煤、差餉、石油氣費、管理費、電話費、寬頻、指定收費電視、指定機構學費、政府賬單同指定迷你倉等等。 不過Alipay HK 更新左生活繳費賬單手續費(適用於用信用卡交水電煤、差餉、石油氣費、管理費同政府賬單)，2022年1月4日起，用中銀信用卡或渣打Q Credit Card直接繳費免手續費，其他信用卡要set自動付款，否則收2.5%手續費。
另外，用Ant Bank PayLater的話可以有3個月免息分期同埋高達2%回贈！AlipayHK而家玩個叫 A. Point嘅回饋機制，而付款方法用Ant Bank PayLater更加係有2x A. Point。但留意A. Point直接扣金額係1000=$1啫係得0.1%唔太抵，但可留意下Alipay都幾多券可換，比率低至100=$1，如果用呢條數計啫係用Ant Bank PayLater交稅會有2%回贈咁就幾好，最緊要仲有得免費3個月分期留啲錢當賺息都好。
依家最抵係用建行京東卡set自動付款有4%回贈。所以建議用Alipay HK綁定建行京東卡set自動付款交中電、港燈電費，如果你哋用嘅手提電話公司/屋苑管理公司都可以set自動付款就用埋。留意京東卡4%有上限(每曆年首$14.2萬)。其他卡嘅分/回贈可以睇下面支付寶HK 信用卡 積分/里數/現金回贈列表 Alipay HK
- 步驟1:去首頁→繳費服務
- 步驟2: 選擇繳費類別(如首次使用，要先連給賬單)
- 中電/港燈: 可以set自動付款 (4%)
- 水費/差餉: 掃QR code 直接繳費 (4%-2.5%)***
- 煤氣: 賬單直接繳費 (4%-2.5%)***
- 管理費: 部分商戶可以set自動付款(4%)***
- 電話費：賬單直接繳費 (4%)
- 收費電視：指定商戶賬單直接繳費 (4%)
- set自動付款 (商戶列表→選擇服務類別→選擇商戶e.g.港燈→輸入賬單號碼及賬戶註冊姓名，連給賬單後，啟動自動付款)
***想睇埋其他電子錢包(Wechap Pay/雲閃付App)繳費更多賺積分/回贈嘅攻略，可以睇呢度→【信用卡繳費】積分攻略教學
支付寶HK 信用卡 積分/里數/現金回贈列表 Alipay HK
支付寶Alipay信用卡記得主要分為兩大類交易：
- 付款，付款包括去食飯俾錢及信用卡繳費，個上限唔似轉賬限額咁少。多數銀行都會俾分，所以如果轉到用Alipay繳費的話用Alipay一般的積分或回贈會多啲
- 轉賬，每月限額得HK$1,000，銀行未必俾分，穩陣的話Citi同DBS都係長期有俾分
以下為各銀行Visa/Master信用卡用Alipay HK的積分回贈(未必update，請以個人實測為準)
| Credit_Cards 信用卡 | Cash | AM |
|---|---|---|
| 渣打Cathay | - | 6 轉賬無 付款有 |
| Simply Cash | 1.5% 轉賬無 付款有 | - |
| Citi Prestige | - | 6 |
| Citi PM | - | 8 |
| Citi Rewards | - | 15 |
| Citi Cash Back | 1% | - |
| Citi 八達通 | 0.5% | - |
| DBS Black | - | 6 |
| DBS Eminent | 1% | - |
| DBS Compass Visa | 0.4% | - |
| 東亞Flyer | - | 5 (不穩定) |
| AE Explorer | - | - |
| AE白金卡 | - | - |
| AE白金信用卡 | - | - |
| HSBC卡 | - | - |
| 恒生enJoy | 0.5% | - |
| 恒生MPOWER | 0.4% | - |
| 建行京東卡 | 4% | - |
支付寶HK 收款/付款/轉帳 掃一掃QR code
支付寶香港 信用卡chok里數/現金回贈注意：
- 首先你要有個支付寶HK App (香港同大陸既支付寶係唔同App嚟架！)
- iPhone用戶→ Download
- Android用戶→ Download
- 注意！搵個信得過既人，需要2人合作先可以透過信用卡作為轉帳，從而有信用卡積分/里數/現金回贈而唔當作現金透支
- 一個ID只認證到一個戶口，而轉賬去返銀行戶口需要對個戶口名
- 睇上面個table用一張有積分既信用卡
- 中級認証每曆月上限$1,000 QR Code掃一掃轉賬免手續費
用電郵/電話號碼作轉賬：
- 按轉賬，輸入電話號碼/電郵，找到收款人就可以轉賬
- 每月上限同QR code付款共用，都係每月首$1,000免手續費
- 實測過同樣有積分
QR code收款
- 呢部份分為收款人同埋付款人，要2個人合作先chok到分(QR code掃一掃收款唔同充值)
- 付款人要「掃一掃」收款人既QR code，咁就可以透過已登記的信用卡轉帳俾收款人，同時付款人會有信用卡積分
- 步驟1: 收款人按「收款」→收款人的QR code就會出現
- 步驟2: 付款人按「掃一掃」→對住收款人的QR code
- 步驟3: 轉賬的頁面會出現，跟住以下圖解步驟做付款人就會有信用卡積分
- 重覆以上3個步驟，每月互過$1,000互不拖欠而大家都會賺到信用卡積分
(2021年4月30日Update) 6月份起高級賬戶轉賬限額由HK$2,000 > HK$1,000
由2021年6月1日起，轉賬及利是功能的信用卡每月免手續費轉賬限額將有所調整(Visa/MasterCard，僅限本地發行)。
- 未認證用戶的免手續費限額為HKD500
- 中級認證的免手續費限額為HKD1,000
- 高級認證的免手續費限額為HKD1,000。
超出免手續費限額後，中銀信用卡設1.5%手續費，其他信用卡設3%手續費。
支付寶HK 轉帳至銀行 步驟及圖解
- 要做咗身份認証，到中級認證先可以轉帳至銀行
- 轉帳至銀行必需要對名
- 步驟1: 底部「我的」→「餘額增值」→「兌現」
- 步驟2: 輸入金額，入戶口資料，輸入「支付密碼」
- 約四個工作天銀行戶口會收到錢(支付寶HK話既，有時可能遲)
- 可應用→轉數快做轉賬至銀行戶口，不會扣每年$10萬收款上限但留意有轉賬上限(→轉數快教學)
支付寶HK 開戶 (註册申請程序步驟及圖解)
- Download App→ iPhone/Android
- 登入支付寶HK，如果已有淘寶account可以用返嚟入，不過你要記得個支付密碼
- 未有淘寶account就用「其他登入方式」→「註册」再按以下圖解一步步做
- (重要！)一定要記得你個支付密碼
支付寶HK 身份認證(步驟及注意事項圖解)
- 未認證戶口唔可以將錢轉去銀行戶口，所以要chok分就要認証
- 去「我的」→「身份認證」
- 需要upload身份證，同埋到時轉去個銀行戶口要對名的，注意選擇新/舊智能身份證
- 身份証用電話相機影都得，注意選擇新/舊智能身份證
- 七個工作天左右會認証完成
Alipay HK 加入信用卡
- 支付寶HK上限可以入5張信用卡(編輯移除後可再加)
- 去「我的」→「信用卡管理」就可以加入信用卡(Visa/Master)
支付寶HK賺回贈/積分/里數攻略+教學快速索引(按入向下彈)
- 支付寶HK繳費賺回贈
- 支付寶HK信用卡積分表格
- 支付寶HK收款/付款/轉帳 掃一掃QR code
- 支付寶HK轉帳至銀行戶口
- 支付寶HK申請開戶 (戶口申請/操作問題可以由呢部份向下睇返)
- 支付寶HK身份認證
- 支付寶HK加入信用卡
chok分以外:最新折扣/優惠→ Alipay HK支付寶HK優惠
支付寶HK信用卡 積分/里數/現金回贈FAQ
支付寶Alipay HK用信用卡轉賬及派利是有手續費嗎？
- 答：由2021年6月1日起，支付寶Alipay HK未認證用戶的免手續費限額為HKD500，中級認證的免手續費限額為HKD1,000，高級認證的免手續費限額為HKD1,000。超出免手續費限額後，中銀信用卡設1.5%手續費，其他信用卡設3%手續費。
所有信用卡都可以綁定支付寶Alipay HK嗎？
- 答：支付寶Alipay HK可以綁定所有地區發行嘅Visa和MasterCard信用卡，但是由中銀發行的信用卡就只限於香港地區發行的信用卡。
支付寶Alipay HK可以綁定多少張信用卡？
- 答：支付寶Alipay HK上限可以綁定5張信用卡(編輯移除後可再加)。
支付寶Alipay HK主要有什麼功能？
- 答：支付寶Alipay HK可用於轉賬(p2p)、線上線下商戶支付和繳費。
支付寶Alipay HK信用卡繳費有積分/現金回贈/里數嗎？
- 答：有。但不同信用卡有不同policy，可以參考上面支付寶HK信用卡積分表格。
支付寶Alipay HK可以無成本賺信用卡繳費有積分/現金回贈/里數嗎？
- 答：可以，但需要用一張綁定支付寶Alipay HK轉賬可以計積分/回贈的信用卡，2個人互相轉賬。每月首HK$1,000免手續費轉賬。但不同信用卡有不同policy，會不定期更改，最好先打電話同銀行確認。
相關文章:
【PayMe信用卡攻略】PayMe優惠合集｜吃喝玩樂樣樣齊！| chok里數積分回贈賺機票教學 | 信用卡積分比較表2023 1.5% 用滙豐信用卡增值提升至HK$3,000
Asia Miles兌換手續費/轉換時間/兌換方法 (Points to Miles比率)
商戶註册收款地列表 CBF | 以港幣支付海外商戶手續費CBF(唔係DCC)
【HSBC信用卡批核】滙豐信用卡唔批？同你睇睇4大原因！
![【信銀國際Motion信用卡】大額外幣簽賬必備！海外及外幣網購6%簽賬回贈+迎新首3個月簽賬10%現金回贈+經里先生成功申請額外HK$300超市現金券! [year]年網購及餐飲必備卡](https://www.mrmiles.hk/wp-content/uploads/2023/07/Citic-motion-mrm-aug-300x200.jpg "【信銀國際Motion信用卡】大額外幣簽賬必備！海外及外幣網購6%簽賬回贈+迎新首3個月簽賬10%現金回贈+經里先生成功申請額外HK$300超市現金券! [year]年網購及餐飲必備卡")
【信銀國際Motion信用卡】大額外幣簽賬必備！海外及外幣網購6%簽賬回贈+迎新首3個月簽賬10%現金回贈+經里先生成功申請額外HK$300超市現金券! 2023年網購及餐飲必備卡
![【串流平台信用卡優惠[year]】[mn]月更新！香港Netflix、Apple TV+、Amazon Prime、Disney+、Spotify等等串流平台優惠合集！一文睇盡各大平台每月收費、裝置上限及信用卡優惠！](https://www.mrmiles.hk/wp-content/uploads/2022/03/串流平台-信用卡-優惠合集-netflix-spotify-300x200.jpg "【串流平台信用卡優惠[year]】[mn]月更新！香港Netflix、Apple TV+、Amazon Prime、Disney+、Spotify等等串流平台優惠合集！一文睇盡各大平台每月收費、裝置上限及信用卡優惠！")
【串流平台信用卡優惠2023】10月更新！香港Netflix、Apple TV+、Amazon Prime、Disney+、Spotify等等串流平台優惠合集！一文睇盡各大平台每月收費、裝置上限及信用卡優惠！
里先生, 我每個月都有三四萬蚊電費加煤氣費要交
如果用HK Alipay 交費, 邊張咭拎到最多現金回贈 ?
謝謝指教
渣打simply cash
用中銀 大灣區鑽石卡喺Alipay買野有冇4%回贈？
不如試下
里先生，
想請問建行eye的新舊條款點樣區分？ 係黎緊所有eye card alipay都轉做$15/里，定係新近申請ge eye card先係$15/里，舊申請照樣$3/里？
我最近都無update,當晒佢$15/里
你自己試一試吧
里先生, 因為有D信用卡唔同消費是唔同里數或回贈, 好像餐廳, 網購, 電子貨幣 等
咁有個問題, 如果用
1, 係餐廳 用 AliPay/wechat pay 等找數, 算是 食市還是 電子貨幣 ??
2, 用手機APP/ 網上 購買 餐廳現金卷, 咁又算是 網購還是 電子貨幣 ??
3, OEPAY 同八達通 係餐廳 “0都”, 就最簡單理解為 八達通消費 ?
1. 唔肯定，我所知大部份認唔到作餐廳
2. 手機app網上直信用卡就多數當網上，但非100%，都視乎商戶。電子錢包付款不肯定當咩，無通例
3. 八達通recharge時當作八達通自動增值
延伸問題,
1, 係餐廳 用 Google pay/ Apple pay 等找數, 就算是 食市 ??
2. 咁用 Google pay/ Apple pay 呢類, 又會唔會當成 PayWave 果類 ?? 因為如用 建行eye, PayWave 果類是有特別回贈
先感謝里先生回覆, 謝謝
1. 唔肯定
2. Eye的Apple pay都當paywave
宜家用中銀雙幣鑽石卡(大灣區一卡通)alipay轉帳仲計唔計4%現金回贈?
我今個月回贈得$42 唔知有冇計到 明明成日轉帳比同事= =
無試
唔知
如果用支付寶消費（如淘寶），計唔計落＄5000轉賬額?
唔計
如果未認證用戶，每月免手續費轉帳既額度有幾多錢？ 都係5000 一個月？
你不如試下
我認証咗好耐對未認證玩法已無記憶
想問用citi八達通刷alipay$1500，當唔當fulfill咗簽帳要求，搭巴士有15%回？
我理解係當，我自己無試
同埋係刷$2000
11月調到2000 姐係BOC一卡通4%最扺了？
我無用中銀玩
Alipay額度將會於11月調至$2000?
是
用中銀雙幣鑽石卡(大灣區一卡通)alipay轉帳計唔計4%現金回贈?
計
里先生，我每個月用信用卡 轉賬5000同收別人轉賬5000，今個月(9月)轉賬後就收到MESSAGE話”您年度餘額支出累計已達港幣9xxxx，當前额度上限為港幣100000.00，欲提高上限，請進行身份認證”。所以額度是 轉賬同收別人轉賬 都會在$100000中扣除嗎?
是
真消費計唔計落$100000額度?
唔計
里先生,每年$10萬收款上限
1 ) 轉賬收到錢就會扣這個每年$10萬收款上限？
2）再將錢轉回到銀行（兌現）也要扣每年$10萬收款上限？
3）是否做高級認證可以增加每年的收款上限
1.是
2.不是
3.一樣
透過信用卡增值轉賬，是否也會扣這個每年$10萬收款上限？
是
之前冇用開alipay 刷, 因為最近payme 會降低信用卡增值上限到2000. 其實刷asiamiles 既話alipay 同payme 係咪一樣? 增值完再轉返入銀行, 咁就有績分?
是，留意alipay是轉賬
我有個諗法，自己一個人都可以收款chok分，只需要有兩個手機號碼及兩部手機…
(1): 分別在兩部手機都裝支付寶HK app。要兩個手機號碼，係因為一個號碼只可註冊一個支付寶HK賬戶。兩部已裝有支付寶HK嘅手機，為方便解釋，以下稱為’手機A’及’手機B’。
(2): 兩部手機的支付寶HK賬戶，只在其中一個帳戶做身份認證 (反正一個身份證只能認證一個帳戶)。
(3): 如’手機A’的支付寶HK做了身份認證，收款chok分，便用’手機A’為收款人，’手機B’為付款人scan’手機A’的QR code。
(4): 因為就算無認證身份，每日付款上限都係$5000，所以付款方唔一定要認證，而’手機A’有身份認證，收到嘅$5000就可以轉去銀行。
用以上呢個方法，一個人都可以做收款chok分。只需買張平電話卡攞個number，有多一部手機，就唔使搵人幫忙，自己都搞得掂！
里先生，你點睇？？
我無咁玩啊
你覺得可行就一試吧
呢個應該WORK, 但留意的是 手機A 有每月每年的上限
請問如果我只玩里數，應該申請citi and dbs邊張卡最好？
Citi premiermiles http://www.mrmiles.hk/citi-pm
及 dbs black http://www.mrmiles.hk/dbs-black
請問支付寳HK如果轉賬用一張信用卡, 付款轉換另外一張信用卡, 可以嗎？
如果上述可以, 是否轉賬/付款前隨時轉換信用卡就ok? 是即時嗎？
可以，支付寶可以儲存五張信用卡，俾錢/轉賬時可隨時轉
係呀alipay俾到煤氣 呢幾個月既事 即係你知唔知咁樣當繳費定合資格交易
咦，我無試。咁應該會有分！
用Citi 八達通交煤氣費當唔當九巴15% promote的合資格交易? 有冇回贈?
點交煤氣費？
via alipay
Alipay 有得交煤氣？
用DBS black card增值ALIPAY (轉俾朋友) + 增值PAYME, 請問係咪2邊都有得儲分?? 各增值$5000, thanks
係啊
我今日打電話上DBS客服問 想知張BLACK WORLD卡用ALIPAYHK畀淘寶錢同埋平時喺門市畀錢計唔計分，個客服話所有用ALIPAYHK WECHATPAY PAYME嘅都唔會有分儲..
唔知係咪佢理解錯我意思定點 請問係唔係真㗎 到底有冇分儲到呢?
如果你唔信 其實大可以直接啲自己搵細額交易試下
我只能講條款無exclude到，按道理有分。但銀行practice可隨時改
中銀信用卡 有分嗎？
有
我而家alipay用我加自己屋企人四個戶口都linkup同一張信用咭(DBS BLACK MASTER)，每個月既第一日都會用轉賬形式一筆過過五千互換賺積分，但岩岩今日我又係咁玩，有一個acc話有異常交易，話信用咭臨時被凍結，我想問
1. 點解會咁？如果要chok分有咩方法避免？
2. 我見佢block 左我唔俾我用DBS個張咭，搞到買野付款都用唔到張咭俾錢！咁轉第二張咭可否買野付款？(p.s.我用一個acc就轉到賬，但之後用黎付款張咭又係咁既case凍結左俾唔到錢，但之後linkup第二張咭又俾到，真奇怪)
3. 我想問轉賬完後我用fps黎過數去銀行戶口，會否扣哪一個項目既上限？如我係中級認証用戶，我想問我既每樣上限為多少？
4. 轉賬上限包括埋FPS過數去銀行或兌現去銀行嗎？
好多問題，希望你能解答到我thx！
1. 唔知，可能支付寶查到
2. 睇嚟你中咗伏張dbs被支付寶封咗
3. 你轉完睇下你上限有無搞咪知
請問係支付宝用DBS black M交 3電話月費有冇積分
有
不好意思, 想double confirm一下,
因為里先生你有提及過p2p同付款分開計, 所以每個月轉比朋友5000, 收取朋友5000後, 該月仍然可以經支付寶HK用信用卡/ 餘額消費, 而不用另外收手續費
但如果只是中級驗証的用戶,
全年累積交易上限10萬是否都把付款消費和朋友轉賬(轉出及收取)分開計算? 因為這個上限的名字是”交易”上限, 好像甚麼都一起算的意思, 我想確認是否和朋友Chok 完10個月轉賬後, 便無法再用支付寶HK用信用卡/ 餘額消費
仲可以支付。你試過就知付款數另計喇
我同我老公互過, 但兩邊都用我既信用卡增值, 最後D錢再過返去我度, 入返我戶口得嗎?
( 因為佢冇信用卡 )
可以
Can 恆生 Mpower use Alipay 賺回贈?
轉賬？no
請問如只有恒生信用卡，係咪chok左alipay hk 同wechat都冇用？只有張卡本身提供的積分可落袋？
唔明，不過我唔用恒生chok
支付寶身份認證同付款信用卡及轉數快收款銀行可不可以三個都唔同人名?
我無咁玩但聽講可以，請自理被ban account風險
里先生:
如果我過左5000蚊比friend, 咁我再用Alipay比錢買野是不是當爆額要比charge?
唔係， p2p同付款分開計
請問東亞flyerworld支付寶/WeChat付款係咪$5/里？
thanks
無試到，我諗係$8/里
如果用尼做信用卡提現
用中銀卡係唔係冇上限?
提現？怎樣無上限？
支付寶每月轉賬$5000為免費轉賬上限
里先生, 請問Alipay HK, wechat pay, payme, 可以用埋同一張信用咭 (例如: DBS black)去儲積分?
謝謝
可以
里先生:
如果有兩個人是不是可以亙射兩個都chok到里數?
可以，用啱卡
你好呀，想請教一下，Alipayhk, wechatpay & payme可唔可以用A君既呢3個電子錢包，然後連結B君既信用卡，等B君可以賺取信用卡積分呢? 謝謝。
可以
(2018年10月起)可應用→轉數快做轉賬至銀行戶口，不會扣每年$10萬收款上限但留意有轉賬上限(→轉數快教學)
–>我想問
1. 你所指不會扣每年$10萬收款上限但留意有轉賬上限，收款上限同轉賬上限係啲咩黎架？
2. 用轉數快係alipay將錢過去銀行戶口，轉數快有無限每日、每個月或每年既限額？
Thx for ur reply
1. 你打開支付寶錢包入面個收款就見到
2. 唔係
想請教支付寶過數，大家一個係付款，另一個係掃一掃去收錢，但發覺係唔得。
如用轉帳嘅方法就可以，咁樣合資格賺里數嗎？
用轉賬都得
現在渣打卡是否在支付寶全部都一定無分刷了？
唔係，會時有時無
你好阿，我見你話付款同轉賬係分開計的。
咁點解我同朋友唔可以用收款同付款功能黎chok分，咁樣咪唔會限死每月5000？
付款指買野，啫code果啲..
你好, 如果我係Alipay HK用渣打simply Cash消費(e.g. 係7-11買野), 會唔會有1.5%回贈?
有
你好,，搭單問一問，咁如果我係Alipay HK用匯豐VS 消費 (e.g. 係7-11買野),，會唔會有1.6%回贈?
唔知，錢包我從來唔用hsbc
請問如果7-11 繳費用alipay 俾有無回贈? 用simply cash
7-11繳費只接受現金？
請問我可唔可以用屋企人認證咗既WECHAT帳號去綁我既信用卡過戶俾自己架
同樣~支付寶HK 同埋O!ePay 又可唔可以咁做
我所知可以，但我無咁玩
想問下咁樣玩係咪有機會俾人鎖帳號~
唔識答你
里先生，請問alipayhk升級至高級認證，全年收款及轉賬是否無限？(信用卡每月$5000轉賬零手續費除外）
不是
請問知唔知用支付寶轉數快轉錢走嘅每月/年上限有幾多呢? 唔該
我想問下信銀國際motion信用卡仲有冇2%?
唔知，我無呢張卡
年度是否1/1 至31/12？
dbs black 是否計？有冇改？thanks a lot
是，曆年計
改乜？dbs日常有分
Hi 里先生,
我今年3月才同朋友互過$5000, 但剛收到以下信息, 請問我平時用支付寶付款買嘢都計入餘額支出嗎?
支付寶HK：您年度餘額支出累計已達港幣94374.42，當前额度上限為港幣100000.00，欲提高上限，請進行身份認證【支付宝】
我試過唔計架喎
我要再留意係咪改咗
Simply Cash 係支付寶已經無回贈…. 轉左幾多1000蚊都無回贈
渣打玩支付寶一向都係時有時無
用citi/dbs la
我想請問一年嘅100,000限額係指 2018年2019年，定係雞你申請果一個月開始計布下一年過一個月謝謝
曆年，12月31日止
請問匯豐卡綁支付寶簽大家樂大快活會唔會有最紅額外 RC回饋?
我最紅自主揀哂餐飲
最近我試玩支付寶
咁我就諗用匯豐卡綁支付寶去大家樂大快活買野
會唔會有最紅額外 RC回饋?
唔肯定
我覺得認唔到，啫係無額外
而家仲work 唔work ？ 信用卡果邊會唔會唔當係合資格簽賬？ 有沒有Ching 試過邊張係唔work ?
Work
跟返上表
SC AM 我今個月連alipayhk 都冇asiamile
渣打一向時有時無
條款係寫咗無的…
想問用支付寶(連SC AM card)喺非食肆商店(eg萬寧/SaSa)付款，係計4蚊一里？
計
想問用支付寶(連左SC AM卡)比taobao/食肆, 係計4蚊一里嗎?
是
我見有d數係 ALIPAY
有d係Alipayhk 唔知會唔會有影響
另外仲想問 如果我用屋企人身分證認證左一個支付寶同payme戶口
但信用卡同收款戶口都係我個名得唔得嫁
呢張信用卡同收款戶口我都冇用過係其他支付寶/payme户口
你出單咪知
Payme可以
支付寶你試一試吧。
現在支付寶是否取消了以信用卡增值?只能用銀行戶口增值?
以上教學教緊信用卡轉賬
請問如果AB君一齊掃一掃QR code付款俾我共$10000，咁alipay會唔會收我手續費呢？
咁我又可唔可以一次過將$10000免費過返去自己銀行？
可以
唔會
收錢不會有手續費
連QR code付款都計，即係連埋平時711/百佳買野都計？咁點樣知道我自己今個月仲可以過到幾多錢係唔駛手續費？
計。付款的話我所知無上限免手續費的
里先生,
請問同一個人可否有两個支付宝户口,如果有兩張sim card,如可以，怎樣做，請賜敎,謝謝。
無咁玩 唔識答
里生，
請問我同太太二人都有支付寶戶口，如果綁定同一張信用卡(DBS Black) 的話，即一個月透過此卡chok 一萬數($5,000 x2) 是否可以？
Tks!
有被ban風險
里生，
請問我同太太二人都有支付寶戶口，如果綁定同一張信用卡(DBS Black) 的話，即一個月透過此卡chok 一萬數($5,000 x2) 是否可以？
謝謝
唔好啊
咁樣有機會被block account
請問：
（前提：A君中級認証、B君未認證）
A君透過信用卡作為轉帳每曆月上限$5,000 給B君，賺取信用卡積分
B君在支付寶分三日各轉帳$2,000、$2,000、$1,000（未認證轉帳上限每次$2,000、每日$3,000）
$5,000 盡數回到A君的支付寶，再轉帳至A君的銀行戶口
是否能做到A君每月無成本賺取【過$5,000的信用卡積分】？
我無咁玩 俾唔到意見你..
而家渣打asiamiles world MasterCard 可賺到支付寶積分嗎？
東亞Flyer world 呢？
渣打付款可以
東亞我都無試付款
我想問 Standard Chartered 和 DBS World Flyer Chok 里數, 都係不穩定, 咁相對嚟講, 邊一張會穩陣D?
Dbs ok ar
里先生，如果用支付寶交電話費，但係用citi rewards，
咁樣係計支付寶$15里定係citi 5倍積分?
無試呢個
原來渣打落左魔鬼條款
客戶明白對於以上提及之產品/服務供應商就其產品/服務所提供之功能及服務，任何因使用任何以上提及之產品/服務所導致之損失，本行毋須負上責任。產品/服務之申請及使用須受有關產品/服務供應商相應之條款及細則約束。詳情請瀏覽相關產品/服務之網頁。本行不會就有關產品/服務供應商之任何改變或最新公佈通知客戶。客戶明白及接納本行並非以上提及之產品/服務之供應商。因此，有關供應商(包括其員工或代理人)就產品/服務所提供之各方面，包括但不限於質數、供應量、產品/服務供應商之服務說明、虛假商品說明、不實的陳述、誤導、遺漏、未獲授權的陳述、不良營商手法或誘導，本行毋須負上任何責任。
如您存有信用卡/提款卡資料的行動裝置丟失或被盜，應立即致電銀行。
通過AlipayHK或WeChat Pay Hong Kong進行綁卡付款或轉賬過程中而獲取之獎賞或會因應個別商戶及電子錢包供應商之設定而有所不同
帶晒頭盔喎
本人用simple cash試過chok 同一時間2k及1k, 最後月結單只有2k當簽賬有回增, 渣打說因支付寶上code時提交不同既code比銀行, 1k是第三方轉賬不可當簽賬.
啱啱打過去問渣打萬里通客服， 佢話支付寶朋友轉帳是不計分的， 我想問你要使用什麼方法計分
都寫咗不穩定時有時無
最好唔好用渣打喇
用緊SCB AM
岩岩出左8月份月結單，發覺計黎計去個miles都有出入
支付寶上限最多玩$5000，咁我做法都係兩次$2000，一次$1000
再睇清楚啲，就算同樣都係轉帳，個商戶係有唔同
AlipayHK Hong Kong HK
ALIPAY *AlipayHK Hong Kong HK
前者(AlipayHK Hong Kong HK)係冇miles賺，
而後者(ALIPAY *AlipayHK Hong Kong HK) 就有miles賺
唔知SCB用咩準則去分
支付寶用dbs或citi啦
見月結單用alipayhk無分，所以岩岩打去dbs，佢話電子錢包無分儲
可能新改
我今個月出單先confirm到
我計喎
DBS Compass VISA
我唔係好明…
如果冇證證或只有初級認證, 係朋友(A君)對話入面, 即係p2p收款果位朋友…請問能唔能夠收款每次5000 蚊, 每月收幾次5000, 再轉番比原本果位(例如, B,C,D君) ?
謝謝
無認證轉唔到錢去銀行
你講果個方法我無咁玩答你唔到
里先生，想問我用SC simply cash登記玩payme咁佢每個月有5000上限，咁我可唔可以同時再登記埋Alipay又再玩chok回贈咁變成一個月總數chok 上限$10000? 同樣諗法可以用係DBS black到? thank you.
可以。
你張卡有分就可以用
中級認証支付寶香港於首$5,000轉帳手續費為0
每月轉帳$5000之後 如果再去商戶付款會收手續費嗎?
付款同轉賬分開計
請問 PAYME/AliPay/wechat pay 所轉金額計唔計 Citibank Rewards VISA 迎新簽帳?
計
里先生，
你的分析好詳盡，謝謝！
我想問DBS World Master 係Wechat & Alipay 有分嗎？
想確認一下，轉帳給朋友有沒有分（不用QR code）？
有
有
用登記咗的同一張信用卡，分別用payme及支付寶轉入5000元入户，會不會做成信用卡變成透支？
唔會，暫時未見到有咁既情況
轉賬過5000 ，之後轉賬要收手續費同時一年轉賬額是否仍是100000
是
我發覺收款果度有收款限額…
咁係咪姐係過左果個額就冇得玩架喇？
係
達人里先生!!
請問，如果我有2個支付寶，信用卡同銀行户口入落A支付寶,B支付寶只接收A信用卡轉賬,請問B支付寶能否轉賬存款到A支付寶戶口呢?
我只會認證身份證到A支付寶戶口。
之後A支付寶戶口可以直接將存款轉返落銀行戶口嗎？
我無咁玩，唔太肯定
Sorsor
可以，無問題
請問大新1+信用卡支付寶轉帳有多少回贈? 支付寶教學沒講
我無試呢張
大新有1% 回贈 ga~~
1)想問問用信用卡，轉賬$5000， QR code收款$5000係分開計？ 如果係一月就Chok到$10000， 是嗎？
2）想問問向多人轉賬或收款，可以儲多幾次分、對嗎？
一齊計
不，總之每月上限$5000
轉賬 同ALIPAY消費一起計５０００ＨＫＤ？
分開計
請問eye card會唔會收手續費？穩唔穩定？ 謝謝
無聽過收唔到
Eye card轉哩數有手續費 不過網上類別五倍積分 250分換一蚊 等於2%現金回贈
里先生,
請問用QR code 或信用卡轉帳給同一人, 每月互相轉5,000, 即各自都Chok 到積分或里數？
以上表圍例, 用compass visa 只有積分, 而用大新就只有av里數. 對嗎？
是
Compass visa都可換Asia miles
可否同一張simply card玩齊pay me,wechat pay, 支付寶，食哂三個account回贈？
渣打wechat無分
支付寶一時時
我用simply cash 轉帳$100 有回贈, 轉往$2000 冇回贈, 冇準則既!
有冇話幾多歲先可以認証?
要睇睇條款
里先生,請問係咪一定要用Qr code 掃Dbs black先會有積分?定用轉帳轉比朋友都會有積分?(原本餘額係冇錢既)
另外如果完成高級驗證,每個月係咪一樣都係首$5000免手續費?Thanks
轉帳都有
係 都係$5000
超過$5,000 手續費多少？
3%
里先生，我岩岩申請咗渣打AM。職員話alipay轉賬唔計迎新，但商店正常透過alipay簽賬就計。但係我試過，alipay轉賬跟正常簽賬 月結單都係顯未alipay hk… 咁其實佢地分唔分到邊筆係轉賬邊筆係簽賬？定所有alipay都唔計迎新？
佢咁講得應該有方法分
有d資料你睇月結單未必睇到但銀行知
安全原因臨時凍結， 請問你發生過未？ 幾時先可用返張卡？
我用 DBs elminent card, 頭一次 $2000，第二次$1000， 第三次就出呢句， 唔俾我再轉了
我無試過喎…你第一次玩？
我都剛剛遇到這問題，知道如何解決嗎?
我有些不清楚地方
支付寶，payme，wechat，oepay,
呢四個是否一年計，每個月chok5千就不收收續費，過左5000就收
支付寶，payme, oepay首$5000都係無手續費
支付寶，payme, oepay；過左首$5000之後收多少手續費?
請閱讀文章…
點解東亞同埋SC 用Alipay 轉帳會一時用ALIPAYHK 表示, 一時就用AlipayHK??
前者有分,後者無分
但我明明每次都係同一個方法去轉帳, 亦都有入支付密碼去比錢
到底點先會用ALIPAYHK 去表示筆數?!
無法得知，最好轉卡dbs/citi/大新
我 SC 進支詳列 “ALIPAY *AlipayHK Hong Kong HK” 就計回贈, 交易無 SMS 提示.
進支詳列 “AlipayHK Hong Kong HK” 不計回贈, 交易有 SMS 提示.
最好分開多次過數, 減少不計回贈的機會
其實根本係有bug.
我打過去 SC and Alipay, 都冇人幫到手, 大家話係對方問題…
請問而家AliPay 用Simply cash 仲有冇1.5% cash back? 有的話, 是否一定要進支詳列為“ALIPAY *AlipayHK Hong Kong HK”??
時有時無
最好用citi或dbs eminent la
請問大新BA/渣打Asiamile卡有沒有每月積分上限(by alipay)
無
但每戶口免手續費上限都係轉賬$5000
hi~ 你話同一個QR CODE上限係$5000 咁姐係如果同唔同嘅人互過, 每人唔超過$5000就可以?
唔係
我係話每個支付寶account上限每月$5000免手續費
里先生，請問渣打simply cash仍可用支付寶轉帳有現金回贈嗎？
時有時無
最好轉卡
里先生,
點解就算做左高級認證後, 收款額度都無改變(即係都係維持$100,000). 咁即係話, 係咪無得無限LOOP咁從不同支付寶戶口及不同信用卡兌現啦?
支付寶係不變
都係每月$5000
支付寶最多提現$100,000/年，姐係我用渣打卡再多係賺10萬x1.5%=$1500?
手續費1.5%？
Mr 里, 剛玩AlipayHK 儲AM 邊張卡最穩定呢?
渣打&東亞似乎時有時無…
Thx
DBS/citi/大新都未有傷亡報告
里先生, 你真係好勁呀 !!!
我想請問如果我想Asia Miles 換機票 — 香港去上海 (cx) 上海去北京 (BA) 北京返香港(cx),– 是否應該在新制前換購? 請指教
上海去北京我諗要用國航CA?
舊制出肯定3萬里出到，如果新制就唔肯定，因為要用到partner airlines未公布要幾多里數
里先生，AlipayHK -現時想取現金回贈可用邊張信用咭.thx!
Citi cash back/dbs eminent 比較穩陣
Mr. Miles，多謝你花咁多時間研究再同大家分享，好有用！
本人用 SC Asia Miles World Mastercard 你話 4月份開始時有時無，傻傻一問其實係點 Check ?
因為我見Asia Miles 個 statement 都係得：
SCB Asia Miles Card – Other Spending
SCB Asia Miles Card – Selected Spending
多謝你!
其實都係加大數估出嚟
或者detail d就打去hotline問
總之呢加支付寶最好就轉卡唔好用渣打同東亞
收到
請問是否5000上限，只計轉脹比人，唔計消費 ，同人地轉入錢比你?
唔計消費
里先生
想問用渣打AM CARD
1) 在ALIPAYHK由渣打AM CARD轉賑給朋友有分嗎?
2) 在ALIPAYHK由渣打AM CARD直接入錢到ALIPAYHK有分嗎?
3) 在ALIPAYHK錢, 可否轉回銀行儲蓄戶口?
4) 每月是不是有上限?
1. 4月份開始時有時無
2. 沒有
3. 可以，認證賬戶後
4. $5000由信用卡轉帳至alipay沒有手續費
Thanks Mr Miles ~ 如果用DBS Black Mastercard 有沒有分?
有
我想問，你地係用 “QR code” 定用”轉賬” 係俾錢朋友? 因為我都問過 SC 細階有里數，大階無里數 @@
我都發現轉帳時有時無. 我打左去hotline 問:
如果張單係 “ALIPAYHK” 就有分, 4蚊一里
如果張單係 “AlipayHK” 就無分
Hotline 話 “AlipayHK” 係做 top up 所以無分
不過我全部做轉帳都係時有時無.
唔知關唔關iphone / android 事因為有時 iphone 過錢時唔洗收 SMS.
轉dbs/citi先穩陣d
請問里先生，東亞world flyer是否5月開始唔分計呢?
時有時無
Hello Mr.Miles,
For non 「中級認證」user, they can only handle amount $3,000/per month, so, what the MAX handling amount per year?
Thanks
But you are not able to transfer money to the bank
渣打Simply Cash 今個月出咗statement!! Total 轉賬咗5000, 其中$1000 冇計回贈, $4000 又有計 好奇怪, 有冇人有同樣的情況……(頭先仲烚吓烚吓打去CS度問先發現轉賬唔計, 佢會唔會扣返我回贈ga TwT..)
綜合近來支付寶HK各人經費，d transactions係時計時唔計
無錯
我用World miles 都有呢個情況
我有3000蚊冇計到….
剛剛收到月結單
有啲計有啲唔計
不過, 發現到
ALIPAYHK HONG KONG HK -> 計 (大楷)
AlipayHK Hong Kong HK -> 唔計(細楷)
請問師兄點check到邊D計邊D唔計？ thanks
打左去渣打CS問
佢回覆冇計果d係佢地system入面
係見到直接用信用卡增值Alipay，而唔係轉帳
轉帳仍然屬於網上交易，有$4/miles
至於點解當左直接充值而唔係轉帳，就要問返Alipay
===
ALIPAYHK HONG KONG HK -> 計 (大楷)
AlipayHK Hong Kong HK -> 唔計(細楷)
btw, 我都係類似結果.
東亞Flyer.. for Alipay? Anyone successful get the mileages?
最近時有時無
里先生, 請問每月互過$5,000係計月份定計入數後計一個月? 例如今天過是否可以儲4月份積分, 過多2日再過$5,000再儲5月積分可以嗎? 謝謝!
係, 按曆月計的
里先生你好，請問大新BA卡在生日那天用AlipayHK,Wechat pay 會否有雙倍積分,thx
有
里先生, 想問每月互過$5,000互不拖欠而大家都會賺到信用卡積分, 即意思是否可以同日我過完比朋友, 而朋友再過返$5000比我可以嗎? 大家都有積分嗎? 謝謝!
是的
我今個月轉賬了$3000
但渣打不計里數
出了單啦？
same here, just got the statement. 渣打不計里數
我也收到月單, 其中轉帳既16/5有計, 29/5 30/5的沒計. 而消費QR CODE既全都有計
里先生，想問下呢個係唔係計網上簽帳？知唔知大新網上簽帳8%回贈適唔適用？
要試 先前個網上promotion計
How to use credit card to top up Alipay HK account? Or can only use credit card when purchasing/transferring funds p2p?
Use alipay to transfer and then you will get the points
里先生，想問如果我用渣打卡增值AlipayHK，是否有里數? 之後再把增值的錢入回戶口是否可以?
增值根據條款無，要轉帳
里先生，
請問支付寶中級轉脹和QR CODE過數到銀行，總數都是$5000免收費嗎？定係五張信用咭，每張$5000過數到銀行嗎？
謝謝
每個account上限$5000 per month without charge
我找了很久，都見唔到$5000以上有手續費。佢話$0, 無提過上限。我試過$5005都唔見有話要收手續費。
去到銀行收到條數先見到？
你試下每月夠$5000後再過，轉賬過程中會見到
你好，我上網見到，應該係
1) 由支付寶轉帳去戶口，每月>$5,000都不用收手續費
2) 由戶口轉帳去支付寶，每月>$5,000就要收手續費
唔知有無理解錯?
信用卡轉賬俾朋友每月首$5000無手續費
里先生，我想問下點計到Alipay 用BEA flyer world，計唔計迎新?
都係試少少做完條交易再打上去問計唔計
你好，我有渣打信用卡，如果用”網上銀行轉賬增值”增錢去自己account可唔可以都chock 到里數既呢??
唔得
里先生
我已上《高級認證》
但轉帳都係十萬 冇多
係…無多到
唔認証可以每月轉3000？咁我可以每月由支付寶駁的信用卡轉3000俾朋友A，朋友A有認証的可以入番自己入口後俾番cash 我？但朋友A由佢自己支付寶入番去自己戶口，有每月限額嗎？
唔認証轉唔到錢去戶口
我無點研究唔認証點玩啊
hello 里先生
想請問用”轉賬”同”掃一掃收款”係咪一用chok到分?
轉帳仲要試啊，我facebook有寫
想問下係唔係二個一樣chock到分/錢？tks!
唔係好明你問題
姐係想問下試到”轉帳”係咪一樣chok到分未 (因之前係用掃barcode方法)？tks
yes
Hello達人里先生
想問E家個app新增左個制係轉脹制用電話號碼search收款人，呢個同用QR code付款有冇分別？
都可以chok SC AM里數?
另外如果過左高級認證係每日可以chok$5000？咁一個月有$150000？
我facebook寫咗
http://www.facebook.com/MrMiles.hk/
里先生你好
請問可以轉錢入聯名戶口嗎？
謝謝
我無試過啊，話唔到俾你知唔好意思
達人里生!!!
請問知唔知係每月邊日開始又可以chok?
每曆月$5000上限
謝謝你! 高級認證 ,可以儲更多?
都係$5000，唔夠時再upgrade
達人里先生!!
想問下, 如果我有兩部電話, 有兩張信用卡, 每部各記錄1張. 但銀行戶口只得1個, 想問下能否兩部電話都save同一個存款戶口架?
銀行戶口要對名
里先生，中銀信用卡有冇積分？我見佢綁定支付寶HK 有$50 淘寶回贈。
有。照綁先，我都有綁不過無用中銀玩
你好呀, 我想問下
我想用支付寶交港燈電費, 咁我應該用渣打充值定係新增DBS black card付款先可以有分?
另外, 我唔係好明我係e-banking係充值定轉賬去支付寶? 有無分?唔識睇
唔該晒
用渣打係支付寶app內付款就有分
e-bnaking過錢去支付寶account係充值, 你搵朋友用信用卡QR code掃一掃收款就係轉賬
里先生，If I use the ANA Mastercard from Dah Sing for Alipay, would I still earn the points? Thanks!
I did not try but i guess it works as the term of Dah Sing ANA card is same as Dah Sing BA card
里先生，我想問下點計到Alipay 用BEA flyer world 有$5一分？我剛剛過左$5000但BEA累計bonus point 只是多左5000 分，即是$8一分？
餘下的3,000分會於下個月結單存入, 你可睇睇如果無啫係無咗, 我都試緊, 隨時會改的
Thanks!
兌現到戶口一星期都未收到
支付寶係慢
今天打電話去支付寶佢話5天就應該收到錢（不計6,日)
ching 宜家D錢到了嗎？
到了 剛剛4天 （可以放心用）
thx for your answer !!!!
可否一人兩部電話兩個alipayhk account互轉?
我未試過
Hi 里先生,
我見個APP入面寫認證後交易年限額係$100,000, 收款年限額都係$100,000
係咪收款同我自己轉賬個限額係分開計? 即係我可以每年轉賬$100,000俾朋友, 同時每年可以接收朋友轉賬俾我$100,000?
我今日係個APP到噤”收款”, 發現我個可收款限額得返$85,000, 但係我只係收過朋友過俾我$5,000, 係咪我自己用信卡轉賬俾朋友d錢都會扣”可收款限額”?
我唔肯定。但真係玩爆咗交易額你可以上埋高級認証咁就得，重點每月首$5000轉帳免手續費
中級認証支付寶HK於首$5,000轉帳手續費為0
之後做支付要手續費嗎？
無試喎haha我多數只用作轉帳, 試完update
要，1.5%
16/2 提現$5000×2, 到而家銀行都未見到數
支付寶係好L慢
小斯, 點解你個表寫 建行HX 卡就$2/里; eye於就$3/里? 真係?
咦, David兄, 你好似禁錯制喎haha
我打錯名姐….sorry haha
笑左 XD
嚴格嚟講小斯你都係里數先生 lol，所以David兄可以叫你里先生但佢係到搵小斯就….hahaha
請問每月$5000 上限計唔計實體商戶消費/淘寶?
唔confirm. App入面寫中級賬戶年交易額$100,000. 每日”轉賬”上限$5000, 所以我覺得爆咗$5,000都仲可以實體商戶消費/淘寶
里先生, 我想問清楚
“中級認証每曆月上限$5,000 QR Code掃一掃轉賬免手續費”
這$5000是付款給收款人的?還是轉賬給銀行的?”免手續費”
謝謝
付款給收款人
里先生,你好
我做認証時,輸入好多次身份証號碼都未能提交認証
請問何解?
謝謝
喔, 你影咗ID未? 要upload埋ID，再唔得你試下logout再login
都係唔得試咗加入信用卡先
唔該你,試下先
渣打係無積分？https://www.sc.com/hk/zh/promotions/alipay-cashback/
以上所講係轉帳, 你條link講緊充值
Hi，里先生，
請問主卡同付屬卡都咁整嘅話係咪主卡變咗有雙倍積分？謝謝
無個account上限都係$5000而無手續費
付屬卡用佢自己ALIPAY acc 轉賬去主卡ALIPAY ACC 係唔係都有 $5000免手續費,同有分?
我無試過用附屬卡轉唔肯定, 正路轉到就有分
解說詳細, 謝謝你!
差WECHAT咋, 非常期待繼續更新
Wechat寫緊啦…暫時只有表睇
http://www.mrmiles.hk/wechat-pay
里先生，AlipayHK 是否一定需要另一人互相轉帳才可有信用卡積分？可否用信用卡到商戶門店增值，然後再轉入銀行戶口？這樣不可以嗎？謝謝
我無試, 但信用卡應該做唔到信用卡增值吧..所以無積分