我在2026年儲的積分會怎樣計算？會浪費嗎？

2026年是關鍵的過渡年，你儲的積分絕對不會浪費，而且有「一分兩用」的效果。首先，2026年內升級/保級仍然沿用舊制。但同時，國泰會統計你2026年全年（1月1日至12月31日）累積的總積分，用來決定你2027年整個年度的會籍級別。

8 1 月 2026
2:15 下午

【國泰會員】會籍積分Status Points全攻略！2027改制5大更新+2026銜接安排兩大著數位！一篇文睇曬現有福利及金卡鑽石卡攻略

對於經常出遊的香港人來說，「國泰會員」計劃絕對唔陌生，未改名前叫馬可孛羅會(Marco Polo Club)，但係幾年前國泰rebrand咗做Cathay之後已經直接叫「國泰會員」or「Cathay Membership」。

國泰會員計劃和「亞洲萬里通」里數是不同的，國泰會員的會籍級別取決於「會籍積分Status Points」，升級後可享用排快隊/國泰機場貴賓室等專屬禮遇，而亞洲萬里通里數就係我哋平時用Asia Miles信用卡儲里數，可用於Asia Miles兌換機票、升艙或生活品味獎勵等。

國泰喺2025年10月15日宣布，將於 2027年1月1日全面更新其會員計劃，目標係令成個體驗「更順暢、更簡單、更優越」。有跟開嘅讀者都知我2024年2月萬豪Marriott Bonvoy 會籍匹配咗國泰銀卡，之後一路都有玩升國泰金卡，其實都努力緊升國泰鑽石卡Diamond，所以今次嘅改動可以話對我有直接嘅影響。我了解完成個改動，覺得整體嚟講都真係簡單咗，對我個人嚟講個改動都係好處多於壞處。

國泰會員五大核心改動+兩大銜接安排得益位

係呢個幾兩個月嚟大家都有唔同意見，啱啱國泰新出咗通知同短片去講解個2026年過渡安排同埋2027新玩法，我都同大家再次拆解一下。以下係一篇由全面分析，包括2026過渡安排，2025年現制及2027新制嘅長文嚟，如果無太多時間睇可以注意以下幾點：

必要知2027年國泰會員5大核心改動(2027 Change)

升級積分不清零(No Reset)
統一會籍年度(Calendar year)
積分續存 (Rollover)
新增「鑽石行政卡」(Diamond Exec)
鑽石卡會籍可儲備(Diamond Membership Reserve)

兩大銜接安排得益位(2026 Transition)

2026積分「一分兩用」兼享雙重禮遇：2026年賺取嘅每一分，既可用於當下保級/升級(賺取現制的Mid-status benefits)，同時全數計入2027年等級，變相一份努力兩份收穫
過渡期即啟動新制獎賞(Rollover+升艙券)：新制度下嘅「積分續存」 (Rollover) 及「升艙禮遇」 (Upgrade Pass) 都會用2026年嘅 Status Points 去計。累積滿600分，多咗嘅分即可帶落下年；滿1,200分或以上送2張 Upgrade Pass；滿2,400分或以上送4張 Upgrade Pass 俾你體驗國泰頭等以及送1張免費金卡俾你同親友分享會籍禮遇

2027國泰會員改制變動非常大，可以話係徹底改變咗大家儲會籍積分（Status Points）嘅玩法。為咗令大家更全面理解，以下呢篇文章會講最貼切要知道嘅2026年過渡安排，再帶大家快速回顧一下現時「國泰會員」嘅基本概念，然後再剖析即將來臨嘅重大革新。作為受到直接影響嘅其中一人，我整合咗第一手資料做個最詳盡嘅分析。無論你係準備入門嘅新手定係資深玩家，呢篇文章都絕對關你事！

銜接安排：2026年「過渡期」攻略與注意事項

新制要到2027年先正式實行，咁中間嘅2026年點算？呢一年非常關鍵，可以話係一個「雙重賺」嘅機會，唔單止賺到更長時間嘅金卡或鑽石卡會籍，更可以賺多次現制Mid-status benefits，2026年續存積分已啟用仲可以贏在起跑線！

⚠️ 重要澄清：會籍有效期與網傳誤解

在深入講攻略前，有幾點關於日期的安排必須要釐清，以免大家誤會：

沒有自動延期： 你現時的會籍級別只會有效至賬戶顯示的到期日，並沒有網民誤傳的「無條件自動延續會籍」安排。千祈唔好以為唔洗飛就可以延續！
2026統一截數： 在 2026 年期間，任何會籍級別的延續或變更，新的會籍有效期將維持至 2026年12月31日。這是為了配合 2027 年轉用曆年制（Calendar Year）的必要安排。
2027級別定奪： 你的 2027 年會籍級別（以及能否拿到 Rollover 積分），將完全根據你於 2026年1月1日至12月31日期間所累積的會籍積分總數而定。

2026年嘅遊戲規則：一分兩用 + 額外獎賞

需要特別強調，而國泰係Newsletter上面都有同大家講2026年有「雙重計算 (Double Benefit)」嘅玩法。即係話你在2026年賺取的每一個會籍積分，會同時計算在兩個地方：

用於2026年當下的會籍： 按照現制，累積到足夠積分即時升級或續會（當然，升級後積分會重置）。而且喺2026年期間，你依然享有現行嘅「會籍級別間禮遇 (Mid-status benefits)」，即係話成功於2026年儲夠積分，送嘅Lounge Pass或者升艙券依然有得拎
用於決定2027年嘅會籍： 國泰會同時統計你2026年全年（1月1日至12月31日）累積嘅總積分，直接決定你2027年1月1日開始嘅會籍級別。啫係好似我下面新制不再Reset積分部份列出我的情況：我的鑽石卡會籍會長咗，如果以現制玩法，我成功於2026年得到Diamond只能保留到2027年2月，但係新制下我可以玩足2027全年！

國泰會員2026年衝夠分2027年都有獎賞

除咗以上所講嘅2026年過渡期有現行Mid-status benefits之外，正因為2026賺取的積分決定2027會籍，變相賺埋以下禮遇：

累積滿 600分： 即時啟動新制的「積分續存 (Rollover)」功能，多出嘅分可以帶落2027年用
累積滿 1,200分 (鑽石)： 2027年額外獲贈 2張客艙升級禮遇 (最高至商務客艙)
累積滿 2,400分 (鑽石行政)： 2027年額外獲贈 4張客艙升級禮遇 (最高至頭等客艙) 及 1個金卡提名會籍

【新功能】官網可Check 2027年進度

為了讓大家更清楚自己「雙重計算」的狀況，我見到國泰官網最近推出了新功能。會員現可登入官網查閱你的「2027年會籍級別進程」，掌握自己在 2026 年累積會籍積分的進度。

💡 里先生攻略： 記住，你在 2026 年期間賺取的每一個會籍積分均可獲多重計算。看著進度條(Progress Bar)，你不單是在保現在的級別，更是在為 2027 年的開局（包括 Rollover 積分和升艙券）打底，記得善用這個Dashboard賺盡會籍積分優勢！

官網詳情：按此

里先生的國泰鑽石卡攻略：

全力衝刺2026年1-2月： 由於2026年嘅積分有「一分兩用」嘅效果，我會集中安排係呢兩個月飛。
有渣打國泰Mastercard的話，2026年1-3月嘅消費刷卡賺取Status Points會係2026年6月入賬，可以幫到2026及2027年保級，每簽賬滿HK$100,000可獲20會籍積分。如果打算用呢個方法儲Status Points就要留意返status points入賬日期同埋每年簽賬上限。

如何最大化收益 (Maximise the gains)：

相信有部分會員擔心，原有會籍統一在2026年12月31日完結會籍，會令原本會籍有效期去到2027年中嘅人「蝕咗幾個月」。但換個角度睇，雖然有效期劃一咗，但有機會透過上述提到的「積分續存 (Rollover)」同埋額外送嘅「升艙禮遇」去補償返。如果係活躍會員，可以理解為賺取了未來的福利，而且係2027年起步得更快。再者，國泰係2025年10月中已經公布咗2027年嘅安排，話晒有成15個月做準備仲有得食「雙重計算 (Double Benefit)」，安排得好啲的話賺到嘅會cover到所謂嘅「蝕咗幾個月」。

基礎篇：先認識現時嘅「國泰會員」等級與福利

要明白未來嘅改變，首先要了解家陣嘅玩法。簡單嚟講，只要你申請一個Asia Miles（亞洲萬里通）戶口，你就自動免費成為最基本嘅國泰綠卡會員。之後，你就可以透過唔同途徑(主要係課金搭CX或oneworld)去賺取「會籍積分Status Points」，從而升級到更高嘅會籍級別。留意返用里數換機票係無Status Points的，但係買機後再用Asia Miles Upgrade都仲會賺到原有買機票嘅status points。

國泰會員等級(Tiers)與升級要求

2025-2026國泰會員主要分為四個等級(Tiers)，愈高級別，福利愈多。最高級嘅鑽石卡會員甚至可以享用頭等貴賓室，同埋優先兌換演唱會門票等活動。

會員等級	國泰綠卡 (Green)	國泰銀卡 (Silver)	國泰金卡 (Gold)	國泰鑽石卡 (Diamond)
升級/保級所需積分	–	300積分	600積分	1,200積分
會籍有效期	永久	12個月	12個月	12個月
核心飛行禮遇	優先網上預辦登機	享用商務貴賓室商務艙櫃位登機優先處理行李	享用國泰商務貴賓室 (可帶一位同行)	享用國泰頭等貴賓室 (可帶兩位同行) 頭等艙櫃位登機

升級到銀卡坐國泰果陣入到國泰營運的機場貴賓室，如國泰玉衡堂The Pier//玲瓏堂 The Deck//The Wing 寰宇堂//The Bridge 逸連堂。記得信用卡入免費機場Lounge同國泰Lounge差別好大架，國泰機場貴賓室可用使用券但無得就咁用信用卡入。

詳情可以睇返：https://www.cathaypacific.com/cx/zh_HK/membership/benefits.html

點樣賺取會籍積分？

乘搭航班：最直接嘅方法，乘搭國泰航空或「寰宇一家」聯盟航空嘅航班，艙位愈高、航程愈長，賺到嘅積分就愈多。
信用卡簽賬：使用渣打國泰Mastercard作日常消費，簽賬賺會籍積分Status Points，每簽賬滿HK$100,000可獲20會籍積分。如果打算用呢個方法儲Status Points就要留意返status points入賬日期同埋每年簽賬上限。

渣打國泰萬事達卡

HK$9.6萬最低年薪要求

HK$6/里一般本地簽賬里數回贈

HK$4/里外幣簽賬里數回贈

迎新優惠：2026年1月16日至31日經里先生指定連結申請，新客免簽賬送5,000里！ 迎新里數+登記優惠可賺高達47,500里數！ 基本迎新：現有客戶免簽賬都有5,000里！

🎁迎新禮遇

渣打國泰Mastercard今期繼續有大額里數迎新！新客免簽賬送5,000里！由2026年1月16日至31日期間，全新信用卡客戶*經里先生指定連結申請渣打國泰Mastercard及登記優惠可賺高達127,500里數！夠你換套business來回飛轉悉尼，或雙人飛日韓都無難度啊！

A. 渣打信用卡全新客戶迎新

優惠期：2026年1月16日至1月31日期間
全新信用卡客戶*一定要經里先生指定連結申請渣打國泰Mastercard(綠卡)：MrMiles.hk/cathay-card-apply
成功批卡後，新客免簽賬先送5,000里數！
成功批卡後首兩個月內，簽滿指定金額可以賺以下迎新里數：
- 簽HK$5,000：賺10,000里數(HK$0.5=1里)
- 簽HK$40,000：賺20,000里數(HK$2=1里)
- 簽HK$110,000：賺40,000里數(HK$2.75=1里)
加總以上，全新信用卡客戶*於迎新期內成功批卡+簽滿指定金額，可賺高達45,000里數！
【另加推限時優惠】即日起至2026年2月26日，渣打國泰Mastercard®客戶成功於渣打推廣專頁登記，並以港幣除外之貨幣累積合資格海外簽賬HK$10,000或以上，可賺取額外2,500里數獎賞！只適用於首30,000名成功登記之客戶，額滿即止。詳情可睇返 MrMiles.hk/scb-overseas/

基本里數同埋近新里數存入時間有啲唔同，詳情睇返渣打Asia Miles迎新攻略。

額外里數將會於信用卡獲發出後5個月內加入指定的國泰會員賬戶內。
國泰新會員登記：MrMiles.hk/new-am（做咗會員先申請到渣打國泰卡）

B. 渣打信用卡現有客戶：

免簽賬迎新：開卡送5,000里數！

申請連結：MrMiles.hk/cathay-card-apply

(全新信用卡客戶*經里先生指定連結申請渣打國泰Mastercard及登記優惠賺高達127,500里數！如果用iPhone/Mac的話會有Adblock，請你改返啲Setting再申請：MrMiles.hk/adblock/)

✅優點

首年免年費
簽賬都可以儲會籍！合資格簽賬滿HK$500,000可賺高達100馬可孛羅會會籍積分 (以簽賬賺取，以前只能夠用飛行嚟賺取)
食肆、酒店及海外簽賬HK$4 = 1里！勁抵無上限賺里數食飯卡！(2024年6月8日起)
國泰、香港快運合資格簽賬HK$3＝1里
換里數免手續費
每月簽賬積分自動兌換去AM戶口，免除信用卡積分換里數啱晒唔想煩嘅里友
一樣食到渣打信用卡優惠及Mastercard優惠

❎缺點

網上ebanking繳費無積分

好，有咗呢啲基本概念之後，我哋就可以正式進入戲肉——睇下2027年嘅大革新，會點樣顛覆我哋上面所講嘅一切！

革新篇：國泰會員計劃2027年5大核心更新

睇完基礎，而家就嚟睇下由2027年1月1日開始，國泰會員計劃會有咩變化。先嚟一個懶人包表格，用60秒掌握核心變動：

變更重點	現行制度 (至2026年底)	新制度 (2027年1月1日起)	最大好處
1. 升級積分不清零	每次升級後，會籍積分即時重設為零(reset)，例如夠300分升銀會先清零再儲600分升金	升級後積分繼續累積，不清零，例如夠600分升金會累計，再儲600分夠1,200升鑽	因為不清零(reset)所以變相需要升到金或鑽石卡嘅Status Points係少咗
2. 統一會籍年度	每位會員嘅會籍年度由入會日期決定，各有不同	所有會員統一為每曆年1月1日至12月31日	計日子容易咗，唔使再記錯到期日
3. 積分續存 (Rollover)	當年搭多咗飛機，儲多咗嘅積分無用，浪費咗	金卡或以上會員，超出保級門檻嘅積分可續存至下年度。(綠卡/銀卡無得Rollover)	當年搭多咗飛機就幫到下年保級，升級有優勢
4. 新增「鑽石行政卡」	鑽石卡 (1,200分) 已是公開資料上最高級別	新增「鑽石行政卡 (Diamond Exec)」，需2,400分。	提供專屬客戶經理等更個人化嘅頂級服務。
5. 鑽石會籍可儲備(Reserve)	會籍每年都要重新努力保級，無任何Lifetime概念	鑽石卡會員 (需持滿5年) 每賺6,000分，即可儲起一年鑽石會籍，隨時啟用	我個人認為係加入了Lifetime概念，雖然不是真Lifetime但今日飛多咗起碼叫儲起咗

官網詳情：https://www.cathaypacific.com/cx/zh_HK/membership/programme-update/smoother-simpler-better-programme-2027.html

變革深度拆解：對你嘅國泰會員影響有幾大？

睇完懶人包，相信大家已經有個初步概念。而家就等我哋逐點深入分析，睇下呢啲變更喺實際操作上點樣影響你嘅飛行大計。

1. 升級之路暢通無阻：會籍積分不再「一鋪清袋」！

呢個絕對係今次最令人興奮嘅改動！以往大家最痛恨嘅，莫過於辛辛苦苦儲夠分升級（例如由綠卡升銀卡要300分），積分就即刻「歸零 Reset」，要由0分開始再儲600分上金卡。

新制下： 假設你係綠卡會員，喺同一曆年內：

你賺咗300分 -> 成功升級銀卡，戶口結餘 300分 (不清零！)
你再賺多300分 -> 戶口累計有 600分 -> 即時升級金卡！

呢個改動大大鼓勵咗會員喺同一年內積極衝刺，由綠卡直升金卡、甚至鑽石卡都唔再係夢。對於商務旅客或者該年度有大量飛行計劃嘅朋友嚟講，絕對係一大福音。

國泰會員status point 2027年起不再歸零 — 國泰會員Status Points 2027年起不再歸零，呢張圖我覺得好正，見到一路儲到2,400 Status Points就直升鑽石行政卡

2. 統一會籍年度：不再有混亂個人週期

以往每個人嘅會籍年度都唔同，要成日計住自己幾時到期，非常麻煩，有讀者嚟問我問題時我都要追問返佢membership到幾時，又幫佢計下數先搭到咀。

新制下： 由2027年起，所有人嘅Status Points都係以曆年 1月1日至12月31日 累積咗幾多分，用嚟決定你下一個年度（即翌年1月1日至12月31日）嘅會籍級別。咁樣做令到目標清晰咗，方便大家規劃全年行程。而係2026過渡安排下實際上可享受的會籍週期都長咗，以我嘅現實情況：

本身我的金卡會籍到2026年2月，而我係2025年尾儲到700 Status Points
我現在計劃最多程飛機安排係2026年1月及2月搭
假設我係1-2月賺多500會籍積分，係2026年2月28日前已經累積到1,200 Status Points，升做Diamond!
咁我只要係2026年1-12月，全年儲夠1,200分(如1-2月賺取500分，我3-12用賺多700分就夠，無需重新儲1,200分)，我的Diamond會籍年度會去到2027年12月31日！(下一年嘅會籍級別會以上一年的Status Points嚟決定)
係文章上半個section過渡安排：里先生2026年「過渡期」一分兩用攻略都有講到
如果以現制玩法，我於2月後不賺取任何Status Points的情況下，我的Diamond只能保留到2027年2月，但係新制下慳咗力去賺取Diamond及適用於2027年全年！

國泰會員2026過渡安排，賺取的會員積分可以一分兩用為2027會籍保級或升級 — 2026年賺取的會籍積分決定2027年的會籍級別

3. 積分續存 (Rollover)：飛多咗可以跌落下年度

呢個係金卡或以上會員嘅專屬福利(綠卡及銀卡無)。好多時為咗保級，我哋可能會儲多過門檻少少，例如金卡會員（保級需600分）最終儲咗800分，多出嚟嘅200分以往就浪費咗。

新制下： 呢位金卡會員可以用600分保級，然後將多出嘅200分續存至下一個年度，作為下年嘅「起動積分」，而上限就係保級需要積分的50%，各級別實際可續存的積分如下：

金卡： 最多可續存300分
鑽石卡： 最多可續存600分
鑽石行政卡： 最多可續存1,200分

呢個設計都真係人性化，令高階會員更有動力去儲分，因為多出嚟嘅努力會直接回報喺下一個年度。

4. 鑽石之上再創高峰：「鑽石行政卡」登場

以往只有沒有官方公告的級別Diamond Plus (by invitation only)，國泰推出咗全新嘅「鑽石行政卡 Diamond Exec」，門檻係每年2,400會籍積分。其尊貴禮遇包括：

專屬客戶關係經理RM： 提供一對一個人化服務，處理航班同訂位需求。(以往一直都有，只係俾啲2024年賺取了2,800 status points的DM)
升艙憑證： 4張單程升艙券，最高可升至頭等艙。
金卡提名權： 可以提名一位親友成為金卡會員。

呢個級別明顯係為咗鎖定消費力最強嘅一群人，提供真正嘅VIP服務。而凡事都有兩面，新增咗一級代表住本身的Diamond Member嘅「威威程度」低咗，本身出嚟行DM就已經係最高級，現在多了個Diamond Exec係上面，咁本身夠數1,200積分但有排都未夠2,400積分嘅DM又真係比下去嘅。不過都真係一山還有一山高，國泰係官方FAQ到有提到仲有鑽石尊尚卡(Diamond Plus，鑽石尊尚卡僅限獲邀會員)，所以都真係要追就幾時都有得追，你以為Diamond Exec已經無敵？其實仲有隱藏大佬DM+啊！

5. 「鑽石會籍儲備」Diamond Membership Reserve：忠誠度嘅終極獎賞

呢個做法都幾有創意，本身國泰會員沒有像其他航空公司會員計劃的「Lifetime membership」，變相好多識玩嘅常旅客FFP都會留啲status points放係其他有lifetime嘅航空會籍，而呢個正正係最高階member嘅pain points，而係新嘅制度下就加入咗有少少Lifetime概念嘅Diamond Membership Reserve的長期會員獎勵計劃，專為持有鑽石卡會籍滿5年或以上嘅超級國泰Fans而設。

玩法： 當你符合資格後，每累積滿 6,000會籍積分，就可以得到一年嘅鑽石會籍「儲備」起嚟。呢個儲備冇使用期限，亦冇儲存上限。

換言之，如果你喺某幾年飛得特別多，或者年輕時狂出差狂飛，你可以儲定幾個「鑽石年資」，喺之後可能因工作或家庭轉變而飛得少嘅年份，拎出嚟用，確保可以一直享受鑽石卡嘅待遇。

「鑽石會籍儲備」Diamond Membership Reserve每6,000積分有一個

國泰會員更新FAQ

2027年國泰會員計劃最大的改變是什麼？

2027更新有5大核心改動，包括：

升級積分不清零(reset)
統一會籍年度(calendar year)
積分續存 (Rollover)
新增「鑽石行政卡」(Diamond Executive)
鑽石會籍可儲備(Diamond membership Reserve)

我覺得最大的改變而影響到每一位會員是會籍積分在會員升級後將不再重設為零(Reset)。

我在2026年儲的會籍積分會怎樣計算？多賺Status Points會浪費嗎？

2026年是關鍵的過渡年，你儲的積分絕對不會浪費，而且有「一分兩用」的效果。首先，2026年內升級/保級仍然沿用現制。但同時，國泰會計算你2026年全年（1月1日至12月31日）累積的總積分，用來決定你2027年整個年度的會籍級別。安排得好更加係有延長會籍級別嘅效果。

我有需要做什麼動作才能確保賺到Status Points和享有禮遇嗎？

有！這一點非常重要。要確保你係旅程中無縫享用會籍禮遇（如Lounge、優先登機等）及賺取會籍積分，記得記得在出發前於預訂中輸入你的國泰會員號碼。一旦完成辦理登機手續 (Check-in)，你的會員號碼將不能被移除或更改。

新制度下，我的國泰會籍年度如何計算？

從2027年1月1日起，所有國泰會員的會籍年度將統一為每年1月1日至12月31日的固定日曆年。你無需再記住自己獨特的會籍到期日，所有人的計算週期都變得一致。

如果我在2026年底才剛剛升級，我的會籍有效期會變短嗎？

會的。由於系統將在2027年1月1日進行統一轉換，所有在2026年期間獲得的會籍，其有效期最遲只會到2026年12月31日。之後你在2027年的會籍級別，將完全取決於你在2026年全年的總積分累積，正因如此，你如果剛在2026年11月升級，那你在2026年1月至12月時賺取的會籍積分會用作計算2027年的會籍級別，所以你如「差少少」升到下一個級別就要預早安排衝埋佢！國泰提前15個月公布是次改動，相信就是希望會員有充足時間規劃。

新的「會籍積分續存(Rollover)」是甚麼意思？

這是為金卡或以上級別會員新增的福利。從2026年起，如果你在一個年度內賺取的積分超過了保級所需，多出的積分可以續存到下一個年度使用，讓你下一年保級或升級時開咗個好頭。例如金卡會員（保級需600分）賺了800分，便可將200分續存至下年。

官方FAQ：https://www.cathaypacific.com/cx/zh_HK/faqs/cathay-membership-programme/programme-updates-in-2027/general.html