渣打信用卡交稅優惠2024/2025｜綁Alipay交賺回贈？另Visa特選客戶交稅享高達$300現金回贈！
渣打信用卡交稅優惠2025，用渣打交稅的話玩法有兩個
- 綁Alipay交稅賺基本回贈
- 特選渣打信用卡客戶憑指定信用卡繳付稅項並累計指定稅項金額
Alipay渣打交稅優惠(基本積分全民有份)
渣打國泰卡交稅有無里數回贈？按條款嚴格執行的話可以叫做無，因為寫咗「繳稅」為不合資格簽賬，但係現時轉一轉個方式綁Alipay嚟交的話2024年11月既實測結果仲係有，但諗住用呢隻玩法的話小心渣打隨時嚴格執行條款，有機會到你交完先話無。
官網條款：https://av.sc.com/hk/content/docs/hk-cc-cx-card-selected-category-tnc.pdf
2023實測係有$6/里
2024再實測：都有$6/里
Alipay扣稅券2024-2025
今年Alipay都有出扣稅券，你去返Alipay App到search「繳稅專區」你就搵到交稅Promo
- 優惠期: 至2024年12月30日
- HK$50扣稅券
- 領券後政府繳稅滿HK$10,000可抵扣HK$50
- 領取後3天有效
仲有其他搶券活動可以，去search「繳稅專區」到搵，每日12pm放優惠券。
AlipayHK綁渣打信用卡交稅實測結果
用渣打國泰卡綁AlipayHK交稅，好多人問「用渣打國泰卡交稅有無里數回贈？」
要答呢個問題有2個層面
- 如果用渣打國泰卡於渣打online banking交稅，按條款及實際上無里數回贈。
- 但係轉一轉個方式，用渣打國泰卡綁定AlipayHK交稅的話，我現在答你問咗渣打CS，係有HK$6/里的里數回贈的。我去搵live chat CS問佢話查到我條交易係有HK$6/里
- 換句說話只要你肯付出1.5%手續費的話，你渣打國泰卡綁AlipayHK的交稅係會有無上限HK$6/里的！但留意按條款有寫繳稅無，點樣去解釋「繳稅」個決定權係渣打到，諗住用呢隻玩法的話小心渣打隨時嚴格執行條款，有機會到你交完先話無。
(最抵買里數方法)利用渣打國泰卡交稅變相食迎新買里數
渣打個迎新條款寫得更加明確「其他繳費方法繳付之賬項（包括但不限於稅項及公共事務賬項）」不合格簽賬，雖然我暫時實測係仲計算作迎新，點樣去解釋「其他繳費方法繳付之賬項」個決定權係渣打到，諗綁Alipay迎新的話小心渣打隨時嚴格執行條款，有機會到你交完先話無。
渣打迎新條款：https://av.sc.com/hk/content/docs/hk-cc-tncs-downloadnow.pdf
2024年實測新申請渣打國泰卡交稅: CS回覆”一般是計算的”
按照呢個logic，渣打國泰卡新客簽$40,000有40,000里，如果你肯俾1.5% Alipay交稅手續費同埋測試計入迎新的話(2023年讀者實測係得，2024實測咗問咗CS佢咁答應計到迎新)，如果渣打無改變到個玩法(但咁玩真係好抵，我個人覺得渣打隨時會封呢隻玩法)，啫係可以用$40,000*1.5%=$600就食到迎新40,000里+限時額外免簽賬12,000里迎新，一嘢就食52,000里！
渣打信用卡直接交稅優惠
渣打信用卡交稅優惠2025，今次喺特選優惠嚟快啲check下email中唔中啦。由即日起至2025年1月31日，特選渣打信用卡客戶憑指定信用卡繳付稅項並累計指定稅項金額，可享以下現金回贈。
- 累績繳稅金額滿HK$30,000至HK$100,000享HK$150現金回贈
- 累績繳稅金額滿HK$100,001或以上享HK$300現金回贈
除咗渣打信用卡特選優惠，仲可以睇埋其他信用卡交稅優惠
渣打信用卡交稅優惠｜詳情
- 優惠期：2024年11月1日至2025年1月31日
- 特選渣打信用卡客戶憑指定信用卡繳付稅項並累計指定稅項金額，可享以下現金回贈
- 累績繳稅金額滿HK$30,000至HK$100,000享HK$150現金回贈
- 累績繳稅金額滿HK$100,001或以上享HK$300現金回贈
- 所有繳稅必須於2025年2月15日或之前根據信用卡月結單上顯示的交易日期記賬
- 回贈將於2025年5月31日或之前存入合資格信用卡賬戶
- 詳情：https://av.sc.com/hk/content/docs/hk-ccpl-tp-300cr-oe-tnc-1124.pdf
