【香港半島酒店優惠+入住報告】激抵限時住宿包3餐優惠！ 住宿連早午晚餐最平為HK$2,682/晚！仲可以揀食經典下午茶！

近排愈嚟愈多酒店Staycation優惠，今次連半島酒店都有份啊！大家只要由今日至2020年8月31日預訂10月31日前嘅房，就可以享用「味遊半島」度假禮遇！當中除咗住宿之外，仲包埋雙人早餐、午餐同晚餐！喺包哂你3餐啊！如果你想試經典下午茶嘅都可以，但就冇得食佢嘅午餐，因為喺二揀一㗎。最癲喺包哂咁多嘢價錢都只喺HK$2,682一晚！仲要已經包埋服務費，今次半島真喺劈價劈到癲！如果想試下住半島嘅今次真喺要把握機會唔好錯過，因為今次優惠真喺好荀啊！

提提大家今次優惠冇得免費取消，有興趣就快啲度好度好個期book房啦！因為真喺唔知幾時賣哂㗎！按四季個經驗呢啲經典頂級酒店超快Book爆！

如果想睇埋其他酒店Staycation優惠比較下，可以睇返香港酒店優惠Staycation合集或米芝蓮餐廳優惠Staycation/Eatcation指南！或者有狗狗既朋友可以睇下Pet Friendly酒店優惠Dogcation！如果係Staycation新手唔知規矩，記得睇睇香港Staycation Dos & Don'ts！ (2020年9月21日更新) 今期都抵嘅deal可以比較下：文華東方包早+Tea+晚餐 HK$2,750(連加一)、朗廷優惠加強版「$0」房價優惠！ 想知用咩信用卡係酒店俾錢最抵就睇返Staycation酒店信用卡比較啦！

【香港半島酒店】味遊半島度假禮遇詳情

【味遊半島】度假禮遇

• (最平房價HK$2,682(已包服務費)都已經俾人訂晒，要住呢個package就要選啲貴啲既房型喇，唔想錯過快啲like定里先生facebook接收最新優惠資訊)
• 預訂期限：即日至2020年8月31日
• 入住期限：即日至2020年10月31日
• 優惠碼：PHKTATC
• 預訂及官網詳情：https://www.peninsula.com/zh/hong-kong/special-offers/rooms/stay-and-dine-offer
• 於大堂茶座享受豐富雙人早餐（每次入住）
• 雙人三道菜晚餐菜譜以送餐服務於客房內品嚐（每次入住）
• 於大堂茶座享受雙人午餐菜譜；或以送餐服務於房內品嚐；或於大堂茶座享受雙人經典下午茶（每次入住）
• 免費獲贈歡迎禮
• 不可以免費取消
• 最平嘅豪華客房每晚優惠房價為HK$2,682(已包服務費)
• 其他房型每晚為HK$4,882起(已包服務費)

菜單Menu→https://www.peninsula.com/zh/hong-kong/special-offers/rooms/-/media/85faf6febc0a4a5b9da99a4f3310f1f3.pdf

「重逢 – 香港‧半島‧愛在八方」港人獨享優惠

• 詳情及預訂網址：https://www.peninsula.com/zh/hong-kong/special-offers/rooms/8-loves-of-hong-kong
• 每房每晚兩位客人享用早餐
• 享用單程勞斯萊斯轎車接送服務 (每次入住)
• 入住期間可專享500港元之餐飲、酒吧或半島水療禮遇 (每次入住)
• 專享「Peninsula Time」24小時彈性入住及退房時間
• 半島精品店之朱古力禮盒
• 入住後六個月內可享有500港元之餐飲、酒吧或半島水療禮遇
• 免費參與「香港‧半島‧愛在八方」其中一項特色活動(詳情可參考官網)
• 豪華客房每晚房價由HK$3,600起，高級套房每晚房價由HK$5,880起，客人可於第二晚或預訂另一房間時專享半價禮遇
• 預訂期限：2020年5月8日至8月26日
• 入住期限：2020年5月11日至8月31日

---

【半島酒店。味遊半島】度假禮遇親身體驗分享

呢次單止係我第一次入住香港半島酒店，仲係我第一次行入半島。唔知算唔算大鄉里出城，都三十有多居然今次係第一次行入半島。今次訂嘅係歷史新低價「味遊半島」$2,682 staycation package （已連加一）。

唔知咩原因，今次嘅入住比較感性，體驗上可謂震撼心靈。有啲似去旅行走去睇遺跡啊入教堂果種感覺。老實講未入住前我個人對半島品牌無咩特別好感，亦覺得咪又係一間酒店，只不過係價錢貴過人咁解，奢華品牌都叫做住過無十間都有八間我諗體驗上都係差唔多嘅啫…不過到訪過後我睇法係有啲改變。香港半島酒店對作為於香港長大嘅我嚟講係獨一無二嘅。2020年酒店業災難式生意下滑，價錢跌到去現時呢個震撼價…實屬可悲。

今次寫嘅入住體驗好多嘢想寫，而酒店都有好多細節可以寫，不過我就著量寫下，更多嘅位留返俾你去「開箱」。

入住半島準備Preparation

入住半島的話建議可以睇下酒店嘅歷史，見証住香港嘅興衰繁榮與變遷而酒店都有跟住時代變化注入新元素。感性mode入住，那怕你是住最平最低級別嘅房間都別有一番體會。Dress code我自己係smart casual，有披返件jacket，著返條長褲帶返隻靚啲嘅錶去入住嘅。可能多餘，個人喜好啫。

你要睇返酒店歷史當然可以google，或者懶得睇嘅可以去到酒店先睇佢果本「半島美學」，我深夜時份花了半小時去細味，感受良多。眾人所知2020年係香港歷史轉列點，於歷史級酒店過夜，看著維港反思過去諗諗將來，今日有嘅香港半島風情未知日後如何變遷，可能因而慨嘆但都享受下當下感受。

借用書內一句說話：美是一種意識，一個人本概念，一條主觀同時客觀的哲學命題，但它始終和人的感受分不開。

美的主觀客觀我都講唔清楚，以下都係好片面嘅「我的感受」，其他留返你自己去感受吧！

Checkin及Afternoon tea

正常為3pm checkin但我訂咗2:15pm下午茶，所以2pm就到酒店。一入門口其實有啲嚇親，因為入面好多人…checkin個位都有10幾20組人排隊…感覺有些少混亂。無法，價錢平咗多咗人住，星期六2pm入住高峰都可以理解。決定先食tea再攞房。

去The Lobby（食tea間餐廳）問一問，預訂的afternoon tea餐廳滿座，而職員都早有預備問我要唔要去樓上間露台餐廳到食。當時我心諗咁Q多人係到等食都係玩自己，最後答應到樓上食。對我嚟講係無選錯，樓上靜好多都有啲風景可以睇下。食物質素我就覺得唔錯，比我預想的好食（文內有圖😆）

食完後約三點半去返前台。Surprisingly人龍居然消散咗，不得不佩服職員嘅效率，我有數返原來同時有5-6個櫃位做嘢，所以即使有人龍但都清得好快。味遊半島個package會係check in時點埋你in-room dining食乜，tick完就可預約埋晚餐幾時送。

半島房間

今次入住526號房。半島有分高低座，低座為1928年落城嘅建築物，而30層高座（Tower building）為90年代擴建落城嘅樓層。我住526就係經過半島正門會見到有兩個「露台」位嘅其中一間。個露台聽講以前係開到，呢加當然係封咗只係裝飾嚟。

正常高樓層個view應該會好好多，但係我個人覺得住底座又無乜壞，於半島入住歷史建築別有一番風味。本身最平package只包邊位房，我住呢隻叫「中庭房」正面向維港，check過貴$100，想住返呢隻嘅可以留意下。

房間裝修係我一入門果下真係已經嘩咗出聲，最平房型都好靚。事前我無睇過任何人寫的入住報告或相片，本身我以為會係Conrad/港島香格里拉/JW Marriott HK果種老派經典風格，但完全超乎我想像房間用上大量黑色鋼琴色木裝修非常modern，睇返資料應該係2012左右有做過房間翻新。而房間保養得好好同感覺非常乾淨。比較遺憾係浴室風格會比較舊，唔係嘩嘩聲咁靚但我自己覺得可以接受。

房內好多設備都好amazing，有nail drying machine，仲有影印fax機，音響都好好。最amazing係佢部touch panel 真係好好用，可以order DVD, room service, 控窗簾, 光暗, 選台, almost everything 。堅係好貼切到住客嘅需要。

有一點都提返因為房間隔局為相連房，隔音上好似差咁啲，我係房到會聽到隔嚟房啲人講嘢。

半島酒店In-room dining

7:30pm預訂嘅嘢食就到咗，全部都唔差中西式都好食。我本身唔好甜食但兩個甜品都好美味令我都多吃了幾口。最差嘅係麵包，都幾硬，無乜誠意。兩個人食建議中西各樣都試下，menu上全部都值得試。

半島早餐

會係大堂The Lobby用餐，10點落去食都唔覺多人，環境非常好感覺好嘆。點餐早餐嚟（I love it much more than buffet）有中西選擇，個人口味嚟講正常早餐我會叫中餐但佢個西式早餐個名叫「半島早餐」，改個咁嘅名初次入住無得唔揀啦…另有鮮果汁order，質素高但我都無謂吹到佢飛天，總括嚟講係普通材料但整得好食。必定要一提係個環境真係無得彈，係半島The Lobby食早餐都係一種體驗嚟。

Overall嚟講，$2682唔係平，但我覺得值。洗咗啲錢都希望你可以獲得多啲感受。香港人的品牌半島酒店唔係浪得虛名。

---

半島酒店入住相片

【香港半島酒店】味遊半島度假禮遇條款及細則

• 以上禮遇已包括10%服務費
• 以上禮遇視乎客房供應情況而定
• 客人預訂以上禮遇一經確認須同時繳付全費，預訂將不能取消，款項將不設退回
• 以上禮遇的訂房一經確認，客人可更改所選之入住日期一次而毋須額外付費，更改的日期須於禮遇入住期限內
• 尚未使用的美食禮遇不能退款，亦不能於退房時使用
• 此禮遇不可與其它任何計劃同時使用
• 官網訂房系統的條款及細則亦適用於以上禮遇
• 如有爭議，酒店保留作出最終決定的權利

【香港半島酒店】限時住宿優惠常見問題FAQs

香港半島酒店【味遊半島】度假禮遇推廣期去到幾時？

• 【味遊半島】度假禮遇預住期限為即日至2020年8月31日，而入住期限為2020年10月31日。

香港半島酒店【味遊半島】度假禮遇要喺邊度預訂？

• 上返官網預訂就可以，上文有提供網址！

訂房用咩卡訂好？

• 我建議online俾錢的就用HSBC Red，係酒店/餐廳俾錢的話就用Citi Cash Back啦！想知邊張卡適合自己嘅可以睇返現金回贈信用卡比較或者里數回贈信用卡比較！上網book定俾咗錢先的話就睇睇網購回贈信用卡！

用咩卡訂/於酒店俾錢好？

我建議online俾錢的就用HSBC Red，係酒店/餐廳俾錢的話就用Citi Cash Back啦！想知邊張卡適合自己嘅可以睇返現金回贈信用卡比較或者里數回贈信用卡比較！上網book定俾咗錢先的話就睇睇網購回贈信用卡！