平時申請信用卡，又要交入息證明、又要等批核、仲要查 TU環聯信貸報告。有時急住想網購，或者學生哥/Freelancer想有一張Mastercard傍身，又可以做到「秒批、秒用」，不妨考慮開返張八達通 Mastercard！
另外八達通Mastercard 搶先同外送平台foodpanda推出優惠！由2026年1月1日至2026年3月31日，於foodpanda應用程式或網站嗌外賣，使用八達通Mastercard簽滿HK$180 + 輸入優惠碼 「OCL50」，即享HK$50即時折扣！
今日就同大家拆解下呢張卡點解咁多人用，而且仲可以加入Apple Pay / Google Pay手機支付！
八達通 Mastercard 係咩嚟？信用卡定Debit Card？
首先要搞清楚個概念，八達通 Mastercard 本質上係一張虛擬預付卡，可於全球接受Mastercard嘅商戶輕鬆付款。
- 無信貸額： 佢唔係借錢俾你，而係你個「八達通銀包 (Octopus Wallet)」有幾多錢，就可以用幾多錢。
- 全球通用： 雖然佢扣八達通銀包嘅錢，但佢行 Mastercard 網絡。即係話，全世界收 Mastercard 嘅地方（網上或實體店），你都可以用佢嚟簽賬！
簡單黎講，佢係一張「無需銀行戶口、無需審查」嘅 Mastercard，啱晒追求方便同快捷嘅朋友。
【最新優惠】八達通Mastercard x foodpanda 優惠詳情
- 推廣期： 2026年1月1日至2026年3月31日
- 優惠碼：「OCL50」
- 優惠門檻： 於 foodpanda 訂購美食外送或自取，單一淨額簽賬滿HK$180或以上（不連運費）
- 折扣優惠： 即時扣減HK$50
如何使用優惠：
- 打開 foodpanda App 或網站。
- 揀選心水餐廳，將美食加入購物車 (記住食物金額要滿 HK$180，唔計運費及平台費)。
- 去到結賬頁面，係「使用優惠券」一欄輸入優惠碼「OCL50」。
- 付款方式選用八達通Mastercard。
- 見到系統即時扣減HK$50後，確認付款！
點解要用八達通 Mastercard？四大核心優勢分析
易申請：免入息、免年費
-
- 最大嘅賣點！唔使交入息證明 / 住址證明
- 只要你有八達通 App 同電話號碼，撳幾個掣就即刻出卡號俾你用。
- 學生、家庭主婦、或者剛畢業未有穩定收入嘅朋友都申請得。
2. 支援 Apple Pay / Google Pay：電話嘟卡即俾錢
- 雖然八達通 Mastercard 預設係虛擬卡，但都支援手機錢包！
- 申請完之後，你可以直接喺 App 入面撳「加至 Apple Wallet / Google Pay」。
- 出街買野、食飯、去超市，就算你無帶實體銀包，拎部電話出黎「嘟」一聲就俾到錢，方便程度同普通信用卡一模一樣。
3. 本地海外都用得：網購旅行通殺
- 網上簽賬同去海外實體店，你都可以用電話俾錢
4. 增值超方便：轉數快 (FPS) 秒到數
- 既然係預付卡，好多人擔心「入錢」好麻煩。其實八達通銀包支援轉數快 (FPS)。
- 你只需要喺銀行 App 設定好，隨時隨地都可以由銀行戶口轉錢入八達通銀包，一秒即刻用到。
八達通 Mastercard 優缺點一覽
✅ 優點：
- 門檻極低：0難度申請，即開即用，無年費壓力。
- 手機支付：支援 Apple Pay / Google Pay，無需實體卡都出得街。
- 預算控制：入幾多用幾多，唔怕碌爆卡或者做成卡數負擔，好適合用黎做 Budgeting。
- 安全性高：App 內設有開關掣，唔用嗰陣可以鎖卡，網購更安心。
❌ 缺點：
- 無積分回贈：呢張卡消費係無里數或 Cash Back 儲嘅 (重點係方便，唔係賺分)。
- 需預先增值：要確保銀包有錢先碌得，對於習慣「先洗未來錢」嘅人可能唔慣。
- 受限於銀包等級：如果無做實名認證 (Pro)，每年交易限額會比較低。
八達通 Mastercard 邊類人最適合用？
- 學生 / 大專生： 未申請到信用卡，但又想網購或訂閱 App。
- 理財新手： 驚自己亂碌卡，想用幾多入幾多黎控制支出。
- 極速需要卡人士： 突然要喺外國網買野，等唔切銀行寄卡黎。
- 旅行/海外簽賬： 想喺外地用 Mastercard 網絡消費，又想用 App 隨時睇住個 balance。
八達通 Mastercard 開卡教學
- 想簡單啲，可以直接search「八達通 Mastercard 」，之後click立即申請！
- 同意咗八達通 Mastercard 條款及細則之後，已經成功開卡喇！
